[سانتامورا]

أنا تعبانة قوى من خطيبى ومش عجبانى تصرفات كتير بيعملها زى سهره لحد بعد الفجر مع أصحابه ومش مواظب على الصلاة ولما أقوله بيقولى أنا مش عيل صغير وكل لما أحاول أقرب منه وأقوله على الحاجات اللى مضيقانى منه يتعصب يقولى ده طبعى وكمان لما بيكون متضايق مش بيحكي لى على أى حاجة مضايقاه ومش بياخد رأى فى أى حاجة حتى الاتصال أنا اللى بأتصل بيه و لمل هو يتصل بيا مبيطولش فى المكالمة وبأحس ان هو بيضحك عليا بكلمتين زى امبارح كده اتصل بيا وقالى وحشتينى وأنا رايح مشوار ولما أروح هأكلمك و مكلمنيش ولا عبرنى ودى مش أول مرة يعمل معايا كده الظاهر ان هو لما بيبقى مع أصحابه بينسى الدنيا واللى فيها وبينسانى أنا كمان حاولت كتير أقرب منه لكن هو مش حنين عليا أنا كل يوم بأبكى بسببه وحالتى اتدهورت خالص من كتر الزعل لدرجة ان أنا خسيت 10 كيلو من ساعة ما اتخطبتلو أنا مش عارفة أنا بأحبه ولا أنا متعلقة بيه عشان هو أول واحد اتخطب له وهو بيقول ان هو بيحبنى بس تصرفات كتير بيعملها بتخلينى أشك فى حبه ليا أنا محتاجة لكم تقفوا جنبى وتقولولى أعمل ايه معاه أنا حاسة ان النهاية قربت