تعبت والله تعبت ؟

[حنين أنثى]

السلام عليكم ورحمة الله وبركاته
مشكلتي جدا متعبتني والله كل يوم ابكي لااعلم اللي سويته صح ولا غلط انا عمري 25سنة ومملكة على رجل طيب ولكن المشكلة في احساسي انه بخيل سأذكر لكم كل شئ وانته احكموا يوم عقدت في المحكمة والده قال لأخي ولدي عنده فلوس بس ناشف انا اعرفه واخي خاف كثيرا من هالكلام واراد ان يتراجع عن العقد ولكنه سكت رجعت البيت بعد العقد ولم يكلمني الا في وقت متأخر في الليل وكلمني لمدة دقيقة وحدة او اقل قلي مبرك ياعروسة وقلي انا الحين مشغوول بكرة اكلمك انتظرته يكلمني ثاني يوم لم يتصل وفي اخر الليل ارسل رسالة ورديت عليه برساله ثم ارسل رسالة اخرى وانتهى الموضوع بعد كده دق اليوم اللي بعده في الظهر ولم يكن الجوال جنبي اتصل كم مرة المهم اول ماشفت اتصاله دقيت عليه ومارد عليا ودقيت كم مرة وماردوانتظرت اتصاله لم يتصل بعد المغرب اتصلت انا بحجة اخباره عن موعد الملكة المهم قلي ليه مارديتي قلتله لم اكن جنب الجوال وسألته وانت ليه مارديت قلي كنت نايم كان ودي اقله طيب ليه لما صحيت مادقيت بس استحيت ومشيتها بعد كده أول زياارة له لما جاني اول مرة يشوفني بعد العقد جا هو واهله جابلي المهر واحضر لي معه هديه وياليته ماجاباها جاب ليا اكسسوار والله بالمرة مو حلو والله بالمرة انصدمت لم اتكلم ولا كلمة تضايقت كثييير يعلم الله بضيقي هو صحيح قلي ان شاء الله اشتريلك ذهب مع الأيام وانا ولا كلمة وقلي قولي ان شاء الله فقلت والله هو شغال وشغلته حلوة ومو قادر يشتريلي لو خاتم أو حلق وأنا اشتريتله ساعة من سواتش بالمرة غالية واعطيته اياها بعد ان لبسني الاكسسوار وهو جاب المهر واتفق مع اهلي انه الذهب من المهر بس مو المفروض هو يشتريلي شبكة المهم قام يسألني اخوانك مايعرفه احد يراعيهم في سوق الذهب يراعيهم لما تشتري الشبكة وهذه الصدمة الثانية في نفس الوقت المهم قلتله ماأدري وسكت حتى لم استطيع ان اقله المفروض انت تشتريلي الشبكه وان كان الذهب من المهر كما اتفقت مع اهلي و ما نمت وانا مقهورة اتصل علي في الليل كلمته وانا متضايقة لم استطع ان اكلمه سألني ايش فيكي قلت لاشئ المهم ماطول امكن دقيقتين وقفل وهو قلي استني حكلمك في الليل توقعت حيكلمني الليل كله المهم ومن كثر القهر كملت نومي وثاني يوم اخوي حس فيني وقلي انتي زعلانة من هديته انكرت وقلت لا قلي طيب ليه خليتيها في بيتي ومانزلتيها معاكي لانه استقبلناه في بيت اخوي وكان في بيت ابوي الرجال وعند اخوي هو وامه واخته المهم قرب ت وقت حفلة الملكة وكلمت اخي قلتله فهمه انه الشبكة عليه مارضي قلي انتي كلميه وكنت استحي منه فلم استطيع في الأخير انا اشتريتها من مهري الذي لايذكر وقلت في نفسي مو مشكلة يابنت هونيها تهون ولم اخبر احد من اهلي سوى امي واخي ونزلت انا وياه ونقالي هو الشبكة وكنت اريد ذهب ابيض فلم يوافق وانا استحيت ان اجادله قلت في نفسي امكن هو حيدفع عشين كده مو راضي بعد ان اختارها قلي هاتي الفلوس بصرااحه استغربت منه وكان