حسبي الله على الي كان السبب<<معاناتي مع اختبار الانقليزي..

[العنز المفترسه]

السلام عليكم بنات المنال
مشتاااااااااقه لكم موووت بس الله ياخذ الاختبارات ماتخليك تنامين عشان تدخلين النت<<ربي يعين
بصراحه انا ضاااااايق صدري مره ومالقيت غير النال اشكي لهم
طالبات ثاني ثنوي الي طبقوا عليهم النضام التراكمي..لازم يراعونهم ويرحمونهم ويسهلون عليهم الاختبارات صح؟؟

ااااه بس وش اقول غير حسبي الله ونعم الوكيل على الي كان السبب بلي صار لي ولبنات دفعتي

بقولكم وش صار وانتم احكموا يستاهل ادعي عليهم بيوم عاشورا ولا لا؟

طول الترم واستاذتنا(الغاليه) تشرح لنا شرح مايفهم له احد ..ومتحملين.. الاختبارات الي بنصف الترم كانت كله غش بغش
يعني لو جيت اسلم الورقه للاستاذه تشوفها وترجعها لي وتقولي هذا خطاء وهذا صح وتصححلي الخطاء وناخذ 10من 10 وحنا مانستاهل ال8 !!
بس كنا مبسوطين درجات وحنا بحاجته ..ولاتنسون هذا انقليزي يعني اثقل ماده لاغلب الطالبات

المهم بايام المراجعه جتنا يوم واحد تراجع معنا؟؟لاحضوا انقليزي مراجعته بيووووم

اليوم الثاني وكان يوم الاحد باخر اسبوع من الاختبارات وثاني ثنوي مسموح لهم الغياب الثلاث الايام الي باقي..
استاذتنا (الغاليه) عطتنا ثلاث اوراق عباره عن تعبير ومحادثه واملاء واسئله وقرمر ..وقالت هذي الي بتجيكم بالاختبار ولاتفتحون الكتاب ولاتتعبون انفسكم...وطلعت وتركتنا بحاله ذهول وخوف((غش عيني عينك؟؟))

فيه بنات كثير عارضوا وقالوا حرام وانا منهم بس وش بيدنا ؟؟ ..<<تدري ان شرحه الله بالخير قالت خل اخليهم ينجحون حرام تروح درجاتهم عشاني مااعرف اشرح!!
رحنا للبيت وبدينا نذاكر المواد الصعبه
بدت الاختبارات كان اول يوم جغرافيه وتفسير<<تحفيظ قران عندهم تفسير
والحمد لله عدى على خير والله يجزاهم خير كانت اسالتهم سهله
طبعا ثاني يوم انقليزي ومكتبه<<يعني تعالي مواصله

السبت طلعت اشاعه ان الاساله تغيرت ويوم سالنا الاستاذه قالت تغيرت طريقه المذاكره بس الاساله ماتغيرت

بالفتره الثانيه داروا علينا الاداره ووقعونا اننا نذاكر انقليزي من الكتاب!!!يعني وصل لهم الخبر بان اساله الاننقليزي معنا؟؟
وقعنا مغصوبين وطلعنا من القاعه لغرفه المدرسات وسالناه..قالت لاتخافون مايقدرون يغيرون اسالتكم خلاص دخلت للضروف وبكرا الاختبار..ماعليكم ذاكرو الاساله
بدينا نبشر بعض ونهون على بعض ...رجعنا لبيوتنا وبدينا نذاكر ..

