[ام عزوزي]

بسم الله الرحمن الرحيم




حياكم الباري

قبل ما نرجع للسعودية قالوا لنا أصحاب الشقة اننا بنعرضها للبيع
قال لهم زوجي مو مشكله بس لما اخلص امتحانات وبعدين اعرضوها
لأني ما راح استقبل اللي بيجون يناظرونها مشغول بالامتحانات النهائية
إن شاء الله بارجع السعودية بعدها ويتفرجون على كيفهم
طبعا لأنهم متورطين بشقتنا صايرين احيانا يجارونا
وإلا الأغلب إجباري تفتح الشقة بيوم معين وساعات معينه للتفرجه
المهم ... قبل سفرنا بساعات جت وحده من مكتبهم شافت الشقه وقالت لنا لازم تتنظف اكثر
البلكونه عندي ما ادخلها بتاتا لأنها مكشوفة وغير كذا تطل على شينكوا يعني وش باتفرج عليه خخخخخخ
فما المس فيها شئ فعشان كذا شويه مغبره
وغرفة الغسيل عقب الحريقة إياها حاط فيها زوجي بقايا السليم من الأوراق وغيرها
و صايره حوسه و أنا ما المس فيها شئ
وحتى المطبخ تنظيفي مو عاجبها حضرتها
قالت يا إما تنظفوها يا إما نجيب شركة تنظفها على حسابكم
قال لهم زوجي خلاص جيبوا شركة وبعدين ادفع لكم وخلوه يوقع
انا طبعا ماادري على بالي بيجيوا شركة على حسابهم وبينظفون
ونبهنا عليهم إنهم مسئولين عن أي سرقه لصارت

بعد ما رجعنا بالسلامة
البلكونه مثل ما هي ولا بعد حاطين فيها واحد من الكراسي البلاستيكيه اللي عندي
وغرفة الغسيل صح نظفوها لكن تنظيف مثل وجهيهم
اللي رفع ضغطي المطبخ
كنت مخليه علب الشكر والشاي برا وعلبة الزيت وشبك الغسيل وغيرها فوق طاولات المطبخ
لقيتهم مرمينها كل وحده بجهة بدرج من أدراج المطبخ ومرميه مو محطوطه بشكل مرتب مرميه رمي
وبس أدور على أغراضي
ومرتبة السرير فيها بقع بنيه ما ادري وش هي
يعني اشك بصراحة إنهم جايبين شركة تنظيف
ما فيه شئ ذاك الزود الا غرفة الغسل بس
يعني حاسوا علي ولا استفدت ولا شئ
طبعا الى الان ما دفعنا لهم وهم ما قالوا شئ <<<غريبة
وبرضوا الجدران مصفرة واضح انه فيه تسريب من فوق
صورت كل شئ عشان ما يتهموننا

والله يطلعنا منها سالمين

النكتة بعد كم يوم من وصولنا
زوجي رايح للجامعة و أنا كنت شبه نايمه في الغرفة
إلا واسمع احد طق الباب وبعدين فتحه بالمفتاح قلت يمكن انه زوجي جا
لكن قلبي ناغزني
وما امداني افكر سمعت صوت رجال يقول halo
عاد أنا تشوفوني نقزت عند الباب وقلت له go go go <<<<من الخوف ما ادري كيف طلعت
و أقول في نفسي عسى مو غلط خخخخ معناها طبعا اذهب
ويقولي اوكي بس اقدر اجي اليوم بعد ساعه كذا
واقوله لا رح بس
وقالي خلاص باي
هههههههههههه وانا بس اكرر go go go من الروعه حسبي الله عليه

شكله هو كان مشوت بيدخل لكنه يمكن شاف أغراضنا بالصالة وشك بالموضوع