باقي من فلوس شبكتي 200 يعني اعطيته الفين وهي 1800 يعني الباقي يرجعلي انا صح ولا لا المهم مارجعلي الباقي وقلي ابغى اشتريلك هديه نقي اشتبغي خاتم ولا اسورة المهم قلتله اسورة بعد جهد منه حتى اتكلم وانا مستحية منه والاسورة طلعت ب385 تقريبا هذا مااتذكره بس مو متأكدة المهم هو عنده حقي ال200 وزود عليها ال185 وقلي هذه هديه مني ومشيتها وماقلت لأهلي لأنه اخوي كان في باله انا انزل معي 2000وهو يزودلي 2000او 3000ريال ويشتريلي شبكة غالية بلعتها وانا احرق في نفسي وشوية خلاص اصبر نفسي المادة مو مهمه اهم شئ انه يصلي وطيب وجاء يوم الملكة وكلمني قلي لازم البس غترة وعقال قلت ايوه لازم والبس كمان دقله قلي وش دقلة المهم فهمته وكلمت اخته انه لازم يلبس دقلة او مشلح والله العظيم جاني بثوب تمام مافيه شئ وغترة متسلفها من ولد عمه والعقال متسلفه وكمان صغير على راسه وشبشب بالمرة قديم وسرواله الداخلي مصفر المهم انحرجت وانقهرت منه والله استحيت اكلمه اخواني ماقصروا فيه طبعا هو ماقلي اخواني قالولي وصارت مشكلة يوم الملكة بين اهله واهلي ولا اعلم مين الغلطان ومين الصح فكل واحد يعتبر نفسه هو الصح وبما اني لم اشاهد مشيت الامور واخواني لايريدوه وانا اصبرهم ان شاء الله يتغير المهم كان دايم يزورني ويده فاضيه وانا امووت قهر وماابين لأهلي امكن تقولولي لاتكوني مادية انا مو ماديه انا اطلب لو صحن بقلاوة ب20ريال لو عطر ب30ريال رغم اني انا لاالبس الا من المركات واشتري اغلى العطور صحيح مو دايما يعني بس في عيد رمضان اقضي ب1000 او 2000 واجلس عليها سنة الا اذا كنت محتاجة شئ او في مناسبة المهم مرة رسلي رسالة يقولي اغى اتغذى بكرة عندكم وحجيب غذانا معايا كلمت اخي على اساس انه يجيب لنا كلنا اخي وافق لم يمانع قلي الله يحييه ارسلت رساله قلتله الله يحييك دق علي وقلتله انه اخي لم يمانع وقلتله قلت لاخوي انك حتجيب معاك الغذا في اليوم الثاني اتصل بعد صلاة الظهر وسألني ايش تبغي قلت اي شئ يعجبك يعجبني فسألني بتعجب اجيب لنا كلنا والله طريقة سؤاله كانت مفجعة ارتبكت لم اعلم ماذا اقوول لم ادري الا اني قلتله لا بس ليا انا وانت الحياء لم يجعلني استطيع ان اجادله كيف تدخل على اهلي ومعاك غذا ليا انا وانت وبس المهم اخي صلى ومن لطف الله انه اشترى غذا بسيط لأنه استحى كيف يجيب هو لوحده من غير مايكون في شئ من حقنا جا زوجي وجاب معاه حبد دجاجة صغيرة نفر رز صحن ايدام صغير اخوي تجنن زعل كثيير والله اخوي زعل عليا انا كيف حعيش مع انسان هذه صفاته ومشيتها له ولم ابين له وبررت موقفه عند اخوي انا قلتله ليا انا وانت ومن هذا الكلام لكنه والله قلي والله بخيل وقلي لو انا من غير مااسأل اجيب بزيادة هذا وانتي لسا في بيت اهلك وكده يسوي كيف لو انتي عنده المهم مشيتها وجاني زوجي بثوب بالمرة معدوم فيه غرا من شغله والغرا مايروح من الثيابوانقهرت من اللي سواه فيا ومن مظهره وسكت لم اكلمه خاصموني اخواني يقولولي كلميه والله حتى زوجي يقولي صارحيني بكل شئ وانا