ليش الحريم ما يسوقون؟

[حنان الكون]

لاتقرون من برا
ليش الحريم مايسوقن ؟؟؟
0
0
0
0
0
0
0
0
0
0
0
0
0
0
في يوم جميل وسماء مخملية صافية وشمس مشرقة بنورها الساطع <<<<<<<<< ترى هذ ي
يقاله مقدمة
المهم في ذلك اليوم كان ودي اروح للسوق ابي اطلع ابي اتمشى أي شي المهم اني ابي اغير جو البيت
خاصة ان الجو مايتفوت لا عجاج ولا برد ولا حر ( وجه يقول لا يكثر )
فقمت بسرعة وطيران لابوي :
الحلوه : يبه يبه نبي نطلع نبي نروح نتمشى لأي مكان ابي اشم شوية هوا ونستانس
ابوي : يابنيتي انا تعبان ومشغول خليه يوم ثاني ولا روحي مع اخوتس ولا السواق
الحلوه : ( وجه متحطم ولكن عنده بصيص من الامل )
وروح ركض لاخوي
الحلوه : اخي العزيز ودنا لسوق ولا مشنا ودنا نطلع زهقانين
اخوي: والله انا ماعندي الا انتم انا مواعد اصدقاي بالاستراحه ترى مانيب سواق لكم ودنا جبنا
ابلشتون تراكم( جهان كير) على غفلة ( ملاحظة : جهان كير اسم سواق هندي )
الحلوه: خلاص لا تصارخ بوجهي بلا منتك انقـلع ( وجه معصب مره )
واخذت افكر وافكر مالقيت الا اني اروح للوالده عشان نروح مع السواق هذا اخر حل وهو الامل
الحلوه: يمه يا احسن ام بالدنيا <<<<<< مقدمة راحت موضته .... نبي نطلع نتمشى مع السواق
امي : لا يابنيتي انا بروح لم خالتس ام محمد مسوية عزيمه
: طيب انا وش دخلي بام محمد يمه نبي نروح نتمشى
امي: لا مايصلح اليوم ولا فيه بنات يروحن لحالهن مع السواق مانيب مخليتس تروحين لحالتس
الحلوه: يمه تكفين ودي اطلع
امي: اعزمي بنات خالتس ولا روحي لهم لكن روحات تمشي اليوم لا روحي لاخوتس خلية يمشيتس
( وجه يقول الله ياها لااخو اللي فاضي لنا جهان كير على غفله )<<<< سرقته من اخوي
وانتهى الامل تهي تهي تهي ليش الحريم مايسوقن كان ماقعدت بالبيت تمشي ووناسة وامر صديقاتي
نروح للسوق ولا نروح للبر ( وجه يحلم بقوة )
واخذت افكر بالموضوع ليش حنا مانسوق وقلت ليش ماسوي زي ام مناحي هذا ه تسوق




وابو مناحي مخليه تجيب الاغراض وتسوق عنه التريلة
ودارت الفكره براسي ولكن وشلون اسرق المفتاح ولا مع من اروح شكلي بمر بنات خوالي
ونفللللللللللله
كلمت بنت خالي : هلا بنت خالي ابي امرتس اليوم بنروح نتمشى تجهزي
بنت خالي : مع مين بتمرينن
الحلوه : انا
بنت خالي : ( وجه متفاجا ويطيرن منه علامات تعجب ) اقول انقلعي حرارتس مرتفعة اليوم وتقفل السماعة بوجهي
خلاص اروح لحالي وش هالحال ذلونا عشان نتمشى
واسرق مفتاح السيارة واروح وياسلاااااااام شعور لايقاوم وانتي خلف مقود السيارة
ومامداي امشي 5 امتار الا انا صاقعة بجدار الجيران
( مب انتي صاقعة بجدار) : انا



وتجمعو الجيران ياويلي وش اسوي ( وجه يقول الهجة قبل مايجي ابوي ويدري انه انا )
وانا اهج واروح لغرفتي واقفل علي واسوي نفسي نايمه ماسمع الا صوت
هواش واسوي نفسي توي صاحية قلت خير ان شاء الله وش فيه
قال ابوي : وش خير شوفي اخوتس وش مسوي صادم بالسيارة
الحلوه: ايه انا اسمع اصوات الجيران طالعة عسى ماشر عسى ماصدم عيالهم
ابوي : لا الحمدلله سليمه بس وينه اخوتس اوريه الشغل
الجو ما كأنه سوت شي )
الحلوه : لا يبه خلاص خله بوجهي حرام تعرف مراهق ماينشره عليه
وبعدين تعرف هذا العمر يبه اذا هاوشته ولا قلت له شي يمكن يسوي شي اكبر سامحه المره
( وجه يقول احسن اخوي يقعد به عشان المره الثانية يطلع يمشينا )
ابوي : يروح ويهدا ويجيب الونش عشان يسحبون السيارة
الحلوه: الحمدلله انه وصلت عند كيذا ولا صار لي شي ولو اني صادمه لاسمح الله وصار لي زي هالبنت



<<<<< علي صور بعد
وش تصير نهايتي تهي تهي تهي
ولا تعطلت بي السيارة يايويلي وشلون مافكرت قبل ماسرق السيارة
الحمدلله اننا مانسوق خلاص مابي اسوق ولا ابي اتمشى ياحبيل البيت واروح اكمل نومتي
مايستفاد من القصة :
1 ـ ياويلكن يابنات اذا فكرتوا بالسواقه
2- ليش العيال مايحبون الا انفسهم ولا يمشون خواتهم ترى تكون خاتمتهم سيئة <<<
3- اذا ماحصللتس روحة ترى يمدحون النوم :

يرجى تضليل الصور
تعديل الاداره على الصوره الثانيه

 

 

[حلوة اللمى]

صدقيني يالحلوه لو انك قايله دعاء ركوب الدابه ما كان دبيتي جدار الجيران خخخخخخخ

 

 

[حنان الكون]

هههههههههههههههههههههه

مشكوره ع المرور يا حلوة اللمى
ولا يهمك راح نقوله المره الجايه
هههههههههههههههه

 

 

[ام عزوزي]

خخخخخخخخخخخخخخخخخخخخخ
هذا جزاء اللقافه

مشكوره قلبو

 

 

[أريج الورد]

الله يعطيك العافيه على الموضوع بس على فكره وش راى البنات في فكرة السواقه
مأيدينها ولا ضدها

 

 

[حنان الكون]

انا ضدها تماااااااااااااماااااااااااااااااااا
ناااااقصنا حوادث حنى
ههه
ومشكوره ع المرور كلكم
تحياتي