احم احم الووووووو الوووووووووووو<<تجرب المايك خخخخخ
كذا أوكي
ازيكم<<بالمصري
كيف الحال<<بالسعودي
What`s up<<بالعنجليزي
المهم أنا قررت أنزل اليوم موضووع بس لاتنقدون اذا شفتوا الموضوع مو متراابط أوكي لانه باختصار اللي بكتبه راح يكون تحشيش وحده فيها النووووم...!!!
المهم
أنا ماشاء الله علي من طلعت من بطن أمي وعقلي يوزن بلد حتى الدختور قبل لاتولدني ماماتي سوى لها سوناار وقالها بنتك أكبر مافيها مخها شكل بنتك بتصير فيلسوفه .. بس الله حق صحيح اني ثقل بس انيمو مره: <<الظاهر عين هالدختور لابارك الله فيه خخخخخخ
يعني من كثر ماأنا ثقل أبدا ماتعلقت في المكيف كني قرده
وأبدا ماقد تطاقيت مع عيال الجيران ولاعمرهم صفقوني.
.ولاعمري اذا جاء الببسي بيخلص أعبيه مويه عشان مايخلص(يمديكم على الذكاء ).
وأبدا ماجمعت قواطي العصير وفقعتها.<<هوايتي استمرت معي للوقت للحاضر خخخ
وأبدا ماقد لقيت ريال في ساحه مدرستنا وشقيته عشان ماتلقااه صاحبته(أبو المنذله).
.وأبدا ماقد مزحت مع حرمه كبيره(عمرها 60 سنه)ومن الحمااس قلت لها كفك وعطتني نظره تخوف ..
.وابدا ماقد طبيت من الجدار اللي يفصل الثاانوي عن المتوسط(ماخذه كورس من عيال الجيران)..
وأبدا ماقد خذيت ثوب وشماغ حق أخوي وطقيت اللطمه وقعدت ألعب بالسيكل وأفحط في الشاارع واذا فيه مطب أهدي(يقالك مثل السيارات خخخخخخخ)...
يعني باختصاار الحريم لين جو يدعون لعيالهم يقولون(الله يعطيك عقل مثل عقل البنت التي هي حلوة<<تبطين خخخخ
..
قررت اني اقولكم سالفه من ماضيي الأسود خخخ
مرره من المرارير أنا وبنت خالي(.....) قاعدين في بيت خوالي..واحنا نماارس هوااية ازعاج الناس في التلفون (وعشان ماتنقدون علينا كنا بزارين والبزارين ماينشره عليهم)..المهم احنا استقعدنا لرقم واذا ردوا قلنا
هوهوهوهوهوهوهوهوهوهوهوهو<<مثل الكلاب خخخخ
أو نقووول
بق بق بق بق بق بق بق بق بق بق<< دجااااجه خخخخخ..(ماكذب اللي قال اهل العقول في راحه )
المهم طلعت عندنا مهارات تقليد أصواات الحيوانات..كل مره نقلد صوت حيوان ونسكر وكل مره نعيد الكره خخخخ يوم جت المره العااشره بنتصل عليهم الا التلفووون يرن
ترن ترن ترن ترن ترن ترن ترن
المهم اني رفعت السماعه
انا:علوووووووووووو(على وزن الووو)خخخ
حرمه:مو عيب عليكم تزعجون العالم
**نسيت أقولكم ان هذي السالفه على وقت أول ماطلع الكااشف أياام كان من يركب الكااش يسمونه كااش بس جد جد ياشين هالاختراااع أكرهه من أعمااق أعمااق قلبي أشين شي اخترعوه لأنه قتل مواهبي في مهدها )
نعود للمكالمه
طبعا انا من سمعت الحرمه تصاارخ انلخمت وانطميت واستحيت على وجهي
الحرمه:من هذا بيته
انا والذكاء مقطعني:بيت فلان بن فلان الفلاني<<جبت لها الأصل والفصل خخخخ
طوط طوط طوط طوط طوط طوط<<بنت خالي سكرت الخط
بنت خالي:انتي غبيه والا تستغبين؟؟
انا ببرائه:ليش وش سويت؟؟
بنت خالي: وشلون تقولين للحرمه اسم العائله يابقره
ويقطع كلامنا صوت التلفون
ترن ترن ترن ترن ترن ترن<<أكره هالصوت يذكرني بيوم أسود خخخخخ
بنت خالي:هذي أكيد الحرمه
ودرعمنا أنا وبنت خالي للدور الثاني عشان نتوزى..وسمعنا صوت خالي( ناصر)يرد على الهاتف<<أمووت ياهاتف..وماهي الا ثواني والا سمعنا خالي يصاارخ
انزلوا والا مابيصير لكم خير
بنت خالي الخوافه على طول نزلت.. ورفعت شعار الاستسلام
خالي:وانتي ((انا)) يعني مو نازله؟؟
انا في خاطري يقطع أبو النشبه:نازله نازله بس بروح الحمااام
خالي:لاتطولين
المهم قعدت في الحمام والوساويس تلعب فيني وقعدت أسولف مع بليس بس هو قال لي روحي لخالك شكله معصب<<يحليله بليس خواف خخخخخ
وفي الأخير قلت مافيه مفر انا لازم أنزل وأواجههم مثل سوبر مانه<<مؤنث سوبر مان خخخخ
خالي: انتي قايله للحرمه ان هذا بيت الفلااني
انا وبكل ثقه:ايه
خالي وهو ماسك أعصاابه:ممكن اعرف ليش؟؟
انا:كم لي عشان أعلمك
مسطني بالعقال مسطه وخلاني اتكلم من غير رايي
انا:ايه أنا علمتها من هذا بيته لأني خايفه انها تدق على الاتصالات وتقول لهم اقطعوا تلفون هالبيت لأانهم مزعجينا<<يمديكم على الذكااء اللي مقطعها
ماأمدااني أكمل كلامي الا جايني كف محترم
خالي:والله لو اشوفك موطوطه عند التلفون اني لاأليسك بهالعقال فاهمه
وأنا ماسكه موضع الكف بيدي مثل المصاااريه وارجع على ورى بشوويش وأنا أقول:مش حاسمحك طول عمري مش حاسمحك وركضت في مشهد مؤثر ودموعي مغرقه عيوني ...
ومن ذاك اليوم وأنا جايتني عقده من شي اسمه تلفون..الحين اخوي اذا بغاني انهبل خلى التلفون عندي وهو يرن خخخخخ من اسمع صوته اقعد في زاويه وأنا أصارخ وحاطه يديني على اذني واقول كفااايه
والمستفيد من هالعقده شخص واحد اللي هو أبوي لأان فواتير التلفون ماتجي صكه خخخخخخخ
وسلاااااامتكم خخخخ
معليش اعذروني على هالخرابيط بس وربي ماجاني نوم قلت شخبطي لك كمن شخبوطه خخخخ
أتمنى أعجبتكم(والله اني داريه انكم تقرون وتتحمدون ربكم خخخخخ) كيفكم تحمدوا بيدينكم
يلله استنى ردودكم الحلوه
تحياتي
آخر 10 مشاركات