استحي بصرااحة المفروض تكون من نفسه الكرم والاهتمام المهم جا زواج احد من اهليوطلبت منه الف ريال حتى اشتري فستان واكسسوار وكوفيرة وصندل قلي مااقدر ماعندي وانا امي مااعطيتها تبغيني اعطيكي انتي ومن احسن انتي ولا امي قلتله طبعا امك قلي اللي اقدر اعطيكي اياه200ريال وحتى لو كنتي في بيتي هذا اللي اقدر عليه وانا بصراحة متعودة خاصة لو في مناسبة احد من اهلي اشتري فساتين غاليه واجلس البسها لما اعدمها وماني من البنات اللي مرة وارمي واقول شافوني مايهمني احد وآخر مرة اشتريت فستان قبل 5سنوات ايام زواج بنت عمي والى الان البسه وعادي ماني مبذرة المهم وكلمه اخي عزمه وقله تعال متكشخ نبغى نزفك مع العريس وبعد الحاح مني ماكان يبغى يجي جا الزواج بثوب يصفوه اهلي بشدة الوسااخه وصارت مشكلة وكنت حطلق بسببها جابه اخوي البيت بعد الزواج بأربعة ايام وكلمه وقبلها منعني اخي من التكلم معه وبعد الحاحي خلاني اكلمه وعاتبته ليه تجي كده قلي قفلت دكاني الساعة 11ونص وعبال ماارجع البيت واغير حتأخر وانتي قلتيلي الزواج يغلق الساعة12 فقلت الحق اسلم وامشي وانا عشينك جيت المهم اقنعني فلما كلمت اخوي قلي ضحك عليكي عشينك مايجي بهالمظهر والمفروض انه يقفل دكانه بدري ويكون من اول الموجودين ويبين لنا قد ايش مهتم بيكي المهم بعد مشكلة عويصة اتحلت واخي غير راضي لكن من اجلي سكت وكلمه قله انت لازم تدخل لاختي وفي يدك شئ ماتدخل فاضي لازم تفرحها وتهتم في مظهرك انا لا انكر راح فصل ثوبين وصار يجيني بيها بس ملابسه الداخليه مااعرف ليه مصفرة يعني لما يجي يزورني صح ثوبه احسن من اول بس السروال الطويل لما يبان من تحت شوية بالمرة مصفر اجلس اطل فيه وفي اخواني فرق كبيير مع العلم اخوي مرة شافه في المسجد بثوب بالمرة مبهذل وحالته حاله والازارير مقطعة بعضها يعني بس لما يجيني يلبس الثياب الجديدة المهم بعد المشكله اللي صارت اهلي عرفه بموضوع الشبكة اخوي لما زعل قلهم والكل انتقدني وضحك عليا امي زعلت من اخوي وقالتله نحن اتفقنا مانتكلم مع الأهل ولانقلهم اخوي اعترف بغلطته واعتذر مني وقلي انا كنت بالمرة زعلان امي قالت حتكلمه يشتريلي شبكة وانا كلمته انه امي حتكلمك تجيب ليا شبكة لأنه اهلي عرفه وحكيته باللي صار واني كنت متضايقة وكنت ابغاك انت تجيبها واستحيت منك والحين انا صرت مضحكة عند اهلي والله قلي بالحرف الواحدقولي لأمك لاتكلمني وأنا مااقدر اشتريلك ولو خاتمقدرت ظروفه لانه كان دوبه دافع الايجار وكان عليه غرامه من البلديه لانتهاء الرخصه وضغوط اخرى وكلمت امي واقنعتها انها ماتكلمه وانا لما كلمته توقعت منه يقولي خلاص انا حجيبها من غير ماتكلمني ولا على الاقل يقولي الحين امر بأزمة ماليه ولما تدبر معايا اشتريلك ولا تكوني مضحكة لاهلك وعديت الموضووبعد المشكلةع
