طلبته المره الاولى وهالمره أشدد عليه فرجاء لاتخذلوني
غاليتي كلمة شكر ماراح تاخذ من وقتك الكثير
فكما قرأتي واعطيتك لاتبخلي علي ولو بكلمة
لو كان هالشئ مايسعدني ولا يشجعني كان خليت الموضوع مغلق
هانا عدت اليكم من جديد وعدت للغربه للمره الثانيه
نزلت من الطائره بعد مسافة خمسة عشر ساعه متواصله من دبي الى سدني وبعد وضعت رجلي على مطار
سدني ذا اللون الازرق
مر على ذاكرتي شريط الغربه السابقه سريعا وانا اقول في نفسي(رجعت لك ياغربه)
لكن هالمره طبعا غير عن المره اللي فاتت (خلاص بحول عامي هههههههه ) راجعه وكلي عزم اني احاول قد مااقدر استفيد من غربتي واكتشف كل جديد ومفيد بالبلد
المره اللي قبل كانت بالنسبه لي كاستطلاع للبلد نفسه وش فيه ومافيه وكيف الشعب وكيف عايشين وايش يسوون وكيف تعاملهم مع العالم ومع العرب خاصه يعني ضايعه ومليون سؤال ببالي
لكني هالمره رجعت وانا عارفه كل شئ تقريبا عنهم
بعد ما وصلنا لسدني خذينا تاكسي يوصلنا لويلنغونغ وصفينا سرى علشان هالتكسي يمكن كيلو
تخيلوا وشمس وحر ولاتنسون اننا تعابانين
وعزوزي اللي يبي يفلت ومل من السرى الطويل
طبعا انا ماكنا ندري ان الجامعه اذا بلغنها بوصولكنا قبل ترسل باص يستقبلنا كان ارتحنا من هالسرى الطويل
وركبنا التاكسي ولا كان فيه كرسي السياره للاطفال وطبعا هم عندهم لازم ومخالفه وعزوزي لازم له تربيط مايقر الله يصلحه وغثنا هالصيني امسكوه امسكوه وكان مشيه وبطئ الظاهر اول مره يروح لويلنغونغ
لان شوارعهم زي ماقلت قبل ضيقه وتروع من بطئه تصدقون الشاحنات تسبقنا هههههههههه
__طبعا اللي قرا الجزء الاول عارف معناتي مع الشقه اللي ساكنه فيها اللحين وفي هالجزء مازالت مستمره معي للاسف __
قبل مانرجع لاستراليا بكم يوم جانا ايميل من اصحاب العماره يقول لنا ان الماصوره اللي بغرفة الغسيل منفجره وتسربت لبرا الشقه ودرينا من جيرانكم (لان غرفة الغسيل عن الباب الخارجي للشقه
ويقول الواير لس والتليفون يمكن تتظرروا
انا قلت خلاص الشقه راحت وطي يعني لازم تستقبلنا بمصيبه جديده <<<<<<ونعم الاستقبال خخخخخخخخ
وحرام الواير لس والتليفون يخربون كيف ؟؟؟ وقاعده بس اتذكر وش اللي حاطته بالارض وانحاس مخي
وقلت اكيد الفراش ابتل مويه <<<<لانه على اساس بننقل من الشقه هذه وماركبنا السرير هههههههههههههه
بس شكلها هالشقه ماطاعت تفكنا منها مصمغتنا فيها مظبوط بصمغ يمكن ماراح تلاقوه بالعالم خخخخخخخخخخخخ
وقلت الحمد الله الملابس اهم شئ ورفعتها ومعلقتها بالدالوب
امممممممممممممم <<<<افكر
يوووووووووووه الشنط باللارض والمكنسه بعد لاتكون خربت ماكفايه مكنستنا الاولى ((مكنسه كنت جايبتها معي المره الاولى لكن من غبائي شبكتها على كهربهم وطلع ميتين وعشرين وهي ميه وعشره واحترقت ))
وقلت يؤيؤ صح الكنب لايكون بعد تضرر الله يستر
وصلنا للشقه العجيبه <<هذه تسميتي لها ههههههه
بعد معاناة مع هالتكسي
وانا ودي اشوف وش صا ر فيها لكن.......
