يوم امي جابت ولد

[حنان الكون]

سلام مربع على كل من دخل وتكرفع

شوفوا في الحقيقه والواقع وان البحر مليان صراصير وقواقع

ما عندي موضوع .. ولا عندي سالفه..

وعلى قولة جدي ماعندك الا الضعوي والذيب اللي يعوي
<<الا على طاري جدي تراه مرقد في المستشفى الله يقومه بالسلامه..

غدا مع بزوغ تاسع يوم في ذي الحجه (( عرفه )) <<ما يمديكم
عندنا بكرا عزيمه الله يهدي أبوي الا يعزم عماني على الفطور وهـ بس
الزبده ماااالي خلق عزايم وطبخ ونفخ وضااايق صدري

وفجأه لقيت اخوي نايم بسلام وامان واجي وانسدح جنبه واشم شعيراته واحبه الا واتنهد ذيك التنهيده اللي تقول يا لبى قلبك والله اني احبك يا ابن اللذينا
واتذكر يوم ولادته قبل 9 شهور ...ايه يا الدنياااا

كان ابوي مسافر ..
وكل البيت نايم ما عدا راس ابليس اللي هم (طبعاً انا واختي)وكنا مسكرين علينا الباب انا قاعده على النت واختي سارقه لاب توب ابوي صدق ما تستحي ومنسدحه على سريرها وتقرا قصه ومتحمسه معها

المهم الا والله نسمع صوت حركه برا الغرفه واجيك انا اوقف اقول لاختي ياالحماره تسمعين اللي انا اسمعه؟ اكيد في بيتنا حرامي

انا عاد يوم قلت هالكلام احسب اختي بتفزع وتقوم وتاخذني بالاحضان وتهدي روعتي ..اصلا ما امداني اكمل كلامي الا ذا المتوزيه تحت الكمفورت وطفت الابجوره اللي فوق دمجتها..

واجيك انا امشي مليون وأولع الابجوره وأجر الكمفورت واقول هذا وانتي اختي وسندي وعضدي في وقت الضيق بس ماعليك شرهه يا عصلا بليس..

واجيك واقفه عند الباب ومعي فرشة الشعر<<يمديكم على السلاح
وافتح المفتاح بشووووويش بدون صوت وبعدين بأقوى ما عندي افتح الباب بزعمي ان الحرامي بيتروع!! خخخخخ

الا والله القى امي في السيب رايحه جايه رايحه جايه وتعضض في شفايفها..

عاد اختكم في الله في هالمواقف يضيع الاسلوب واجيك واحضنها بأقوى ماعندي واقول يمه بتولدين والله بتولدين يقالي ابشرها ههههههه

(وترفسني ذيك الرفسه اللي تمشي مليون وتقول جبتي جديد انتي وخشتك؟؟)

لالا خلونا في الجد

انا على طول دموعي اعلنت هبوطها الاضطراري..واحاول اهدي في أمي..

مااش الحرمه رايحه في خرايطها..
وجهها مصفر ومزرق ومخضر ومحمر <<اشاره..ودموعها تغورق في عيونها..وحاطه حيلها في شفايفها يا حياتي..

وطيران ارسل اختي لاخوي تقومه ..(اخوي مايسوق لساتوو صغنن)


وش السواااااات؟؟؟

الساعه 3 الفجر...

والشااارع فاااضي!!

لا سواااق!! لا لوموزين!!!

تسكرت الدنيا في وجيهنااا..

يعني شلون نولدها في البيت!!!!!!!!!!!!!!!

طيب من بيولدها!!!!!!!!!!!!!!!

واجيك متهوره والبس عباتي واطلع في الشارع مع اخوي ادور أحد منا مناك واختي الخوافه واقفه تطلطل علي ..

قسم بالله كان شكلي شبهه!!!!! كنت انتفض من جوى..بس اقول في نفسي حلا انتي جريئه انتي شجاعه وش جاك الحين يوم جاء الجد خفتي!؟الا والله واتحمس مع نفسي ..

واخوي نفسه في طرف خشمه ويهزئني ادخلي البيت .قلت والله ما ادخل..قال والله لاسدحك في نص الشارع انقلعي جوا لو مر احد وشافك في هالوقت معي وش بيقولون الناس؟..قلت سو اللي تسويه يالبايخ امك بهالحاله وانت اهم ماعليك الناس كل تبن بس والله ما ادخل واذا بتسدحني في الشارع والله لابطحك واجيب تريله تتوطاك <<واصله معها..

المهم ان امي في البيت وتسمع حسّنا نصارخ وتناديني ادخلي وفكي الشر..
قلت والله عشانك بتولدين بأسكت والا كان وريته شغله..

