بالله عليكم ان كل وحده تقرأ موضوعي وترد علي(قصتي مع زوجي)

[المرجان]

مشكوره حبيبتي طيور الأمل اسمك حلو ويوحي بالأمل والصراحه كلامك دخل مزاجي وحسيت انه ممكن وخصوصا" انك تقولين انك مجربتهانشاالله اذا حسيت انه بدأيلين بسوي معاه هالطريقه
الحين اهلي الاحظهم مايعطوه وجه كلهم ماخذين منهم موقف
بس تصدقين احس انها ممكن تضبط بس ماهي على زوجي بالنسبه للفلوس ممكن اذا رجعت له يقعد يطلبها مني بعدين وخصوصا"انه ماهو مقتدر
بس عالعموم اذا ممكن اني اسويها بسويها وبعتبرها المحاوله الاخيره


مشكوره البنت الحلوه على ردك ويكفيني مرورك

[موزة]

عزيزتي ارجو من الله عز وجل ان يخلصك من همومك ويرزقك الفرج العاجل واريد ان اقول لك بصراحة وكلمة لوجه الله ان تتأني وتحاولي ان تجلسي مع نفسك وتعيدي حساباتك صدقيني لا احد يستطيع ان يحل مشكلتك سوى انت نفسك واريد ان اقول لك انني شعرت من كلامك انك مقتنعة بحل الطلاق و لكننك مترددة بعض الشي وانا معك نظرا لكل ما تعانين منه وبرأي ان الطلاق ليس سهلا بل تشعر المرأة بعده بمشاعر اصعب بكثير مما تمرين به الان نصيحتي لك حاولي مع زوجك باللين واكثري من الدعاء واستخيري الله عز وجل كثيرا وقد استخرت من قبل بل ربما يجعلك الله سببا في هدايته واريد ان اسألك هل يعقل انه لا يوجد في زوجك خصلة حميدة واحدة واعلمي اختي ان السنوات الاولى من الزواج صعبة على كليكما وكل سنة تمر تقرب بينكم اكثر ارجوكي ان تفكري أكثر و الجئي الى الله عز وجل وحده وانا اعرف الكثير من الازواج مثل زوجك ولكن بفضل الله وكرمه صارو يصلون ويقومون الليل وبالتالي انعكس على حياتهم كليا
عزيزتي لا يسعني الا ان اقول فرج الله كربك و سدد خطاك

[شموووخ]

اوصــــــــــــيــــــــــــكــ


با الـــــــــــــــــــــــــدعـــــــــــــــــــــ ـــــــاء

[منال]

قلبي معاك اختي


عليك بالدعاء واحتساب الأجر


والاستغفار



وان شاء الله يجعل لك من ضيق مخرج ويعوضك خيرا ويصلح لك زوجك وابنتك



ارجوك اختي خلينا معاك في مشكلتك

[المرجان]

مشكور موزه وشموخ ومنال والله هالأيام مستمره بالأستغفار والدعاء والأستخاره وصادقه اختي موزه انا عارفه والله انا الطلاق صعب وأصعب مما انا علي الآن ولكن قلبي اصبح يكره وجلست امس بيني وبين نفسي وقلت لو تطلقت وش ممكن يصير ولو استمريت ماأنا عليه راح اموت اعتقد قبل يومي عاد وصلتني اخبار البارحه من اهله انه كلمهم وطلب منهم انهم يدخلون في الموضوع ويطلبون مني اني ارجع المهم كلمني عمي ابوزوجي وصار الحوار اللي بينا وبعدها كلمتني عمتي ودار ايضا" حوار وقالو لي نبغاك تفكرين قبل اتخاذك اي قرار وحنا نعز عليك وحتى هو طلب منا ان حنا نرجعك وارجعي وعطيه فرصه اخيره جربيه فيها وجربي تعامليه بالطريقه كذا كذا وكذا عاد قلت لهم ليش ماتروحون بدل ماتقولون لي هالكلام اطلبو انه يغير من نفسه وخلوه يجلس مع نفسه يمكن تفكيره الطويل يعدل من اخلاقه وطبعه
قلت لهم الوقت معاه وانا ماراح افكر اعطيه فرصه اخيره الا إذا سألت عنه بعد فترة ومدحوه الناس لي وواضب على الصلاه في المسجد عاد قلتلهم اذا كان هو صادق في رغبته لي بالرجعه يحاول يشوف وشو الأشياء الغلط اللي قاعده تهدم حياتنا ويحاول يغيرها ويعدل من نفسه الفرصه قدامه وياخذ وقته وهو حر والوقت معاه
كلمتني اخته اليوم الثاني حسستها اني ماأفكر بالرجعه وقالت خوذي وقتك من التفكير ولاتتسرعي المهم قلت اذا تبغوني افكر خلاص عطوني فرصه واعطيكم قراري
بس تدرون افكر اني اخليهم يقتنعون اني ماني راجعه وبقولهم بعد فتره طويله من التفكير اني معاد ابيه واني ابي كلمتي عشان يمكن يحس ان الموضوع جدي شوي ويبدأيتحرك

