[dadi]

بسم الله الرحمن الرحيم
السلام عليكم ورحمة الله وبركاته

مرحبا منولات كيف احواكم جميعا

انا عندي خلطة لبعد الحمام مرررره رووعة صار لي ستة شهور استخدمها
ومافيني ولا تشقق -ماشاء الله تبارك الرحمن- والتهرش اللي كان يجيني من اول بسبب تمدد الجلد ما جاني...وتخيلو هذي المره لا زبدة كاكاو استخدمت ولا بالمرز ولا دفع على الفاضي

وتقدرون تستخدمون هذي الخلطة لبناتكم او اولادكم الصغار ما منها ضرر بإذن الله

طيب ايش هي
هي عبارة عن مكونين بس

الأول زيت للأطفال: مثل جونسون او نونو او اي ماركة...بس جونسون ريحته احلى
الثاني زيت اللوز الحلو : اعرف بتقولين ليش الحلو مو المر ...لأن المر فيه نسبة سمية والحلو أكثر أمان للاستخدام واعرف بنات من الأردن يستخدمون الحلو للكلف والنمش والنتايج رووعة

الطريقة:
جيبي علبة بخاخ فاضية او اي علبه
أنا جبت علبة من بعد بيبي اويل البخاخ
المهم إملأي ثلاثة أرباع العلبة زيت الأطفال + الربع الباقي زيت اللوز


وكل ما تحممتي جففي جسمك ورجي العلبة وبخي على جسمك وادهني كامل
وصدقيني راح تلاقين رطوبة روووعة وتستمر معاك وقت طويل
وتصير بشرتك قوية ومشدود اكثر

وتحياتي