فتحنا الاوراق وبدينا نذاكر منهم وصمينا المحادثات واللاسئله وكانت صعبه شوي والكلمات غريبه علينا وماعمرنا سمعنا به ..بس اختي ربي يوفقها ساعدتني وترجمت لي ..من الساعه تسع الى الفجر وانا مع اوراق الانقليزي وكل صدريقاتي مثلي ..والمكتبه قريناه قرايه عشان نفى للانقليزي ونحفظه صم
رحت للمدرسه وانا بي نوووووم وراسي مصدع
دخلنا القاعه ووزعو الاساله..؟؟؟!!!! بالبدايه كنت احسبهم مغلطين بيننا وبين ثالث ثنوي ..انتظرت ربع ساعه لعلهم يجون ياخذون الاوراق منا ويعطونا اوراقنا؟؟التفت على البنات كلهم مسكرين اوراقهم ولا وحده تحل؟؟
سمعت صوت صياح بنت؟؟ استوعبت الحين انهم مغيرين الاساله؟؟
بديت اخربط لهم واحل على كيفي ..التعبير كتبت لهم الي حافظته والمحادثه كله هوريو؟..بس القطعه الي حسيت اني حليتها والقرمر.. حقرا ..بقره.. واحط على الي يجي عليه رقم عشره..ومن القهر كتبت اخر الورقه(((حرااااام عليكم ))) خربانه خربانه ابي احسسهم بالذنب
بخمس دقايق والبنات كلهم مخلصين..طبعا لاتسالون عن اشكالهم..
طلعنا .. وبدينا نهاوش بعض من القهر ..الي صاحت ..الي ماسكتت من الصياح..الي رمت كتاب المكتبه ولاتبي تذاكره..الي راحتت للمدرسه وتهاوشت معه..والي....<<حالنا مااقدر اوصفه
انا كنت طول الوقت ساكته واسمع واشوف بصمت ..وذا سالون عن الاختبار<<بنات المتوسط او الثنوي>>ابتسم واقول الله ياخذهم <<عشان ماصيح ابتسم

عاد قلت بعوض بالمكتبه ..والانقليزي الله بياخذ حقنا منهم ..دخلت المبنى لانه هادي ومسموح لبنات ثاني وثالث يدخلون يذاكرون فيه ..جلست على الدرج انا وصديقتي وقعدنا نذاكر..هي الي تذاكر انا قاعده اتفرج على الرايح والجاي ..نفسيتي مقفله مالي خلق شي
مرت استاذتي وامي الحنون بالمصلى<<اقرب استاذه لقلبي>> سالتن عن الامتحان
ماصدقت اشوف احد ارتاح له وبديت اتكلم واتكلم والعبره خانقتن..وهي تهدين ..كان يوم تاسوعا وقالت لي استغلي هلأيام بالدعاء ..ياحبيلها ماقصرت صراحه خففت الي بي وراحت عقب ماخففت علي
قريت شوي من المكتبه ..دقايق ولا استاذتنا(الغاليه) تمر من عندي بترقى تاخذ الاوراق من فوق عشان تصححهم!!
انا يوم شفته قلت نتف شوشته..وصديقتي معي..ناوين عليه..

قلت له يوم رقت الدرج وصارت جنبي:مشكووووره استاذه على الاسئله ..ماتقصرين..قول وفعل)<<حماره صح؟؟ وين الي ناويه تهاوش؟؟
شافتن وابتسمت وراحت..صديقتي سكتت ..تقول كلامك اقوى من الهواش..ووجه صار اسود من الكلام..بصراحه تستاهل اكثر ..الى الحين مااشفيت غليلي ..نويت اذا نزلت اهاوشه صدق..بس نزلت من الدرج الثاني
وبس...
هذي معاناتي ومعانات دفعتي باختبار الانقليزي..
وش رايكم؟؟ ياستاذات المنال بالي سوته استاذتنا الغاليه ؟؟ غصبن عنه زي ماقالوا بعض البنات!! او هي سبب الي صار لنا زي ماانا !!اشوف؟؟
بنات دعواتكم لي ولكل طالبات ثاني ثنوي..بحااااجه ماسه للدعاء لاتنسوننا
...........................
الي عنده مشاكل ومنقهره ومظلومه..هالموضوع كتبته لتخفيف الي بنا ياطالبات المدارس
اكتبو كل شي بكم وفضفضوا وصيحوا بعد
ومع السلامه

[/color][/font][/size][/align]

[الحنونة]

ياعمريــــــــــــــــــــــــــــــــــــــــــــ
صدق حالتك صعبه يبيلك طبيب نفسي<<<<<<<<والله انك فاظيه تنكتي
ترى حالتها صعبه........


