[الحب اسمى عاطفة]

السلام عليكم ورحمة الله وبركاته


قصتي مع قطوتي بدأت من سنوات

كان عمري 16 سنه كنت في صف ثاني ثانوي

في يوم من ايام الشتي البارده

كنت سهرانه مع اني موب من النوع يلي يحب السهر

بس كان وراي امتحان و كنت اطالع برنامج بدل ما ادرس ههههههه

بالتحديد كان يوم الجمعه

اهلي عادتهم انهم يتعشون ويرقدون ع الساعه 9

يعني 9 ونص البيت يكون هااااااااااائ ومحد صاحي

طلعت الساعه 10 ونص ليل تقريبا رحت اشرب ماي دقني العطش خخخخخ

رحت صوب المطبخ اشرب ماي

طلعتلي قطوه صغيره عيونها خضر و لونها برتقالي من عند الراس و الذيل وجسمها لونه ابيض

كانت صغيره وشكلها بردانه ويوعانه ... >>> عورني قلبي عليها

خاصه انها لصقت فيني

عاد انا سويت فيها الرفق بالحيوان وشليتها غرفتي ولحفتها عن البرد

ورحت المطبخ ويبت لها ماي و جاشع ( سحناه) >>> هي نوع من السمك الصغير المجفف

وخليتها عندي لحد الفجر حليها استانست وايد وانا من الفرحه ما نمت مع اني ما احب اسهر

والفجر طلعتها من غرفتي عشان امي ما تهاوشني

سويت لها صندوق صغير وحطيت فيه فرش ناعم عشان يدفيها

القطوه تمت كل يوم تي عندي وسميتها سندس

كنت ااكلهاا و اشربها وامي داايم كانت تستغرب لانه الجاشع خلص من المطبخ مع انه محد ياكله ههههههه

امي كانت تشوف سندس وتستغرب منها لانها ما تنبش في الزبايل وما تدش المطبخ >>> ما كانت تدري انه بنتهاا متوليه مهمه اطعامهاا

سندس كبرت وصارت وااااااااااااايد حلوه و متينه الله يطول عمر مطبخنا خخخ

سندس يابت قطاو و القطاو يابوا قطاو و القطاو يابو اقطاو

يعني جابت احفادها واحفاد احفادهاا لبيتنا خخخخخ

وبعد ما تزوجت ما لقت مين يرعاهاا ويحط لها اكل

وصارت قليلت ادب تدش المطبخ و تاكل من اكل اهل البيت ههههههه

حتي الماي تشرب من اكوابنا

صارت ضعيفه كنها مسويه ريجيم قاسي

وبعدين امي جابت سالفه هالقطوه كانت تقولي انها كانت مؤدبه وما تمد يدها ع شي والحين صارت تدش و تاكل من المطبخ و امي راميه كذا طاسه بسببها

>>>>>>>>>>> عاد قلت لامي سالفه هذي القطوه وقلت لها انه اسمها سندس و قالتلي بارك الله فيج ما تقصرين خخخخخخ


الحين القطوه طلعت من بيت اهلي وصارلي فتره طويله ما شفتهاا

وواحد من عيالها قتلوه جيرانا لانه اذاهم

ومن كم اسبوع كان في قطوه ميته في الشارع بسبب حادث دعس

اخواني يقولون انها سندس بس انا ما مصدقه

ومن ذاك اليوم ما شفتهاا

صا لهاا فووق الشهر غايبه وما لها شوف

هذي صورت احد احفاد سندس وهو مستلقي في الحديقه الخلفيه




الحين فيني صيحه ما ادري شسوي

ما يصير سندس تمووت جي

الله يسامح يلي دعسهاا بسيارته


اختكم

عطوفة

^_^