حبيبتي حاولي تعلمينه الحاجات الحلوه وترى سنتين موكفايه الوحده تفهم ارجال وتعرف كيف تتعامل معاه وش الطريقه الى تأثرفيه ترى كل إنسان وله مفتاح ومع اصبر راح إنشاء الله تلاقيه
انا ماراح اقدم لك اي نصيحه لأن اللي فهمته من قصتك ومبين من بين سطورها انك انتي عارفه الحل
لكن خايفه تقدمين عليه
انا بنصحك تدعين لنفسك ان ربي يلهمك الصبر على هالحال اللي بليتي نفسك فيه لأنك الظاهر انتي تبغين تصبرين على حالك
وانتي تبغين تقنعين امك بالطلاق او حتي اي فرد من اهلك استغرب كيف شايفينك على هذا الحال وساكتين
اختي كل اللي قلتيه كوم وترك الصلاة كوم ثاني كل الامور اللي ذكرتيها تعتبر توافه عند ترك الصلاة مع الاسف ربي يعينه على نفسه وين الرزق اللي ينتظره يدخل بيته
اختي الحل في يدك وربي يسهلك ويعينك على مابلاك ويرحم حالك والقرار اللي راح تتوصلين له اقدمي عليه فوراً بلا تردد
اختي انصحك بصلاة الليل عن تجربه راح تنور لك امور كثيره وادعي لزوجك لاتبخلين بالدعاء له وليس عليه حتى لو انفصلتي عنه لأنه حتى اذا انفصلتي هو اب بنتك
والدعاء عامه لسائر المسلمين
اخيراً اقو لك ربي ييسر امرك ويكتب لك الخير ويدلك عليه
صدقني راح تطلقي الان والا بعد سنوات وانجاب اكثر من بنت
فافضل تطلقي اللحين بما انه بنت وحده بس افضل من اولاد
وراح يكنون اولادك اذا جلستي معه منحرفين لان ابوهم قدوتهم
وبتكون لك مشاكل لاحصر لها
فاسلم لك وانقاذ نفسك الطلاق
سنتين على مااعتقد كفايه من العذاب والذل
حرام تضيعي شبابك مع واحد مايستاهلك الحقي على عمرك وتطلقي وان شاء الله ربي بيعوضك
الله ماحط الطلاق الا رحمه منه واخر حل
انا عرفت ناس حياتهم بدات بمشاكل وفي الاخير تطلقوا لكن بعد انجاب اولاد
وكانوا عايشيين على امل التعديل لكن نهايتهم الطلاق
اختي مافيه اي وحده تتمنى الطلاق الا اذا اضطرت
واني تقولي مافيه اي صفه حلوه ليه تعيشي وش اللي حادك عليه
امك اقنعيها وقولي لها كل مشاكلك ودخلي اخوانك بالموضوع ماراح يسكتون اكيد
والناس لايهمونك ماراح احد بينقذك اذا ظعتي انتي واولادك
ولااحد حاس باللي انتي عايشه فيه
خليك صارمه ومصممه على الطلاق <<<<<اذا انتي طبعا اقتنعتي فيه واستخرتي ربك ووجدتي انه الحل المناسب لانه مهما كن مااحد عايش معك وعارف المشكله مثلك
وان شاء الله ربي بيعوضك
اختي انا استشرت لك زوجي وان شاء الله ان رايه حكيم وانا شخصيا دايم استشيره ويكون رايه مناسب
وقالي نفس الراي اللي قلت لك اياه
وقالي لاتضيع عمرها وشبابها واحد كافر لايصلي ولايخاف من ربه
اصلا كيف يخاف عليها وعلى واولادها وكيف بيكون قدوه
وقالي من شكل الكلام اللي ذكرتيه ان يشرب
فانتبهي اختي على نفسك وعلى بنتك
وان شاء الله المحكمه تطلقك منه وتاخذي بنتك معاك
والله يعوضك بالرجل الصالح وبنتك ان شاء الله
واكرر واقول
استخيري قبل ماتعزمي
واخذي القرار المناسب
مااحد يقدر يقرر مثلك لانك انتي اللي عايشه معه وانتي ادرى بالظروف
هذا مجرد راي ومشوره ونصيحه نابعه من القلب لااكثر ولا اقل
والامر يعود لكي هذا حياتك وانتي ادرى
واتمنى لك التوفيق
ولاتنسي تطمنينا عليكي
التوقيع
احلى مفاجأة من أعز انسانه..