جاني وفي يده علبة حلاوة صغيرة وكمان فتحها ووزعها على اولاد اخواني وقلي كنت حشتري حلاوة جواهر بس ب48 بطلت مااشتريتها مشيتها له وانا مقهورة منه وكلمته انه جوالي باقيله كم يوم ويفصل واني تعبت وانا اشحن قلي اشحني ب100ريال يجلس معاكي اربعة شهور استقبال قلتله ماعندي مانع انت اشتريلي بطقة شحن قلي لا انا اعطيكي 100ريال وانتي اشتري بطاقة ب120ريال سكت يعني خذي من اهلك ال20ريال وسكت وماتكلمت واعطاني ال100وشحنت ب150 والله كلها تروح له مااكلم ولا احد اخواني اذا ابغاهم اعطيهم رنه وهما يدوقوا وانا صابرة وساكتة وكمان كذبت على اخوي قلتله اعطاني200ريال
والله كل مايجي عندي مرة اسوي عشا ومرة ارسل من برا عشا ومره اسوي في البيت معجنات ومكرنة بالباشميل ومرة ارسل من برا معجنات غير الحلا مع القهوة والعصيروالله بالمرة استحي من اهلي لما اطلب فلوس عشين اوفر له حق الضيافة ومرة جاني وطلبته يجيب عشا وموراضي يجيب معاه يقولي استحي اجي واجيب عشا معايا حاولت اقنعه انه عادي مافي شئ قلي خلاص انا اجي ولما اجلس انا وانتي لوحدنا ارسل اخوكي الصغير يجيب لنا كلنا قلت طيب وجاواخواني اول مرة يجلسه معاه وقت طويل المهم خرجه قلتله فين العشاء قلي وين اخوكي الصغير بس اخوي كان نايم وماصحيته وعادي بس ضيفته عصير وقهوة مع الحلا وسألته على اساس اسويلي ساندوتش بيض ولاجبنة قلي لا مايبغى ال زيارة الأخيرة لما جاني قلتله جيب معاك عشا قلي برضك مصممة انتي سوي عشا في البيت قلتله بس هالمرة وبعد كده انا اكون اسوي كنت ابغى اثبت لاهلي انه مو بخيل بس لازم اكلمه لاني اقوول في نفسي غشيم امكن مايفهم عادي انا اعلمه وبعد ترجي قلي خلاص لما اجي نرسل اخوكي الصغير قلت لا هوينام بدري انت جيب معاك قلي عيب كيف اجيب معايا عشا لو انا زوج اختي يجيب معاه عشا ازعل كان نفسي اذكره بموضوع الغذا قبل 3اشهر بس سكت المهم رضي قلي ايش تبغيه قلت اللي تبغاه قلي بجيب عدس بريالين بس مدري يمزح ولابجده المهم طلبته مطبق ومعصوب من مطعم معروف قلي مااقدر ماعندي سيارة قلتله بس انا نفسي فيه قلي احاول المهم دق عليا بعد صلاة العشا قلي دوبه صاحبي جا وعبال مااروح حتأخر نص ساعة قلت عادي حبيبي المهم جا وجاب مطبق ومعصوب من مكان ثاني مو اللي انا نفسي فيه وجاب معاه قلييييييييييل يادوب يكفيني انا وياه والله احرجني قدام اهلي ورجعه اهلي سوولهم عشا واتعشوا وزوجة اخوي قالتلي يادوب يكفيكم بس اخذوا معصوب بس المطبق قليل جلست معاه والله العالم بقهري لكن مااعمل جلست انا وهو لوحدنا وضحكت معه وانا من داخلي مجروحة ومااحب اجرحه وشويه قلي حطيلنا العشا حطيتله اياه وسألني اهلك مااكله منه ليه قلتله اهلي قاله يادوب يكفيكم المهم
قبل تقريبا اسبوع طلبته جوال أنا عندي جوال بس اخوي اشترالي اياه قبل مايخطبني فحبيت انه يكون الشئ اللي يلازمني من زوجي وكنت ناويه اعطيه جهازي يبيعه بس هو يكملي عليه ويشتريلي جهاز ثاني بس والله رفض وقال مااقدر هنا اتفجرت كل مااطلب شئ مااقدرر في بداية ملكتي كنت استحي اقوول هو المفرض يجيبلي اخواني يقولولي والله بخيل وانا اقلهم لا مو بخيل بس لازم اكلمه وانا استحي هنا اتفجرت قلتله ابوي الله يرحمه ماكان يقولي لا اخواني مااطلبهم شئ الا ويعطوني اياه