بالله عليكم ان كل وحده تقرأ موضوعي وترد علي(قصتي مع زوجي)

[المرجان]

السلام عليكم
لم اكتب موضوعي ومأسآتي إلى بعد تفكير طويل حيث اني ابكي دائما" محتاره ماذا أفعل
لاأعرف كيف أتخذ قراري فأنا مابين نارين:اهلي والمجتمع وأبنتي ومابين ديني
فأشعرو بتأنيب الضمير كل يوم
أأسف على الأطاله سأدخل في الموضوع لعل الله يرسل لي
من تدلني على الصواب, قصتي:
خطبني شاب لأعرف عنه الكثير فسألت أخته عنه وأمنتها ان تقول لي الصدق عن صلاته
فمدحت لي أخلاقه وتتكلم بكل ثقه فقلت مابين نفسي ايعقل ان تخطبني اخته له وهو غير محافظ
على صلاته وتعلم اني ملتزمه المهم فقلت مالي إلى ربي ففرشت سجادتي وصليت الأستخاره
خمس مرات في اليوم ولمدةخمس أيام وسبحان الله ارتحت نفسيا"لهٌ,فتم عقد القران فقط
بعد كذا بدأت مراقبة صلاته في المسجد لأنه كان يصلي في المسجد الذي امام منزلنا فأجده محافظ
عليهالمدة 6 أشهر ,(اما بالنسبه للحاله الماديه فوالدي تاجر وانا خريجة جامعه وبالنسبه له هو الحاله الماديه له
مدرس وراتبه 5000 شهريا"قبل زواجي وبعد زواجي اصبح 6500ريال أما والده فهو متوسط الماديه)
ذكرت لكم هالمعلومه لأنها مهه في قصتي
فماذا حدث بعد ذلك تم الزواج وبعد مرور شهر على زواجي
حصل مالا يحمد عقباه وحدث مالم يكن في الحسبان اكتشفت انه اكبر مجرم ومخادع في هذا الكون
راح تسألوني أشلون بقلكم,
اكتشفت ان زوجي:1_لا يـــــــــــــــصـــــــــــــلـــــــــــــــــــ ـي
2_يــــــــــــــــــــــدخـــــــــــــــــــــــ ـــــــن
3_يــــــــــــــــــشـــــــــــــــيــــــــــــ ــــــش
4_مــــد مــــــن افـــــــلام ابــــــــاحـــــــيـــه
5_مـــــــــــــــــنــــــــــــــــا فــــــــــــــــــــق
مارأيكم كان كل هالمد ة يخدعني انقهرت حسيت أني غبيه جلست افكر ماكنت اتخيل اني
بطيح على شخص مايخاف الله أول زواجي كان يتحايل علي انه يصلي كيف :مرات يطلع الشارع
كأنه
بيصلي ويروح يدخن برى ولما تخلص الصلاه يدخل البيت وأحيانا"يسكر على نفسه الغرفه وقالي
بصلي ويوم سكر الباب طالعت من تحت الباب لقيته جالس يطالع التلفاز وبعدما انتهت المده
قام وفرش السجاده وفتح الباب انصدمت فيه والحين تخيلو وش يقووووووول
مره كنت اكلمه وصار موضوع وقلت ادعي ربك قال لا ادعيه انتي قلت الموضوع يخصك
المفروض انت تدعي قال بس انتي مسلمه والله يوم قال هالكلمه صعقت قلت يعني انت معترف ان اللي مايصلي كافر
وسكت ماعلق وطلع(على فكره احنا صار لنا هذي السنه الثانيه وانجبت بنت قلت يمكن الأولاد يغيرون حياتنا ويخلوه يلتزم)
والحين تخيلو قبل يومين قلت له انه مايجوز ان حنا نستمر مع بعض وأنت ماتصلي قلت انت تدخل في حكم الكافر قال لا أنا ماني كافر
انا مادام اني اقول اشهد ان لا إله إلى الله وأن محمد رسول الله فأنا مسلم فقلت تبغى تدخل الجنه وتعامل مثل اللي يحافظ على صلاته
قال لا يعذب شوي وبعدين يدخل الجنه احس انه مبسط الأمر ولاهو خايف من القبر وعذابه ومعتقد ان الموت مايجي الا على كبر
فهمته وجبت له اشرطه دينيه وحطيتها بالسياره لعل وعسى يسمعها اجي بعد فتره وألقاه راميها تخيلو ودايما" يضاهر لناس بالألتزام
يسوي انه راعي صلاه ويتكلم عن فوائد وأهمية الصلاه