الله يعينكم وصدق المدرسه غلطانه

والا المفروض يوم غيرت الاسأله تسهلها شوي

بس تدري اعجبتيني بردك وصلتيلها المعلومه وفهمتيها بطريقه لبقه

ياعمري الله يعينكم واللي يختبرو جميعاوقولي امين الله ينجحكم بكل المواد

يارب













تحياتيـ،،،















الحنـــــــ’’نونة’’ـــــــــــونة

[تواقة الجنة]

غاليتي...

حقيقة تأثرت بلي صار لكم ...

عندي لكم 3 نصايح إذا عجبك شيء منها طبقيه....

1 ـ فوضي أمرك لله وترى مو نهاية الدنيا واستبشري خير ..الله بيوفقك حطي ثقة بالله
( ترى السعادة بالحياة سالفة توفيق من رب العالمين أكثر منها سالفة معدلات ...إسأل مجرب .)

2 ـ شدوا حيلكم بالمواد الثانية وانشاء الله بتعوضون..

3 ـ ارفضوا إن المدرسة تدرسكم بالفصل الثاني
وانشاء الله تجيكم مدرسة تبدا معكم صح وبالجد والاجتهاد راح يسهل الانجليزي وتتفوقون فيه ..


احفظ الله يحفظك إذا سألت فسأل الله وإذا استعنت فاستعن بالله...
الله يحقق لك كل أمنياتك

[العنز المفترسه]

الحنونه .. مشكوره حبيبتي على المرور ..اااامين..والله يوفق الجميع الي يدرسون والي مايدرسون<<<بغيت اروح لدكتور عشان من جد نفسيتي تعبت....بس مالقيت زي القران والدعاء دكتور..ودكتور شاطر بعد
.........................
تواقه الجنه.. مشكووووره على المرور....ردك وسع صدري...صدقتي (السعاده توفيق من الله..)
ونصايحك راح نسويها بإذن الله..جزاك الله خير ..
.......................
دعواتكم لنا بالتوفيق والتسهيل

[ام الحلوات]

الله يكون بعونكم من جد حزنت يوم شفت معاناتكم
ومن أول وأنا محزنه يوم دريت عن النظام التراكمي مع إني مخلصه من الثانوي بس عسانا نتحمل ثالث شدة حيل والله إنهم زادو الطين بله ومدرستكم زادت الحمى مليله "وحده متفاعله" وما أقول إلا الله يعينكم شيء مو بيدينكم

[منال]

وانا اقولك نفس كلام تواقه للجنه





غاليتي...

حقيقة تأثرت بلي صار لكم ...

عندي لكم 3 نصايح إذا عجبك شيء منها طبقيه....

1 ـ فوضي أمرك لله وترى مو نهاية الدنيا واستبشري خير ..الله بيوفقك حطي ثقة بالله
( ترى السعادة بالحياة سالفة توفيق من رب العالمين أكثر منها سالفة معدلات ...إسأل مجرب .)

2 ـ شدوا حيلكم بالمواد الثانية وانشاء الله بتعوضون..

3 ـ ارفضوا إن المدرسة تدرسكم بالفصل الثاني
وانشاء الله تجيكم مدرسة تبدا معكم صح وبالجد والاجتهاد راح يسهل الانجليزي وتتفوقون فيه ..


احفظ الله يحفظك إذا سألت فسأل الله وإذا استعنت فاستعن بالله...
الله يحقق لك كل أمنياتك

[العنز المفترسه]

مشكوووووورين من جد ردودكم توسع الصدر..احس انه فيه احد معي
ام الحلوات..مشكوووره والله يخلي لك الحلوات..
منال..نصايحك راح تنفذ باذن الله..جزاك الله خير
..............
وابشركم ..الاداره قالوا ان درجاتنا مافيه ولا وحده اقل من 40 من 50 ..والحمد لله