بفضل الله ويوم تزوجت زوجي يقولي لا قلي انا ماكذبت عليكي من يوم ماخطبتك وقلتلك انه ظروفي صعبه وانا ابغى وحدة تصبر معايا ممكن اقعد اقلك على طول مااقدر قلتله بس لازم تحاول تحسن ظروفك قال انا يعلم الله بيا لكن تجي من هنا تخرج من هنا اذا تقدي تصبري معايا قولي ماتقدري قولي اعطيت نفسي وقت في هذه الأثناء اتصل بي قلي انتي لازم تفكري بعقل انه انا ظروفي جدا صعبة وانا احبك واريدك وانا عارف انه مستواكم المادي حلو وانا حاخذك وانزلك مستوى اقل بكثييييييييييييييييييييير مماتعودتي عليه وحتشوفي كل اللي حوليكي احسن منك وخرجاتك حتكون محدودة وحتقعدي طول الوقت لوحدك في البيت وعليكي تطبخي وتنظفي وتكوي قلت هذه اي امراءة بتسويها وانا متعودة عليها وقلي ولازم تعرفي اني حقولك على كل شئ مااقدر لغاية ماربي يفرجها سنه سنتين اكثر اقل الله اعلم والله انا يوم خطبني وانا عارفة انه فقير واقل مني في المستوى المادي لكن مااخاف منه البخل فاخته مرة قالتلي عوديه يعطيكي احسلك ترى اخوي بخيل واخته الثانيه تقول حريص وابوه يقول ناشف كل من حوالي اخواني امي اهلي صديقتي المقربة لي يقولون لي انه بخيل واني حتعب معاه كثييييير والللللللللله العظيم احبببببببه لكن اذا دخل الفقر من الباب خرج الحب من الشباك هكذا يقولون فكيف وهو فقير وبخيل اهله يقولون انه عنده مال وهو يقول عندي لكن لاتكفي فأنا عندي التزامات
سألتكم بالله ماذا يضره لو افرحني بعطر او مكياج وان كان رخيص او ماذا يضره لو كل مايجيني لو يخسر 20او30ريال يدخل الفرح في قلبي كل مايجيني ويخرج من عندي وانا اضحك معه وداخلي يبكي وانا صابرة لعله يحس بي اعطيته كل ماتعطي زوجة زوجها من حب وحنان وحتى التقبيل والأحضان وفي كثير من الأحيان يأتيني وريحته كريهه واصبر لكن اذا كان كده من البداااااية فكيف بعدين اهلي مايحبوه من كثر ماشافوه منه سألت شيخ نصحني بالنفصال وقلي بالحرف الواحد والله لو تقدم لابنتي رجل كل الصفات الحلوة فيه ولايعيبه الا صفة البخل والله لاأزوجه بنتي وبعد هذا العناء والاحراجات اللي سببها لي مع اهلي قلت له انا لااستطيع ان اصبر معك الله يعوضك باللي احسني الف مرة قلي والله ماحلقى زيك في طيبتك وجمالك واخلاقك والله انا اعترف لكي انك اعطيتيني كل شئ وانا لم اعطيكي شئ وطلب مني ان ادعيله وقال لي يابخت الي حياخذك والله ابكتني هالكلمة طيب ليش تفرط فيا وأخذ موعد طلاق في المحكمة وسوف يكون طلاقي بعد 3اسابيع والله اني احبه وكل يوم ابكي عليه اتذكر كلامه لي ووعوده لي بانه سوف يسعدني وعندما اتذكر انه لم يحسسني بحبه ولو بالقليل والله لم اطلب منه المستحيل اتضره ال30اوال40ريال اللي يجيبلي فيها عشا لمرة وحدة والله كنت اقوول لنفسي لو فرحني هذه المرة كنت اتمنى احس بكرمه وعلى قولة اخوي كريم يضربني ولابخيل مايضربني.
مارأيكم هل تعتبروه بخييل او حريص وهل ماقمت به صح ولا لا؟
آآآآآآآآآآآآسفه على الاطالة بس والله محتاااجة التوجيه أسأل الله العظيم رب العرش الكريم ان يفرج هم كل مهموم