وانا ابي اشوف وش صار وقاعده اقول في نفسي ونعم الاستقبال ياشقتنا العزيزه كملتها ان البطاقه اللي تدخلك على العماره وتفتح لك اللفت خربانه
ورحنا للعقار بجنب العماره ملحق بها قالوا لازم تغير البطاقه بوحده ثانيه يعني مع هالمصيبه اللي عملتها الظاهر ماهي راضيه دخلنا نشوف ايش سوت
قلنا للعقاريه <<<حرمه تانيث العقاري خخخخخخخخخخخخ
وقال لها زوجي افتحي طيب لنا الباب وبعدين بنغير البطاقه تعابانين تونا جايين من السفر ووين اخلي عائلتي برا صعبه
قالت طيب وراحت فتحت لنا الباب الخارجي بس قالها زوجي افتحي لنا اللفت علشان نرقى
اللفت مايرقى الا بالبطاقه فيها لمبه حمرا وتحطين قدامها البطاقه وتقول طوط وتولع اخضر ويرقى اللفت طبعا كل العماره وحتى الكراج <<<<<تفصيل ممل
المهم العقاريه ال..... راحت واشره لنا بكل وقاحه وقالت اذا خلصتوا من شناطكم وتسحيبها ارجع لكم انا مشغوله
شفتوا ماكفايه الشقه جتنا ذي بعد
على ان شناطنا مو كثيره بس شنطتبن ويسحبها زوجي يعيني مافي تعطيل لكن الشكوى على الله
دخلنا جوا عن الشارع طبعا باب العماره قزاز بس على الاقل جوا علشان عزوزي مايروح للشارع وابرد شوي من الشارع
**********شئ ماذكرته في المجله نسيته
واحنا ننتظر على مايجي احد يفتح لنا اللفت
سحبت الشناط ودخلتها باللفت علشان مايقلون عطلتونا ويصير كل شئ جاهز
بس تحط بالبطاقه قدام المبه وتروح
وطبعا وقفت على باب اللفت علشان مايتسكر
جا واحد من سكان العماره وكل شناطنا جوا يبي يرقى
طبعا ماراح اقوله انتظر لما يجي زوجي ونرقى طلعت وخذيت شنطتي اليدوية
وخليت الباقي باللفت لاني صعبه اطلعهم مره ثانية
وسميتهم عليهم وودعنهم ربي <<<<<<<<<<<<خخخخخخخخخخخ طلعوا عيالي
وطلبت اللفات واشوى ارجعوا كما هم****
راح زوجي مره ثانيه لهم وكلم وحده ثانيه جت بعد ايش وفتحت لنا اللفت
ودخلنا شقتنا كانت الساعه 11 النهار قبل الظهر الضحى يعني
وياعيني على الحوسه ياعيني استقبال اتحداكم تلقونه بالعالم
ماادري كيف اوصفه
راح اقولكم المره الجايه
ابي احمسكم هههههههههههههههههههههههههههههه
التوقيع
احلى مفاجأة من أعز انسانه..
ربي يسلم هالايدين يامبدعتنا الاسطوره...ورزقك الله بالذريه الصالحه
يسعدنا ان اكون اول المشاهدات للموضوع <<<<<<هلا بشرى ويسعدني تكوني من المتابعات
لك شكر خاص لانك من اوائل المتابعات معي من الجزء الاول
يعطيك العافية اختي ام عزوزي
وان شاء الله ترجعي لبلادك سالمه غانمة باذن الله
ننتظر الجديد من المواقف الحلوة
<<<<<<<<<الله يسلمك من كل شر
مرورك وتعليقك الاحلى
××××××××××××××××××××××××××××××××××××××× <<<<<<<<<< نوسا حياك الله ويسعدنيويشرفتي تكوني من المتابعات لهذا الجزءههههههههههههههههههههههههههههههه
الله يعينك .. عليك تعليقات .. الشنط ..إي والله لازم تودعينها الله أجل من يحفظها لك..
كنهم عيالي ههههههههههههه <<<<<<<دوم هالضحكه ههههههههه وش اسوي اخاف تنسرق خخخخخخخ
شكله جزء مثير .. بس خساره قطعتي السالفة كمليها بسرعة لا تطولين.. تراني مقهورة أستنى من أول من يوم ما قريتها في المجلة.. <<<<<<<ان شاء الله بكره أكمل تسلمين
الله يحفظك .. ويحفظ لك عزوزي.. <<<<<<ويحفظك ويحفظ ولدك
مشكوره حبيبتي على مرورك
التوقيع
احلى مفاجأة من أعز انسانه..
ربي يسلم هالايدين يامبدعتنا الاسطوره...ورزقك الله بالذريه الصالحه
هذه الرسالة تفيد بأنك غير مشتركه أو لم تسجلي دخولك بعد. للاشتراك الرجاء اضغطي هنــا 
مواقفي في استراليا...الجزء الثاني((متجدد)) 
راجعه وكلي عزم اني احاول قد مااقدر استفيد من غربتي واكتشف كل جديد ومفيد بالبلد 
