<<<<اهلي حبايبي هذا الفلم لاتقولونه لامي اوكي
تحذير : يمنع وجود الاطفال بالفلم خخخخخ
في يوم من الايام
كنت ابدل لعزوزي يالغرفه اللي جوا ومن قبل مااروح ابدل له كنت اسمع كان فيه ناس يتهاوشون
او يتكلمون بصوت عالي
طبعا احنا متعودين كل اليوك اند ازعاج
لان طبعا بجنب عماراتنا بار ومرقص
<<<<<<<<<ههههههههههههه يعني قريب ازرق له(<<للي مافهمها يعني انسل) من غير مااحد يدري خخخخخخخخخخ
من أول ماجيت الشقه<<< وهذا على مااعتقد ذكرته بالجزء الأول
وأنا اسمع الدنيا ترج
وعلى بالي ان واحد من الجيران مشغل مسجل
وحتى احيانا عز الظهر
وكنت أقول لزوجي هذا مسكين اكيد فاضي ولا عنده شغله الا الرقص خخخخخخخخ
وبصراحه كان محيرني وش قصته هذا
وبعدين اكتشفنا ان بحنب العماره على طول يعني جيرانا <<<ونعم الجيران جيرتهم تشترى خخخخخخخخ
مرقص وبار بنفس الوقت
يعني لو ننزل في الليل خاصه في الويك اند على رجولنا بترتاعين من الاشكال اللي صافه سرى عند باب البار ماادري وش قصتهم
وحنا بس نمر بالسياره بنروح لمكان اشكالهم تروع
فقولكم وانا اغير لعزوزي اسمع وحده تكلم بصوت عالي وتقول (ماي فرند)
قلت؛ يؤ شكل الهواش على رجال
ورحت للصاله لماخلصت.... والهواش مازال
بصراحه اثاروا فضولي
قلت خلني اشوف وش قصة هذولا
طليت مع الشباك والشباك عليه شرايح ستاره مو زي ستايرنا.....لا ستايرهم كانها ستاير مكتب
<<<<<<<عارفه اني رايقه وانتوا متحمسين خخخخخخخخخخخخ
واطل بشويش احاول ماابان وطفيت لمبة الصاله علشان مااحد يشوفني
والا الهواش تحتي بالظبط
وانا احاول اتشوف وش اللي صاير الا طلعت وحده تركض وبتروح للشارع الثاني لابسه بنطلون جينز
شكلها تنحاش
وماامداها توصل للجهة الثانيه الا جت وحده ثانيه دبيبه لابسه بنطلون اسود
ومسكينه جت ذي ام اسود ودزت ام جينز لين طاحت على الارض الزفلت
وشوتتها معها ظهرها <<<<يعني ضربتها مع رجلها على ظهرها
وهي تضربها جا اللي الظاهر يتهاوشون عليه
ومسكينه هجم على اللي طايحه وشوتها تشويت مو صاحي
وانا اشوفهم طايره عيوني
كاني بفلم على الهواء مباشره
وهو يشوت فيها جت شكلها سكرتيه <<<تانيث سكيروتي
وفعلا وقتها قلت الحريم مايصلحون لا للشرطه ولا سكيورتي
يوم جت تركض الا هذا الرجال بينحاش الا مسكته
بس ماهي قويه اصلا مسكينه دبه ماتنفع
وفلت منها وطارت الاشياء اللي معها
وعلى طول جت الشرطه من الجهه المعاكسه اللي كان بينحاش منها
ومسكوه ويوله قووه اثنين ومعهم شرطيه تتفرج مدري وش دورها
وبطحوه على وجهه وكبلوا يدينه من ورى
وهذي اللي اقولكم ام اسود
بس واقفه على الرصيف وتتفرج وتقول هي اللي (بدت) يوم جت الشرطه وهم يكبلون الرجال
وبس تقول ((شي ستاردت )) يعني هي اللي بدت
طبعا مافهمتها ترجمها زوجي واحنا نتفرج على الفلم الاكشن
وكانت تقولها وهي تمط الكلام سكرانه
يقالها دافع عن خويها
وذا اللي طايحه تون وتعوي كانها كلب مجروح
هههههههههههههههه والله مااكذب غريب ذا الصوت اللي طلعه الظاهر مع السكر
الحمد لله على نعمة الاسلام
وبعدبن بعد ماكبلوا الرجال وركبوه السياره
وذي بعد جت ذا الشرطيه وقعدت ماادري وش تقول لها
ومسكوها وحطوها في السياره
وجت الاسعاف زينه
وبعد مااسكوا الاثنين
راحوا لذي الطايحه ويحالون يقومونها بس شكلها مسكينه متكسره ماقدرت تقوم
وذا الاسعاف زينه ماادري وش جايبه
وحالوا يسندون لها ويوله قامت وهي منحنيه
وعلى عينها دم شكلها مجروحه
انا على بالي بيركبونها الاسعاف
الا ركبوها سياره الشرطه
الا في واحد والطقاق يصير قاعد يصور بالجوال شكله بينشره بلوتوث خخخخخخخخخخخخخخ
وبس خلص الفلم الاكشن
طبعا هالاشياء صارت بسرعه بس تعرفون الوصف ياخذ وقت
وخلاص ابي عاد تعليق طويل على قد طول الفلم هههههههههههههههه
اي نسيت اقولكم عن عزوزي الفضيحه
على اخر شئ وهم يشلون المريضه للسياره
وطول الوقت وعزوزي ذابحته اللقافه يبي يقلدنا ويشاركنا ويطل
وطل وقاعد يسولف ويناديهم هههههههههههههه
وطبعا الشرطه قاعدين ينناظرونه خخخخخخخخخخخخخ فضيحه الولد
ومستغربين وش البزر اللي مقومه في نص الليل
هذه الرسالة تفيد بأنك غير مشتركه أو لم تسجلي دخولك بعد. للاشتراك الرجاء اضغطي هنــا 
