[حنان الكون]

ممكن تلبسينه بطريقه ثانيه بالاستعانه بجهاز :



نفس الفكره بس تحطين العدسه بالجهاز وهو يمسك العدسه ويمنعها من الانزلاق .


خلاص الحين لبستي العدسه ، وين تحسبين انك خلصتي ، لا لا لا ، تعالي هنا .

تأكدي انها في موقعها الصحيح . لانها ساعات تميل شوي ، او ماتكون ماخذه موقعها صح .



شدي طرف جفنك العلوي واسحبيها وراح تحسين ان العدسه تحركت شوي وأخذت موقعها .

إذا حسيتي العدسه تتحرك شوي ممكن تتبعين هالطريقه .

دلكي عينك باصابعك ، او براحة يدك .

إذا حسيتي بعدم راحه ممكن تقطرين في عينك شوي من المحلول . لانه مع محاولات اللبس المتكرره ممكن تتوسخ العدسه فالافضل إذا مانجحت معك التجربه لاكثر من مره تقطرين على العدسه قبل المحاوله الجديده ، او بعد لبسها .



خلاص الحين محد قدك لابسه عدساتك ، بس هاه الافضل ماتنامين فيها الا إذا كانت مخصصه للنوم ، مو تقعدين فيها اسبوع ، اكبر مده ممكن تقعدين فيها 6 ايام لا أكثر .
إذا الجو غبار شيلي محلول العدسه معك وقطري بعينك وإذا حسيتي بحرقان قطري فيها .


نجي الحين لكيفية اخراج العدسات وتنظيفها .

اهم شي يلزمك محلول :

من أفضل المحاليل على الاطلاق هو محلول رينيو مالتي بلس :

طورت شركة بوش اند لومب محلول قادر على تنضيف البروتين كليا من غير الرجوع للاقراص التقليديه المستخدمه في تنظيف العدسات سابقا ، بس للاسف طلعت اشاعه كبيره ان هذا المحلول يسبب فطريات بالعين مع انه ماثبت أي حالات اصابه مؤكده منه ، لكن الحذر واجب ، انا شخصيا استخدمه وماسبق حسيت باي مشاكل منه . واكثر محلول ارتحت له .


افضل محلول بعد رينيو :


كومبليت ، وركزوا عليه شعار شمس ، كثير من الناس اللي عيونهم حساسه ارتاحوله كثير .



وايضا عندك


الكون ابتي فري ايضا من اشهر المحاليل ، ويتميز بمجموعته الكبيره ، وعندهم اقراص تنضيف العدسات .



وفيه محاليل خاصه بتنظيف العدسات من البورتين تنضيف أقصى ، او خاصه بالعيون الحساسه ، اختاري اللي يناسبك .


طبعا مجرد تفتحين العبوه ، خلاص احسبي ست شهور من تاريخ الفتح ، بعدين قطيه حتى لو بقى كثير منه ، مثله مثل الفيفادول أو قطر العين الثانيه لايستخدم بعد الفتح لاكثر من 6 أشهر .


المهم :

اغسلي يدك مثل ماذكرنا سابقا ، ولا تنشفينها

شيلي العدسه من عينك .