غير انه ماعنده ثقه بنفسه حيث انه اذا صادف وجلس مع اناس ملتزمين يضهرلهم انه ملتزم مثلهم
واذا جالس أناس اهل الصياعه فإنه يتطبع طبعهم يعني ماله شخصيه تصرفاته جدا" طفوليه وأهله من النوع لم
يعلموه طبع الرجاجيل وما يعلمه ابوه الأحتكاك بالرجال وتخيلو انه اذا جاه ضيف مايعرف كيف يتصرف ويروح يدق على امه
ويسألها وش اسويله وامه تعامله كأنه طفل عمرها ماقالت له عيب ولاتعلمه الواجب والأصول
وتخيلو أنه اي حوار يصيربينا او اي مشكله بينا او زعل يدق على امه ويتشكالها مني وقدامي بعد لدرجة انه يحرجني مع اهله اكثر من مره
وتخيلو أنه ماله صديق ماعمري شفت له خوي وبيني بينكم صداقته ممله لأنه مايعرف يتصرف في امور كثيره
ولايحب يزور احد ولايكلم احد ولايحب اني اعزم احد يتضايق حتى لو زارنا احد من اهله او اهلي وأحيانا"يحرجني اذا كان احد جالس معنا يسولف بأشياء المفروض
مايتكلم عنها ويحرجني مرات قدام اخواني يعني انه ماعمره تكلم بشي مفيد وفيه صفة الكسل يعني مثلا" يقعد من اهله سنه مايشوفهم واقله خلنا ناخذ اجازه اضطراريه
ونسافر لهم نشوفهم يقول مشووووار
ويوم قررت اني اكمل دراستي بالرياض وكنت بسافر قلت له بقعد منك سنه ماأشوفك قال عادي اذا جت الأجازه وأنا مار بروح عند اهلي بمرك انصدمت قلت يعني بتقعد سنه مني واذا انت مار بس
سبحان الله عمري ماشفته يفكر بأحد بس انا الاحظ كل ما مر شهر من زواجي كلما تعلق فيني اكثر اذا رحت عند اهلي وحس اني ماني راجعه يقعد يزعجني بالأتصالات لكن لو اروح وأسافر عنه مستحيل يفكر يزورني
بس راح يكتفي بالأتصالات
تخيلو مره كان هو وأهله مسافريين ودريت انهم مارين علي لأني كنت عند اهلي واهله ساكنين
في غير المنطقه اللي ساكنين أنا وياه بحكم وظيفته تخيلو قلت رح جب لهم غدى من برى ونعزم
اهلي قالي لا , أمي قالت لي مو لازم مادام انك جاي معنا من السفر وقعدو يومين تخيلو ماجاب لهم ولاشي تدرون كيف كنا نتغدى أهلي كان يرسلون
لنا الغدى وفطاير وحلى وأرسلت امي ترامس قهوه وشاهي حتى قلت له الغاز مخلص بدله قال مو لازم
انصدمت فيه توقعت انه بستحي على دمه يوم اهلي يرسلون الأكل والله مافرقت معاه ولاهمه لا وكان فرحان ان اهلي موفرين
عليه تخيلو اني يوم تزوجته ماكان يصرف علي نهائيا"قعدت معاه سنتين يمكن ماجاب لي الا لبسين كلما قلت له بشتري حاجه
يقول ماعندي شي لكن لاجت على الدخان والشيشه تطلع الفلوس تخيلو بس اهلي اللي كل شوي يعطوني وعايشه من خيرهم
ويوم كنت حامل 6شهور ماعمري طلبت لبس قلت عشاني حامل ويوم كبر بطني طلبت منه يشتري لي لبس حمل لأن بطني كبر صعب وقال ماعندي
تخيلو مدرس وماهو من النوع اللي يعزم ولاعندنا صرفيه واجد لأنه بس يأكلني غير كذا مايرضى يعطيني الا لما تصير مشكله أكون كرهت الحاجه
لأنه صار يعرف ان كل مره يرفض يعطيني أن اهلي بعطوني ومره طلبت منه 15ريال تخيلو تضايق قال ليش ماتدورين لك شغله بدل قعدتك بالبيت عاطله قلت سبحان الله
يبخل علي وكريم على نفسه ودخل مره علي وأنا اتصفح كتاب طبخ وقال حمدلله خريجة كليه وصارت الحين طباخه وصار يحاول يتعبني بالشغل عشان اتحمس للوظيفه
ومره دخل علي وانا انظف جلس يضحك قال شغاله كل هذا عشاني ليش ماتوظفت والله اني كرهت شي اسمه شغل حسيت انه اهاني قلت احمد ربك اناس يتمنون يتزوجون بس عشان يفتحون بيت ويلقون زوجه تخدمهم