[ام عزوزي]

امين يارب

والله اختي الله يكتب لك الخير وان شاء الله اللي اخترتيه يكون بمصلحتك

انتي عارفه من قبل ان حالته المادية ضعيفه فعلشان كذا تصرف هالتصرف والله اعلم الناس

لكن اهم شئ هل استخرتي قبل ماتطلبي هالانفصال؟؟؟

المشكله انه مو في البخل اللي احتمال انولد بسبب ظروفه الصعبه

لكن المشكله عدم النظافه وهذي عذرها مو البخل ابدا

اهم شئ تستخري قبل الانفصال ورضى اهلك بعد رضى الله اهم

والله يعوظك ان شاء الله

[حمرة الورد]

وعليكم السلام ورحمة الله وبركاته

أختي حنين أنثى بصراحة حزنتيني كثير بقصتك وأهنيك بأخلاقك ومسامحتك لغلطات من سيكون زوجك

زيادة على كلام أم عزوزي أضيف لك

لما رحتي عشان تكتبي الكتاب قال ابوه لأخوك إنه ولدي عنده فلوس بس ناشف يعني بخيل وإنتي رضيتي

بالنقطه هذي من البدايه بعدم مصارحتك له ..

وكنت تجازي غلطاته بالسكوت وعدم فتح الحوار بينك وبينه..

يعني ممكن تشوفي صورة لمستقبلك معاه وفكري لما تصيري أم

ويكون عندك أولاد وهو بخيل مثل ماتقولي ..

وممكن يتغير بعد الزواج الله أعلم بس البيئة اللي تربى فيها ماتساعد على التغيير

ماراح أذكر غلطاته اللي وضحتيها ولكن أتمنى تستخيري بصلاتك وتدعي إذا كان في خير يكون من نصيبك

الله يوفقك ويكتبلك اللي فيه الخير...وطمنينا عليك

[شوق القصيم]

عزيزتي.....حنين انثى


بصرااااااااحه قريت قصتك وعشت معاك لحظاتها بحلووها ومرهاااااااااا.................مع ان المر اكثر من الحلو فيها

وصحيح في احيان كثير ما يكون البخل عيب .............لكن في مثل حالتك ...........انت الي ساعدتيه بسكووووووتك عليه من البدايه

حبيبتي........لو انك صارحتيه وناقشتيه في كل ما يحدث منذ البدايه راح تعرفي هل ا لبخل هو طبع دائم فيه او انه مجرد لا مبلاة وعدم اهتمام ...........او يمكن زوجك يكون من الناس البسطاااااااء الي مالهم في الدنيا وحياته كلها بيته وشغله وماله احتكاك في العالم(وهذا الي انا شفته وفهمته))

ويمكن لو انك في كل مره ناقشتيه في وقتها بالخطاء الي هو سواه ...........يمكن راح يتغير

وبصراحه انا لاحظت كمان من قصتك ان فترة الملكه عندكم وقتها طويل وبصراحه انصدمت لما انت طلبتي منه فلوس عشان تشتري فستان للزواج قريبتك ..........!وكمان طلبتي منه بطاقة شحن ؟؟؟؟؟؟؟

وهذا كله وانت لسا ما دخلتي عليه .....وعارفه بظرووووووفه انه على قد حااااااااااله؟؟؟؟؟

وانت بصراحه سكتي عن الي كان لازم تقوليه في دفعه هو لقيمت الشبكه .........وطلبتي الي مو لازم تطلبيه منه وهو (قيمة الفستان لزواج قريبتك)

بصرااااااااحه انا مقدره الموقف الي انت فيه .......................

بس صدقيني حبيبتي اذا كان مستواك المادي اكثر منه ......صعب تتحملي العيش معاه بقية حياتك حتى لو تحسنت ظروفه ؟؟؟؟؟؟؟؟؟؟

لانك من الان وانت حاطه العيب الاساسي فيه هو البخل ..................وهو لسا ما دخل عليك

لما تتزوجي وتخلفي ................ايش الي بيصير؟؟؟؟

فيه كثير من الازواج يتغيرون بعد الزواج .....منهم للاسواء ومنهم للاحسن ............والعامل الرئسي للتغير هو الزوجه نفسها واسلوبها معاه


فبما انك في هذه الفتره والي يعتبرها الكل انها احلى ايااااااااام العمر الي ماااااراح ترجع والي كل زوج يقدر يجيب فيها لزوجته حليب العصفوووووووووووره زي ما يقوووولون ولو مجاملة ......

