[~ ريم ~]

يا حليلك يا عطوفه انتي مثلي ام فرش

انا ولدي توه مكمل ست شهور وترا خبرتي مره قليله واسمع من هنا وهنا واطبق واهم شي انها اشياء طبيعيه

شوفي انا بديت معه من اربع شهور بس عصائر فرش مع اضافة الماء عليها 50% وموية السليق

من رأي لا تتقيدين بعدد للوجبات اذا لقيتيه جايع اكليه والحليب خليه في الليل واذا صحا من النوم واذا رفض الاكل عطيه حليب

واذا نشف حليبك مره عطيه صناعي خلي الدكتور يكتب له نوع حليب يناسبه الحليب مهم له مره حتى لو صناعي الشكوى على الله اهم شي حليب انا ولدي مع الاسف مارضع طبيعي كثير لأني داومت للكيه بدري ونشف صدري

وكل شي طازج عطيه من خضار مسلوقه ومهروسه بطاطا وجزر وكوسه

ورز مصري او اذا تعرفين السليق وكريمه ومهلبيه والزبادي قليل الدسم

وفاكهه مهروسه موز وتفاح وشمام واي نوع اهم شي مايسبب له حساسيه

ومع الوقت بتعرفين وش يحب اكثر ولا يسبب له حساسيه لأني اعاني من ولدي من هالشي

وافركي في فمه زيت من زفر الدجاجه اللي باقي في يدك علشان يتعود مره زين لأن عمره ثمنيه شهور

وشي اسمه جاهز ومعلب من خضار وفاكهه من الصيدليه نصيحه ابعدي عنه انتي اسلقي واهرسي وعطيه احسن له

وممكن تعطينه سيرلاك وبسكويت الاطفال المدور اللي فيه شقوق انا اكسر نصها في الرضعه او اصب عليه شوي شاهي

واهرسه واعطيه لأنه احسن من السيرلاك وحبه اكثر منه

ومهم انك لا تحطين على الوجبات سكر اذا رفض لا خليه يتعود على الطعم الاساسي

بنت اخوي يحطون لها حتى في المويه سكر وهذا غلط

اتمنى حبيبتي انك فهمتي علي وانا في خدمتك دائماً

وربي يحفظه لك ويخليه ويبر بك ان شاء الله تعالى

م ــــــــــــودتي