ونت تقولي شغاله المهم لاحظت انه اذا جت الأجازات يسافر لأهله ولاياخذني عشان مايتحمل مصاريفي صدقوني اني ماعلمت اهلي بأي حاجه لكن هو اي نقاش يدور بينا يدق على امه ويقو ل لأمه قدامي تخيلي يمه زوجتي تقول كذا وكذا
ومره قال لي اجل خلي ابوك يفتح لك مشروع قلت ومين اللي بديره قال انا ,قلت له بوجهه صدق انك طماع ولاعندك ذرت كرامه
ومره قلت له انت يوم تزوجتني اخذتني بعد تخرجي علطول وعارف اني ماني موظفه وعارف ان الوظايف صعبه هالأيام وخصوصا"اني اتخرجت هالسنه والله يابنات انه عاملني معامله قاسيه مارحم فيها انسانيتي ومشاعري حسيت انه
متزوجني سلعه يرتزق مني المال،وسبحان اله شاءت قدرة الله انه ينجيني من ذله ولله الحمد تم تعيني بوظيفه بمدرسه حكوميه
وبدأ يهددني اني اعطيه راتبي قلت شوف ربي معي ولاني بحاجتك وأنت عارف اهلي مين واني لو اقولهم عن سواليفك كان ينهوك من الوجود وهو يخاف من اهلي لأنهم ناس لهم واسطات وقلت له بس عشان ابرد حرتي من ذل سنتين
وقلت له انا بطلع من حياتك وتركته شهرين ولا أكلمه وبعدين تأسف وقال انه ندمان رجعت له وقلبي ماقدر يسامحه لأنه انجرح وكلما شافني اسوي تجهيزات المدرسه قال ماتقومين بحقوقي ومهملتني قلت ماهي هذي الوظيفه اللي تبغاها اتحمل ماجاك وإذا قالي سوي لي شي قلت ماني شغاله عندك قال خلاص احنا فتحنا صفحه جديده
قلت انا مجروحه منك وجرحي مايبرى لوطال الزمن لأنه لو اني ماتوظفت كانه إلى الآن ذالني بس انه حس اني ماني محتاجته
وحاس اني ممكن استغنى عنه في اي وقت والله اني كلما شفت شي يعجبني وانوي اشتريه له اقول لا والله مايستاهل اعطيه ريال على اللي سواه حتى انه يوم كان يجي من دوامه كنت اجهز الغدى والبس واتكشخ واستقبله وكان يطنشني
ويسوي انه مايهمه هاشي واذا حطيت عطور يقعد يتأفف من الرائحه مع اني متأكده من انه يحب ريحة هذا العطر
وكان دايما"يمد ايده علي بمجرد اتناقش معاه بأي موضوع وإذا ماعرف يدفع عن نفسه يضربني عاد هذي علمت اهلي عليه وهزأوه وتاب انه يعودها
الحين انتم سمعتو قصتي وابغى مشورتكم هل اطلب الطلاق مع اني خايفه من نظرت المجتمع لي كامطلقه وبنتي وش راح يكون مصيرها لأني مابغاها تتربى عند أبا" لايدرك الصح من الغلط ولايصلي ولاعنده ضمير
كيف سيربيها اخاف انها تهمل أنا خلاص قررت اني ماأحمل الين مايتعدل مع اني اشك انه يتعدل فحرام يضيع شبابي مع واحد ماأحبه ولاحتى افكر اجيب اطفال منه
عطوني رايكم بصراحه وهل هناك شخص مثل صفات زوجي وقد التزم لأني اشك انه يلتزم لأنه مستهتر بالقبر
حتى انه دايم يحب يعلق على الأشكال ويحكم على الواحد بشكله وليس بأخلاقه ,اقولها بصراحه اصبحت اكرهه كره العمى ولاأحب أن ارى وجهه وادعي عليه بالموت ليلا"ونهارا"
ماذا علي ان افعل اذا رايكم بأني لاأتطلق ,وكيف للأنسان ان يعيش مع شخص اصبح يكره ,يهددني اني اذا تطلقت انه سيحرمني من ابنتي وانه لن يطلقني بل سيجعلني معلقه
ارجو كم لاتطنشوني اريد الحل الله يجزاكم الجنه ماهو الدعاء اللي ادعيه لأني ماأدري اول كنت ادعيله بالهدايه الحين ادعي عليه بالموت
شاكره لكل من قرأ قصتي ياليت تردون علي يمكن تخففون علي

