مرادات حصريه بين شاعرات المنال

[أم رند]

أبيات شعركـ تبهج القلب والروح
لي الشرف لامن قريت الكتابة
عطر الشعر لامن نظمتي بدا يفوح
كنه من الكادي وصوته ربابة
شوق القصيم أعظم إلى من بدا البوح
أكيد دامك تتبعين الصحابة
دينك تبعهم لاتهجدتي بنوح
وليا كتبتي شعرهم مانعابه

[الحب اسمى عاطفة]

صح لسانج اختي

الف شكر على مرورج العطر ..نورتي الموضوع

وهذي قصيده يديده كتبتهاا البارحه ..لاني كنت طفرانه من مشاكل الاهل

ودي بجواب يدلني للصواب
ودي بطريق ما فيه اي سحاب
وش رايكم بلي حصل من عجاب
ناس تدعي الفهم واهي الخراب
ناس ناسيه اصلها ساسه.. تراب
انا ياناس رمتني دنيتي باسباب
طيبتي دايمة تنشرب مثل الشراب
صافيه نيتي ما يحتويها الشواب
والمصيبه اكبر من مصاب وصاب
سهم الغدر والخيانه عزوتي الاقراب
نصيحه واوجهها لنفسي والاحباب
عيش ذيب لا تغدر بك اصحابك الذياب


وسلامتكم

للشاعره:
وين ما تباني تلقاني


هاه وش رايكم ..قولولي في تحسن والا لا

[شوق القصيم]

اولا حاااااااااااااابه اعلق على قصيدة الغاليه ام رند

أبيات شعركـ تبهج القلب والروح
لي الشرف لامن قريت الكتابة
عطر الشعر لامن نظمتي بدا يفوح
كنه من الكادي وصوته ربابة
شوق القصيم أعظم إلى من بدا البوح
أكيد دامك تتبعين الصحابة
دينك تبعهم لاتهجدتي بنوح
وليا كتبتي شعرهم مانعابه


بصراااحه قصيده رائعه >>>>>>ويني من شعر الصحاااااابه

هم وين وانا وين انا مجرد هاويه للشعر لا شاعره

بس عندي نقد على البيت الي فيه اسمي

حسيت انه غير وزن القصيده شوي وهز القافيه

شوق القصيم اعظم الي من بدا البوح>>>>>>>>>>اكيد العظمه لله سبحانه وتعالى


اما بالنسبه للاخت عطووووووووووفه

بصرااحه ابياتك فيها تقدم وااااااضح من حيث الالتزام بالقافيه

وقد تكون موزوووووونه عن غيرها من قصايدك

وايضا القافيه الي اخترتيها >>>>>>قافيه خفيفه على اللسان سهلة النطقودي بجواب يدلني للصواب
ودي بطريق ما فيه اي سحاب
وش رايكم بلي حصل من عجاب
ناس تدعي الفهم واهي الخراب
ناس ناسيه اصلها ساسه.. تراب
انا ياناس رمتني دنيتي باسباب
طيبتي دايمة تنشرب مثل الشراب
صافيه نيتي ما يحتويها الشواب
والمصيبه اكبر من مصاب وصاب
سهم الغدر والخيانه عزوتي الاقراب
نصيحه واوجهها لنفسي والاحباب
عيش ذيب لا تغدر بك اصحابك الذياب

البيت الاخير الاحظ انك زودتي كلمة اصحابك على القافيه

فاخت الوزن شوي

وياليت البناااااااات يساعدونا في النقد للي عندهمخبره

[أم رند]

شاكرة نقدكـ شوق القصيم بس عندي تعليق على كلامك إذا سمحت
بالنسبة للوزن أنا جدا" واثقة من صحته ولكـ أن تتأكدي لأني ولله الحمد موفقة بفضل الله ودون فخر لكن هذه نعمة من نعم الله لاأجحدها
وإذا أنت مو مقتنعة بكلامي لحني النص وبتلاحظي إن الأبيات كلها تمشي معكـ
أما بالنسبة للعظمة فأنا شاكرة ملاحظتك لكن كنت أقصد اسم تفضيل كأن أفضل منى على هند تماما مثل كلمة أكبر نقولها بعباراتنا
محمد أكبر قدرا" من خالد والله وحدة أكبر
الله أكبر
حنا كلنا مقتنعين بعضمة الله لكن ممكن تكون شوق القصيم أعظم من أم رند
والله تعالى بلا شك أعظم من الجميع
هذي وجهة نظري حبيت أوضحها والله تعالى أعلم وأنا ماأفتي بالموضوع لكن بأوضح قصدي
ألف ألف شكر شواقة حبيبتي وأنتظر ملاحظاتك دائما وثقي بأتقبلها بصدر رحب

[الحب اسمى عاطفة]

الف شكر لج شوق على التعليق ..

وفعلا مثل ما قلتي كلمه اصحاب زياده ..

وان شاء الله دام في تحسن الحمد لله ...

يعني في امل اتقدم للامام .

والف شكر شوق على التشجيع

[شوق القصيم]

هلا بنااااااااااااات

اخباركن

مافي جديد عندكن

يالله نبي نسمع جديد شاعرات المنال

[الحب اسمى عاطفة]

بصراحه انا هالفتره ملخبطه شوي ...في فراسي مية شغله وشغله

الف شكر ع المرور العطر شوق

[الفرقدان]

السلام يا شاعرات المنال..

والله ودّي أشارك بس ....

ما عندي نبطي ينفع أنزّل لكن بالفصيح ؟؟؟؟؟؟؟؟؟

[الحب اسمى عاطفة]

هلا بج اختي

اختي الشعر كله واحد فصيح والا عامي

نحن هنا هواه للشعر بس

ننزل كل جديدنا

والمشاركات مسمحه للشعر الفصيح والعامي

ويعطيج العافيه على المرور

[أمـــاني]

شاعرات المنال ما أدري ليش عندي احساس أن في بيتنا رجـــــــــــل ،،،،

أتمنى أن أستمر معاكم وان نكون تجمع نسائي فقطـــــ ،،،


استمتعت في شعركم الطيـــــب والى الأمــــــــام