المهم مرت نص ساعه واخوي في الشارع لا حس ولا خبر..

بسسسسسسسسسسسسسسس!!!

مافي حل الا ابو الجيران ابو مدري مين<<باين انك تعرفينه..

الفزعـــــــــــــــــــــــــــه يا ابو مدري مين
الا والله ويقوم ويطلع سيارته وياخذنا للمستشفى

رحت انا وامي واخوي واختي العصلا الخوافه..

في الطريق امي شوي وتطلع من الدريشه من الالم..وتعضض في يدها بقوووه ..واجيك انا من الخوف اللي فيني عليها اقدم لها يدي هديه قلت عليك بها ..عضيها لين يتقطع لحمي ولين يصب دمي بس اهم شي يخف الالم ودموووعي تغورق وصوتي يروح ويجي..


وامي عاد الله يهديها ما صدقت خبر تمسك يدي وتعض بقوه ..كانت يدي مره تعورني بس اصرخ بيني وبين نفسي ..وامي تقول اوجعتك؟قلت لا ابد خذي راحتك لين نوصل..

قلت يمه اذا جيتي تولدين بدخل معك منيب مخليتك لحالك..
قالت انهبلتي يا حلا والله ما تدخلين مابي مرافق معي..
واقعد اتعبر قسم بالله كل جسمي ينتفض مابي اطلع صوت اخاف امي ينشغل بالها معنا..

المهم وصلنا بالسلامه ونجيب الكرسي لامي وتقعد ويدفونها ..

ويجيك واحد سعودي مخالف يقول كيف تولد وما معها ولي امرها!!!
قلنا يعني شلون تولد في الشارع!بعدين ملفها عندكم!

المهم مدري وشلون وافق في النهايه ودخلناها غرفة ماقبل الولاده..
قعدت فيها نص ساعه تقريبا..

يوم جت تطلعها السستر كان لازم نمر من عند السعوديين مخالف..

واجيك انا مدرعمه مع امي متمسكه في عباتها الا يطلع لي مخالف اللي كاب على شماغه قارورة بيبسي ومخليه يابس يقول ممنوع ترقين معها خلاص خليك في الانتظار!!!!!!!!

قلت لا والله !! واخلي امي لحالها!!!مابي يعني مابي بروح معها غصب <<ترى العبره تروح وتجي..

قال قلت لك ممنوع ويقرب لم امي يدفها ويدخلها هي والسستر وانا ركض وراه اجر العربيه قلت ياخي بس انا بروح معها انا بنتها حرام علـــــــــيك..

ويتدخل اخوي الملقوف يقول خلاص اسمعي كلام الرجال
قلت حتى انت ضدي !!!!!!!!!!!!!!!!

ويجي الرجال يحط يده ر لين يضمن ان امي راحت..
قلت انا اعصابك منيب رايحه وامشي واسفه العالم وراي..

وتجي اختي واخوي وراي يلحقوني يهدوني..
وانا اتكلم اقول ليه يمنعني ذا مخالف اني اروح!!امي هذي حرااام عليه!!مايحس هو!!ما يحس بالقهر اللي انا فيه!!!

الا والله واشوفه يناظرني يعني انا اسف ..
واقول في نفسي مخالف والقيه قفاي وامشي للكنبات واقعد اصيييييييييييييح..

جت الساعه 6 وكان بداية الشروق..والصاله الرئيسيه فاضيه الا مني انا واختي واخوي و4 سيكيوريتيه سعوديين وموظف الاستقبال..

اختي العصلا طقة في راسها تطلع برى المستشفى كان مطر خفيف وجو بارد ما يتعوض..
والله وتقوم هي واخوي ويحايلون فيني وانا متمسكه بالكرسي..
طلعوا وخلوني ..

من جد العبرات والدموع اللي كنت حابستها طلعتها من قلب..
وقعدت اصيح ساعه كامله لين جت الساعه 7 جو اخواني وجلسوا معي ..

ياربيييييييييييه .. لا حس ولا خبر.... كل ما سألت الموظف قال توها في غرفة الولاده!!
ياربي لايكون صار لامي شي<<ابليس ذا
واااااااااااااااااااء وامسكها صياااح..

دقيت على خالتي وقلت لها امي بتولد وان احنا في المستشفى لحالنا..وانهبلت!!!!
قالت شوي واجيكم..

يوم جت الساعه 8 جت خالتي واجيك اركض لمها واصييييييييح والعصلا واخوها يضحكون علي<<انواع البرو

((( اخوكم طلع للــدنـــيــــــــــــا ..أمك جابت ولد )))

احلفي يا خالتي؟؟ياربي منيب مصدقه!!
وكالعاده سويت لهم حفله من دموع ..بس هالمره دموع فررررررررررررررح ...