 

 

[ام عزوزي]

اختي هدي بالك والله يصلح بينك وبين زوجك

ولا تدعي عليه مهما كان زوجك وابو بنتك وخلي قلبك كبير ولا تكرهيه

وادعي له بالهدايه

انصحك اختي تدخلي طرف حكيم من اهلك او اهله

بان يصلح بينكم

واشرطي عليه انك ماترجعي له الا لما يلتزم بالصلاة اهم شئ
لانه مايجوز تعيشي مع واحد مايصلي وتقدر المحكمة تفصلك منه اذا ثبت ذلك

وحاولي تتوصلي على حلول من كل الجهات عل الله ان يصلحه ويهديه ويعود لرشده

مثلا علقي اشياء دينيه على الجدران ليقراها
ولاتعانديه ولا تحاولي طلعي عيوبه لان بطبيعة الرجال مايحب زوجته تعانده
فيمكن يعاملك كذا بس عناد فيك
فحاولي تاخذيه باللين

واخر شئ اذا مانفعت كل الحلول اللي تقدري تعمليها اطلبي الطلاق لانه مايجوز تعيشي مع واحد مايصلي
والا فضل ان تتصلي على شيخ موثوق وتطلبي نصيحته ومشورته

ان شاء الله افدتك بما استطيع
والله يهدي زوجك ويوفقكم لما يحب ويرضى ويسخره لك ويسخرك له ويخليلك بنتك وتشوفيها عروس

نسيت اذكر حاجه
بالنسبه لنظرة المجتمع
ماعليكي لان الناس ماراح يحسون بااللي انتي فيه
وبما الحمد لله لك وظيفتك واهلك كريمين ومعاك على طول خلاص لاتهتمي بالناس
لان ارضاء الناس غاية لاتدرك
وافضل بدل مايكون اولاد على الاقل بنت اهون شويه
وان شاء الله مايحرمك منها بس اتوقع يبي يخوفك
وان شاء الله المحكمه لن تعطيها له لانه لايصلي

واكثري من الاستغفار والدعاء في جوف الليل

وبالتوفيق

 

 

[الغيورة]

ياأختي الغالية **********[COLOR="Purple"]الله يعينك على هذا الرجل الذي مايستهل واحدة مثلك ...........

وبصراحة أغلب شباب هذا الزمان أسوء منه ولكن الحل لايقرره إلاأنت مهما كان [/color]

 

 

[حمرة الورد]

مره كنت اكلمه وصار موضوع وقلت ادعي ربك قال لا ادعيه انتي قلت

الموضوع يخصك

المفروض انت تدعي قال بس انتي مسلمه


أختي المرجان

زوجك بصراحة غريب في طبعه وكلامه

حبيتي سوي مثل ماقالتك أم عزوزي وإن شاء الله ربنا يهديه بس لاتدعي عليه مهما كان هذا زوجك

وادعي بس إن الله يهديه ويصلحه.

والحمد لله رزقتي بوظيفه كويسه..

ولا تنسي الإستخارة دائما إستخيري بصلاتك قبل كل شي.

 

 

[المرجان]

والله اكثر من مره اروح عند اهلي وأقول ماني راجعه الين يصلي لكن يوعدني انه يصلي ويقول خلاص ولكن بمجرد ارجعله يعود وكأن شيء لم يكن اما بالنسبه لأهلي وخصوصا" امي تقول اي شي تبغيه بخلي اخوانك يجيبوه لك اذا مارضي يجيبه لي ويوم قلت لها بطلب الطلاق قالت انها ماراح ترحمني وأني بشمت اولاد عمي علي لأني يوم أخطبوني
رفضتهم وأخذت الغريب
وسألت شيخين وقالو لي المفروض ماتعيشين معاه
وشاكره لكم ردودكم الله يدخلكم الجنه ويفرج كربتكم

 

 

[رياح الشوق]

انا مادام اني اقول اشهد ان لا إله إلى الله وأن محمد رسول الله فأنا مسلم فقلت تبغى تدخل الجنه وتعامل مثل اللي يحافظ على صلاته
قال لا يعذب شوي وبعدين يدخل الجنه

اسفة ما قدرت اكمل القراية

وما اقول الا الله يعينك

الله يصلح بينك وبينه

اختي انا اعرف حريم عندهم مشاكل ويا رياييلهم ومشاكلهم اكثر من مشاكلك

صدقيني لو زوجك اعتدل في صلاتة وصام كل اثنين وخميس وقري القران بقلب خاشع
صدقيني والله بيرتاح وبيبدا يتقرب من ربة اكثر واكثر وهذا يمكن يساعدة على انه يغير معاملة وتصرفاتة

بس المشكلة كيف تخلينة يسوس كل هذا

اختي ممكن استاذنك

اذا قصيت قصتك على واحد من اهلنا عنده خبرة كبيرة بهذي الامور هل يزعلك ؟
لانك انتي الحين ااتمنتينا على سر وعديتينا مثل خواتك بل اكثر ردي على وان شاء الله خير


موفقة والله يصلح بينكم