[الفراشة الوردية]

السلام عليكم

هذي قـصيده أعجبتني ومدري من هي له :

ياخوك همي هم وجروحي جروح
وشلون ابنسى والليالي جروحي

ضايق وانا من زايف الوقت مجروح
ومن لوعه الايام عايش بروحي

ما ودي احكي عن همومي ولا ابوح
الا لولي العرش سري وبوحي

تخنقني العبره على صوت مبحوح
واكنها دمعه بعيني تفوحي

واحسها دله على جمر وتفوح
وتذوب من حر المعاليق روحي

هذي المواجع احسبه يوم وتروح
اثر المواجع لا لفت ما تروحي

حتى بنت في خافقي برج وصروح
عن قمتي ما سولفتلك سفوحي

والنوح من نوح اليمامه على الدوح
محدٍ عرف ليه اليمامه تنوحي

مدري طرب ولا من احزانها تنوح
ياقيس قم ياقيس واصدح بدوحي

قصه مثيره في جسدها نفث روح
ياللعجب كم كنت فيها لحوحي

طفلٍ حياته لعب وصراخ ومروح
واليوم جد الجد مابه مزوحي

ارسم والون صورتي لون مفتوح
والقا غموضي في ملامح وضوحي

عجزت ابفهم قصتي درس مشروح
غايه تبدد في مداها وضوحي

كلي طلاسم غامضه بوجه مفضوح
واصد عن عين الفطين الفضوحي

دقتني الايام مسمار في لوح
لين ارتكز مسمارها وسط لوحي

دنـيا ظلام وليل مابيَح البوح
والصبح في شمسه بخيل وشحوحي

شفت الفرح في ساحه الحزن مذبوح
منظر كئيب بحــــــاله الذل يوحي

لا تسألوني ليه وشلون وشنـوح
ياخوك همي هم وجروحي جروح
وشلون ألملم بالليالي جروحـــي




منقوووووووووووول