اقرأوا معي دي القصيده للشاعر المبدع
طلال السعيد
ماااااا احلاها وارقها
تعاتبني
تعاتبنـي بنـظـرات خفـيـة = وأجاملها ولا ادري وش وراهـا
أجاوبهـا بنـظـرات حزيـنـة = تعبر عن ضنا الـروح وشقاهـا
أسايرها وأجـاوب كـل نظـرة = وأخبي الوجد وأبحث عن رضاها
وعقب ما شفتها عرفـت قلبـي = تناساهـا ولكـن مـا نسـاهـا
غلاها يـزود مـع زود الليالـي = وباع النـاس قلبـي واشتراهـا
وصرت أغار أنا منهـا عليهـا = خطا نفسي وآنا أتحمل خطاهـا
وأغار من أمها حتـى وأبوهـا = وأغار من الذي بأمـره ولاهـا
وأحسد اللـي تبـره بالرعايـة = وأحسد اللي بأحاسيسـه رعاهـا
وأحسد البنز لا قامـت تسوقـه = أخاف أنـه يشاركنـي غلاهـا
وأحسد الريح لا حرك شعرهـا = وأحسد عيون غيـري لا تراهـا
وأغار من القمر لا شـع نـوره = خذت نور القمر واصبح ضواها
وأحسد الشمس لا بانـت عليهـا = أشعتهـا تسبـب فـي أذاهــا
وأحسد الأرض لا داست عليهـا = أثـر خطواتهـا تحيـي ثراهـا
وأغار من النجـوم إليـا تعلـت = وشافتهـا وعينـي مـا تراهـا
وأغار مـن الهـدوم اذا لبستهـا = عساها مـا تجرحهـا عساهـا
واغار من الخواتـم فـي يديهـا = وساعتهـا وكـل اللـي معاهـا
وأغار من القلادة فـي نحرهـا = وأغار من الشعر لامـن كساهـا
وأغار من القصيـدة لا قرتهـا = ولو هي قصتي واشكي جفاهـا
وتشمل غيرتـي حتـى المرايـا = يحـق لهـا بشوفتهـا تبـاهـا
نعم وأغار حتى مـن الوسـادة = وأحسد فراشهـا ويـا غطاهـا
آلا يـا مـن يساعدنـي عليهـا = يوصلني هوى النفـس ومناهـا
عجزت أعالج جروحي بروحـي = جروح القلب ما تشفـى بلاهـا
وعلى النقيض تماماً
اقرأوا القصيده ماااااا اقساااااهاااا
ياللي زعلت
ياللي زعلت أزعل ولا ني مراضيـك =اشرب كدر ماي البحر كانه أرضاك
لاتحسب اني عقب صـدك بداريـك = بعز نفسي عنـك مـدراك مـدراك
اربع سنين وانـا متحمـل تغليـك = راضي بتعذيبك لجـل قلـب أغـلاك
وخليتنـي والـيـوم والله لخلـيـك = وأدوس قلبـي لينـه يقـول خـلاك
قبـل تورينـي الحسايـف بوريـك = ليمـن قـال فـلان هـانـك ووراك
كانك تحدانـي فانـا اقبـل تحديـك = وانسى الغرام اللي مضى واتحـداك
ماني بقايل لـك عسـى الله يهنيـك = الله يحرمـك كـل ماكـان هـنـاك
عسى العمى ياخاين العهـد يعميـك = فوق الغرور اللي عن الماضي اعماك
وعسـاك ماتسمـع قريـب يناديـك = حيثك تجاهه صوت محـروم نـاداك
وعسى الشلل يعوق رجـل تمشيـك = لينك تندم ليـش غيـرت ممشـاك
وعسى حياتك بس فرحـه لشانيـك = يلقا بها الفرصـه عـدوك ويشنـاك
وعسى الليال اللي تجينـي بطاريـك = يصبح عليها الصبح وتموت طريـاك
وعسى المنام وكل راحـه اتجافيـك = آمين حتـى اللـي تمنـاه يجفـاك
وعساك ماتفـرح وتكثـر بلاويـك = وأمك تشق الجيب من عظم بلـواك
ولا مت ، جعلك في جهنم اتصاليـك = نار الجحيم ونـار دنيـاك تصـلاك
الله يكـره فيـك حتـى دوانـيـك = غشاش خاين من من الناس دانـاك
هـذي النهايـة روح والله يجازيـك = امسك ويومك عن هوى الغد يجزاك
كم انت مبدع شاعرنا الكبير ( طلال السعيد )
عسى ان يكون اختياري ناسبكم
آخر 10 مشاركات
نور النادي بالعضوة الجديدة