هذي اخر الاخبار تدرون احس ان سالفتي بتنقلب مسلسل ههههههههه الله يجزى الجنه كل من اهتمت بقصتي ومعاناتي واذا فيه اخبار جديده راح اوافيكم بالأخبار اول بأل ولاتنسوني الدعاء بظهر الغيب
صدقوني اتمنى ان تكون هدايته على يدي لاني فعلا"لو يهتدي راح احس اني امتلكت الدنيا ومافيها



اللهم اني اسألك الجنه لي ولكم آآآآآآآآآآآآآآآآآآآآآآآآآآآآآمين

[ام عزوزي]

امين يارب

قلوبنا معاك اختي المرجان

والله يكتب لك اللي فيه الخير والصالح

لاتنسين طنينا عليك ياقلبي

[المرجان]

مشكوره اختي ام عزوزي
انا الى الحي عند اهلي ويجي هو احيانا" يشوف بنته اخته الثانيه دقت علي امس وقالت اني اخذ وقتي من التفكير
وانهم ناوين انهم يقولوله كلما اتصل انهم يحاولون وبخلوه اسبوعين وبعدين بقولوله انهم عجزو يقنعوني اني ارجع واني ابغى الطلاق
والظاهر اخته مقصدها انهم يخلوه يحس ان الموضوع جدي شوي وماهو مزح عشان لا يتهاون ويهتم انه يفكر بعمق اكثر
اخته تقولي انه قالها انا حاس لو اسوي لها ماأسويه ماراح تنسى لأنها قالتلي انها مجروحه مني واحس انها صارت تكرهني ولو رجعت حاس انها ماراح تكون سعيده معاي لو مهما سويت وقالتلي اخته حاولي تسي قلت انسى اذا صار انسان ثاني وعوضني عن كل اللي صار الله يستر ماأدري وش ممكن يصير بعدين

وش رايكم بهالكلام انا أحس انه صادق لو يصير مايصي ماأعتقد قلبي راح يسامحه
الله يوفقكم يابنات ادعولي ان الله يكتب لي اللي فيه خير لي

[الحبيبه]

صباح الخير ياختي المرجان لازم يكون بينك وبينه حوار هادئ تتفاهمون على كل شئ واذا مافاد دخلي اهلك بالموضوع واذا مافاد اطلبي الطلاق لانك راح تعيشين طول عمرك في جحيم معاه وقبل هذا كله الجئ الى الله بكثره الدعاء انالله يهديه ويسخره لك ولبنتك والله يعينك ويوفقك يارب ويسعدك دنيا واخره

[نووفه]

السلام عليكم ورحمة الله وبركاتة اختي الغاليه في الله بكتبللك كلمتين وابيك تفهمينها لا يمكن في هذا الكون الوسيع انك تنزلين الهدايه لاي انسان في هذا الوجود الا بعد الله سبحانه وتعالى وانصحك انك تذكري زوجك بعذاب القبر عن تارك الصلاة وعذابه في الدنيا والاخره وابي منك تتحلين با الصبر وصدقيني كل مشكله لها حل وانشاء الله يفرجها لك ولغيرك وابيك اذا قريتي الرساله تدعين لا اعز انسانه اختي ترجع لزوجها وعيالها واتمنى لكي من كل قلبي التوفيق بينك وبين زوجك والسلام عليكم ورحمة الله وبركاته اختك في الله نوف

[نووفه]

السلام عليكم ورحمة الله وبركاتة اختي الغاليه في الله بكتبللك كلمتين وابيك تفهمينها لا يمكن في هذا الكون الوسيع انك تنزلين الهدايه لاي انسان في هذا الوجود الا بعد الله سبحانه وتعالى وانصحك انك تذكري زوجك بعذاب القبر عن تارك الصلاة وعذابه في الدنيا والاخره وابي منك تتحلين با الصبر وصدقيني كل مشكله لها حل وانشاء الله يفرجها لك ولغيرك وابيك اذا قريتي الرساله تدعين لا اعز انسانه اختي ترجع لزوجها وعيالها واتمنى لكي من كل قلبي التوفيق بينك وبين زوجك والسلام عليكم ورحمة الله وبركاته اختك في الله نوف