[جواهر عبدالعزيز]

فكرة بسيطة وفعالة

اهلا دلوعتي
بقول لك تجربتي بنفسي بس اول بشرح لك السالفة <----- راعية طويلة ههههه

لو لا حظتي يا دلوعتي ان كل اسره لهم صفات كثيره مشتركه وهذا شيء طبيعي ونقول ورااااثة
لكن فيه شيء الفطين اللي مثلي ههههههه يلاحظه وهو ان كل اسره تلقين عندهم كلام مشترك

يعني مثلا اعرف لك ناس عندهم جملة (حالته صعبه ) اسمع امهم تقول :والله فلانه حالتها صعبه ، والبنت تقول : شعري حالته صعبه ، حتى ولدهم الصغير يقول : الكوره حالتها صعبه ،،،، هههههههههههههه يعني بالعربي الجمله هذي صايره متداوله بينهم


ومره قريت موضوع كيف تعلمين زوجك الرومانسيه <----- بديت اطلع فضايحي ولقافتي ههههه بس عادي نتــثـــقف من أجل مستقبل باهرههههههههه
المهم يقول المستشار بأختصار في هذا الشأن ،، انتي يا الزوجه اذا كنتي رومانسية و كررتي الكلام الرومانسي على زوجك ،، راح يتطبع هو بالرومانسية ويصير رومانسي ، كرري الاسلوب معه (والتكرار يعلــــم الــ..........)

من خلال فطنتي (ايوه يا أم فطنه هههه ) فكرت وفكرت وجمعت بين الفقرتين السابقتين ثم قررت اني اردد كلمة او جملة في اثناء حديثي مع اهلي عشان تكون من طبعهم هذي الكــلمه .

بديت بـــ ( الله يجزاك خير ) و ( شكرا )
والله يا دلوعتي نفعت اول شيء بالبنات الصغار وشوي شوي صارت الكلمة تدب مثل دبيب النمل (شفت نملة تمشي عندي وطرت علي هالجملة هههه )
حتى صارت ولله الحمد والمنة متنشره في اهل البيت ماشاء الله لا قوة إلا بالله

000000000