جت العصلا مسويه فيها قالت بعزمكم على فطور بهالمناسبه..
قلت مناسبتك خليها لك يا معدومة المشاعر منيب متحركه من المستشفى..
قالت خالتي لاوالله ما نخليك الناس غفله والمستشفى يروع بتجين يعني بتجين..
وبالغصب رحت معهم ..

المهم وكنا في قسم العائلات عند الكاشير كلهم طلبوا الا انا قاعده وراهم على الكرسي..
جت خالتي قالت وش تبين؟
عاد انا كنت فاتحه نقابي جيت بقولها مابي شي شبعانه ماقدرت اتكلم!!وتقعد دموعي تغورق وتجي اختي تجر الطرحه تقول تغطي فشلتينا حتى هنا تصيحين؟ماصارت دموع ذي؟؟!!

يوم قالت اختي كذا احسها جرحتني واصيييييح بقوه واشاهق وتمسكني خالتي عند الله وخلقه وتحضني خلاص اسكتي امك طيبه وجابت سعود والحمد لله كلهم بخير..واهدى شوي..

المهم يوم خلصنا فطور دقينا على المستشفى قالوا نايمه الحين ممنوعه الزياره عنها..قالت خالتي خلاص نروح بيتنا (بيت خوالي)
يوم وصلنا تطقها اختي نومه هي واخوي بعد..

وانا مرتزه في الصاله عند الدفايه..جابت لي جدتي كمفورت يابنت الحلال نامي امك منتب رايحه لها الا الظهر..-نو وي- نوم منيب نايمه..

يوم جاء الظهر قالوا تغدوا وعقب العصر نروح لها ..واصول انا والله ما اتغدى ولا انام ابي امي يعني امي..
طبعا العالم سفهوني وتغدوا وشبعوا وانا ميته نوم وجوووع من امس ماكلت شي..حتى الفطور اللي جابوه لي الصبح عطيته اخوي..بس قهوه شربت عشان تصحصحني..


العصر رحنا لم امي وادخل انا رككككككككض واحضنها ذيك الحضنه وتغورق عيوني..
وتجي اختي الصغيره من وراي وتحضنها وتصيييييييييييييح..
يوم شفت اختي صاحت تفاعلت مع الموقف وصحت معها والله وتتفاعل امي معنا وتصيييييح <<قلبوها مناحه..
المهم اني قعدت عندها الين 12 الليل وتطمنت عليها ورجعنا بيت خوالي واصقعها نومه يحبها قلبك..


وانا اتذكر كل هالاشياء فتح اخوي عيونه وقام من نومه..قلت جعلي اشوفك رجال يا ( سوسة قلبي )..


ما يستفاد من القصه:
- لا يسافر ابوكم وامكم على وشك ولاده..
- اذا شفتوا بنت في اخر الليل واقفه في نص الشارع لا تستغربون،يمكن حالتها مثلي أو أردى..
- يا حلو الفطور اذا كان على حساب غيرك،بس قهر ما كان لي خلق اخسر العصلا ..
- اكتشفت ان ما ينفتح لي مجال في البربره ،وعلى فكره هذا الكلام كله مختصر..!
ملتوش

والله الله في الردود السنعه

يرجى التحلي بالالفاظ الحسنه
الاداره

[حنو]

صارفيلم هندي
ههههههههههههههههههه
قصه عجيبه

[د.الاسطورة]

ههههههههههههههههه
الله يجزاك الجنة يا بنوته...خفت على يدك لين ما توصل امك غرفة الولادة تكون يدك في خبر كان..سلامة عمرك يا رب...
والله الواحد بالمواقف ما يعرف يتصرف...
بس نصيحة من اخت تحبك...عاد لو شكيتي انو في حرامي بالبيت ...لا تحملي فرشاه شعر يمكم المشط احسن..
فرشاة يا بنوتة...ليكون الحرامي جاي يتمشط..
هههههههههههههه
قصتك حلوة متلك عجبتني

[شوق القصيم]

هههههههههههههههههههههههههههه

البنت الحلوه

قصتك خطيره فيها من العبرات والضحكات الكثير

والي محليها .ابطالها .حلا .......اختها العصلى ......واخوهم الصغير .......والام الحامل ...بالاشتراك مع ابو الجيران والخاله


ههههههههههههههههههههه

[المخروووشه]

حلووووووووووه

يسلمووووووووو خيتو،،،

[الحب اسمى عاطفة]

ههههههههههههههههههههههههههههههههه

ههههههههههههههههههههههههههههههههه