المستوى: [] النشاط /
بعد ماجت العقارية وفتحت لنا اللفت ورقينا للشقتنا وانا بس قاعد افكر وش المقاجأة اللي محظرتها لنا نزلنا من اللفت وسحبنا شناطنا لباب الشقه وفتحنا الباب قبل مانفتح الباب جالسه اشوف من برا الباب كان الزوليه مدموره وفتح الباب الـــــــــــــله وش هالحركات ماادري من وين أبدأ شوقتكم صح؟؟؟ اول مادخلت لقيت الفرشه اللي قدام باب غرفة الغسيل خربانه وهريانه وصاير فيها نتوش واما غرفة الغسيل اللله ولا احلى منها طبعا الارضيه وسخه وفيها اوراق وكتب كان زوجي حاطها عقب دمار حريقة السياره وكلها تناثرت واكيد خربت زياده على خرابه من عقب الحريق وفيه فتحه في الجدار مفتوحه علشان الماصوره اللي كانت منفجره والغساله ماتشتغل خربت يعني حوسه رهيييييييييييييبه وبعدين دخلت شوي قدام غرفة الغسيل المطبخ وهو مفتوح ماجاه شي الحمد لله بس لقيته وسخ وأنا مارحت الا ومخليته يلمع على جنب الغرف واللي قدام الصاله الممر اللي يودي للغرف في وطية العامل صايره سوداء الغرفه الاولى فيها شناط واشياء ثانيه لقيت حوووووووووووووسه الشناط وحده على الثانيه ومجمعه باخر الغرفه وكل الاشياء باخر الغرفه وحوووسه صايره غير اثار بقعة الموية الغرفه الثانيه اللي في غرفة النوم جزء من الفرشه مقلوع وتحته جهاز وفيه مروحه كبيره علشان تنشف وصوتها مررررررررررررررررررررررررررره مزعج بالاذن والفراش كما هو ونشف وهو كما هو مااهتموا ولا رفعوه زين معلقه ملابسنا بالدالوب والا كان امتلت مويه وخاست مااحد رفعها كنت مسفطه السجادات وحاطتها بارضية الدالوب مره جيت باصلي لقيت رحيتها خايسه لانها ترطبت ونشفت وهي كما هي فطبيعي تخيس نرجع للصاله نفس الشئ الفرشه مقلوعه وتحتها هالمروحه الله لايبارك فيها وبصراحه ازعاج مو طبيعي والواير لس والتليفون كذا مرميين في المطبخ ولا كلفوا يرفعونها فوق طاولة المطبخ ومسامير بارزه علشانهم قالعين الفرشه والكنابات محطوطه باخر الصاله علشان المويه بس الحمد لله ماجاها شئ البلكونات كلها مفتوووووووووحه يعني لو يجي حرامي ويسرق بياخذ راحته مخلينها ليل نهار مفتوحه طبعا بعد مااستمتعوا بحفل الاستقبال البهار واللي مافي مثله اتوقف هنا واكمل لكم ليش اللي صار عقب كذا معنا ابيك تتوقعون ايش عملنا ؟؟ هل جلسنا بالشقه وكملنا يومنا؟؟ او رحنا لمكان ثاني؟؟ او طالبناهم يشفون لنا صرفه وين نروح؟؟ ولاتنسون مراوح مزعجه ومسامير بتارزه ومعي عزوزي بانتظار ارئكم وتعليقاتكم بالتفصيل ترى احب التفصيل هههههههه