ربي يسلم هالايدين يامبدعتنا الاسطوره...ورزقك الله بالذريه الصالحه
ماهو الدعاء اللي ادعيه لأني ماأدري اول كنت ادعيله بالهدايه الحين ادعي عليه بالموت
اختي مهما كان لا تدعي عليه لان الدعوة ترجع لصاحبها
وخذي هذا الدعاء
بسم الله الرحمن الرحيم
دعاء الهم والحزن....فرج الله كربكم
إذ ا مررت بضيق نتيجة مشكلة او كرب فعليك قراءة السبع ايات المنجيات وانت
على يقين بان الفرج لا يأتى ا لا من عند الله سبحانه وتعالى
السـبع ايــات المنـجيــات
بسم الله الرحمن الرحيم
" قل لن يصيبنا الا ما كتب الله لنا هو مولنا وعلى الله فليتوكل المؤمنون "
بسم الله الرحمن الرحيم
" وان يمسسك الله بضرفلا كاشف له الا هو وان يردك بخير فلا راد لفضله يصيب به
من يشاء من عباده وهو الغفور الرحيم " ـ
بسم لله الرحمن الرحيم
" وما من دابة فى الارض الا على الله رزقها ويعلم مستقرها ومستودعها كل فى كتب
مبين " ـ
بسم الله الرحمن الرحيم
"انى توكلت على الله ربى وربكم ما من دابة الا هو اخذ بناصيتها ان ربى على صراط
مستقيم " ـ
بسم الله الرحمن الرحيم
" وكأين من دابة لا تحمل رزقها الله يرزقها واياكم وهو السميع العليم "
بسم الله الرحمن الرحيم
" ما يفتح الله للناس من رحمة فلا ممسك لها وما يمسك فلا مرسل له من بعده وهو
العزيز الحكيم " ـ
بسم الله الرحمن الرحيم
" ولئن سألتهم من خلق السموات والارض ليقولن الله قل افرأيتم ما تدعون من دون
الله ان ارادانى الله بضرهل هن كشفت ضره او ارادنى برحمة هل هن ممسكت رحمته قل
حسبى الله عليه يتوكل المتوكلون ".
التوقيع
اللهم اتنا في الدنيا حسنه وفي الاخر حسه وقنا عذاب النار
انت الغلاوالزين والورد بغصونه
يمحي سواد الليل نورك ياعطوفه
الله يكون بعونك ويصبرك ويلهمك الصواب ...................
وراح اقولك ان الازواج يمرون بمراحل في حياتهم
وانت لسا في بداية مشوارك معااااااااااااااه ............يعني سنتين يادوب قدرتو تفهموا بعض
لا تخلين الهواجس والافكار السيئه .......تخرب عليك حياتك
انا من رايي ..........انك تجربي تتركيه ...........شهر شهرين ............تروحين بيت اهلك
وشوفي ايش الي حيصير
كذا تقدرين تفكرين .........صحيح وانت بعيده عنه
وراح تعرفي ............هل هو متمسك فيك ..............وتعطيه المجال ..انه يراجع نفسه ...........ويفكر بالي حيصير مستقبلا
والله يوفقك ويقدم لك الي فيه الخير
التوقيع
كلج شموخ وكبرياء ومهابه =يوقف الكون إن هب طاريج
بنت القصيم مالها أي مشابه =قلب(ن) حنون و بالزين نطريج
الغلا وإن زاد ما ينعرف حسابه =والقلب مع رغم اوجاعه يحتويج
يابخت هالوطن ان دستي اترابه =يابخت كل هل السعودية فيج
مشكورات ياأخواتي على ردودكم حسيت ان فيه احد واقف بجانبي وكلامكم ريحني ويساعدني في أتخاذ قراري
أريج الورد:
احيانا" يكون فيه ناس عاصين أو بمعنى مايصلون لكن لما تجلسين معاهم تتأملين فيهم خير وتحسين فيهم بذرة خير لكن زوجي لما اتحاور معاه يتهرب وأي حرام قدامه مايفكر فيه علطول يتحمس و يقبل عليه عشا كذا انا صرت ماأعمله اي احترام ومادام اني صار بالنسبه لي ولا شي متحمسه بالطلاق لكن الله يعين خايفه من اللي بصير وش أنا مقبله عليه بس دعواتك ان الله ينصرني وراح اصلي صلاة الليل والصيام والدعاء والله بيكون معي
ريم:
صادقه انا متحمسه لطلاق ولو أن امي تساعدني كان انحلت المشكله لكن امي من سألها عني تقولهم اني مستانسه عشان كذا يوم قلت لها ابغى اتطلق عصبت وهاوشت وقالت خليك تطري هالشي
صادقه انا لو أنه يصلي والله كان صبرت على اسلوبه لكن القهر اني ماني لاقيه شي لا كذا ولاكذاوراح اصلي صلاة الليل والصيام والدعاء
ام عزوزي:
كل كلمه قلتيها مقنعه والله وانشاء الله اني استخير ويارب انه يساعدني اما أنه يشرب لا مايشرب لأن لو يشرب كان أهلي طربقو الدنيا على راسه دعواتك
الحب اس عاطفه:
الله يجزاك خير على هالدعاء والله اني فرحت يوم شفته دعواتك
معلمه مبتدئه:
شاكره لك مرورك دعواتك
شوق القصيم:
سويت اللي قلتي عليه
اللي صار انه دق علي وهو منهار يترجاني انه بتعدل وانه بصلي وأنه وده وكلام كثير والصراحه رجعت انا ماأبغى بس من ضغوطات اهلي وقعد اسبوع يصلي فرض باليوم وعشاني بعد لأنه كلما صلى جاني يقول ها خلاص صليت يعني السالفه رياء في رياء ولمدة اسبوع فقط دعواتك
هذه الرسالة تفيد بأنك غير مشتركه أو لم تسجلي دخولك بعد. للاشتراك الرجاء اضغطي هنــا 
.gif)