وانت زوجك حتى ماحاول انه يغير اسلوووووووبه لو من وراء قلبه ...........هذا دليل انه هذي شخصيته وماراح يغيره مهما يكون

ولاسف حتى لما طلبتي الطلاق ..................من كلامك انه ما فرقت معاااااااااااه

والحمد لله انك تداركتي الامر قبل الزواج وناقشتيه واتضحت شخصيته ..............واتمنى انه خلال الاسبوعين الجايين انه الكلام الي قلتيه له ياثر فيه .ويقدر يغير من طبعه شوي

فاذا اتصل بك وطلب منك العوده وتغير رايك ............فمعنااااااااااااه انه فيه امل انه يتغير

وعطيه فرصه ثاااااااانيه ....................واستخيري


فكل شيء مقدر ومكتوب ...............والي انكتب لك ستجديه امامك


واتمنى لك التوفيق

[مذهلة اليمن]

اختي ..........

لا ازيد شيء على كلام اخواتي ام عزوزي وحمرة الورد وشوق القصيم
الا ان اطلب منك الاستخارة وكل شي قسمه ونصيب
واسال الله لك الفرج

[أم ســـلـــطـــان]

اختي الحبيبه استخيري اكثر من مره
وصراحه انا بدايت القصه وانا اقول هذي ماهي صاحيه اذا انها مستمره الى الحين معاه وفرحت اخر شي انك قلتي انه بيطلقك اللي هذا اوله ينعاف تاليه
وزي ماقالت شوق انه مافرقت معاه لما طلبتي تنفصلون وحدد موعد الطلاق الله بيعوضك احسن منه ان شاءالله وترا البخل اسوا صفه بالرجل

[حنين أنثى]

المشاركة الأصلية كتبت بواسطة ام عزوزي

امين يارب

والله اختي الله يكتب لك الخير وان شاء الله اللي اخترتيه يكون بمصلحتك

انتي عارفه من قبل ان حالته المادية ضعيفه فعلشان كذا تصرف هالتصرف والله اعلم الناس

لكن اهم شئ هل استخرتي قبل ماتطلبي هالانفصال؟؟؟

المشكله انه مو في البخل اللي احتمال انولد بسبب ظروفه الصعبه

لكن المشكله عدم النظافه وهذي عذرها مو البخل ابدا

اهم شئ تستخري قبل الانفصال ورضى اهلك بعد رضى الله اهم

والله يعوظك ان شاء الله

ام عزوزي جزاكي الله خير على ردك لي وانا راضية فيه بفقره لكن بخله لا مااقدر

[بشرى]

حسبي الله ونعم الوكيل

الله يعينك ويحمل معك


لا ازيد على كلام اخواتي اي شي

ووفقك الله لما يحبه ويرضاه

[المخروووشه]

هلا حبيبتي ،،

اول شي اقول لك ان اي عيب في الرجل يغطيه الكرم ،،،

وانتي واضح ان زوجك بصراحه بخيييييييييل ،،،المفروض يضغط على نفسه على الاقل اذا طلبتي العشاء واذا مامعه<<على قولته،،، يتسلف عشان ماء وجهه <<يعني عشان مايتفشل ،،

(وشهد شاهدآ من اهله ) ،،الان كل اهله قالوا لك بصريح العباره انه بخيل ليش تحاولين تدورين له عذر ،،

وانا احس اللي مخرب عليك انك تحبينه وهذا واضح بدون ماتصرحين والا وش اللي حدك انك تصبرين عليه ،،،


وانا معك بقرارك ،، وهو الانفصال الان افضل من بعد مايجيك اولاد ،،،

والله يعوضك باحسن واخير واكررررررررررررررررم منه ياحي ياقيون ،،،

هذا رايي ،،

[بارفي]

والله وجعتي قلبي قسم بالله
بالنسبه لي الرجل الطيب هو الكريم فقط لاغير وانا لما جيت اتزوج كنت اريد رجل كريم مهما كانت صفاته او ظروفه
لان الكرم بنظري سيد الاخلاق وانا امقت البخلاء بصراحه لو سألتيني قبل تتزوجي كان قلتلك لاء والف لاء
لكن هاذا النصيب والقدر وانا انصحك لاتحزني ابدا والله بيعوضك خير لان الحياة قدامك وراح يجيك اولاد وراح تكثر الصرفيه
ما اريد اخرب عليك بيتك لكن لا اريدك تعانين طوال حياتك الله على الكرماء ما اجمل صفاتهم لان الانسان الكريم يجر
كل الصفات الحلوه وراه فاذا كان كريم صدقيني بيكون رحيم حنون طيب ومتفاني
الله يوفقك لخير الدنيا والاخره