[لارا]

هذا الموقف ماأنساه وكل ماأحد سمع فيه جلس يضحك ويحسدني على غبائي اللامحدود

رحنا لمكة أنا وأهلي نبغى نسوي عمره المهم خلصنا طواف والظاهر إنا زودنا شوط

بعدين رحنا للمسعى وتفرقنا تقريبا كل اثنين مع بعض أنا معاي أختي أصغر مني

المهم جالسين نسعى ونسعى ونسعى ونسعى وطولنا السالفة أهلي خلصوا وجلسوا يدقون علينا

ها ماخلصتوا واحنا لا لسى باقيلنا وكل بعد شويه كنا نجلس من التعب المهم خلصنا والحمد لله والحين

عاد انفجروا من الضحك لاعرفتوا ليش طولنا سالفة السعي

طلعنا فاهمين السالفة غلط

بدل مانسعى سبعة أشواط

سعينا أربعة عشر ( 14 ) شووووووووووط بالتمام والكمال >>>> خخخخخخ

على بالنا إن الشوط نلف المسعى والمروة ..

طلعنا السيارة وعرفوا أهلي السالفة وماتوا من الضحك وبابا اتصل على شيخ قاله عادي مافيها

شيء تزويد ولا تنقيص ..

هذا الموقف ماأنساه وكل ماسألني أحد قلت هذا من الرياضة المفرطة .. هههههههههههههههههههه