أول مره سويت فيها طبخه بروحي كنت في صف رابع
كنت أدخل ويا أمي المطبخ من قبل بس أراقب ولا مره شفتها كم تحط ملح للأكل
مره كانت العايله كلها رايحه السوق إلا أنا خلوني في البيت >>>>>>>>>لين اليوم ما أدري شو كنت أسوي بروحي في البيت
المهم أمي كانت طالعه دياي عشان الغدا
أنا قمت من النوم الساعه تسع الصبح وشرب شاي وكله وقاعده مستمله بروحي
ويوم أطالع الساعه لأنها الساعه عشر ولا حد سوى الغدا وحرمت أبوي ماحد في البيت
قمت أنا غسلت الدياي وحطيت الرز وسويت مرقة دياي
كله كان تمام قليت البصل وحطيت الطماط والبهارات وكله يوم قمت بحط الملح ما عرفت كم أحط
بعت التفكير والتمحيط والقسمه والضرب والحساب قررت
مغرفه عشان الدياي
والثانيه عشان الرز
والثالثه عشان أمي
والرابعه عشان أبوي
والخامسه عشان أخواني
والأخيره من عندي
وفرحانه بلي سويته
والديايه تمت على الغاز من الساعة عشر ونص لين ردت أمي من السوق الساعه 12 >>>>>يعني هترت من الطباخ
أخواني كلهم عصبوا وأمي كانت معصبه لأنهم راجعين من السوق تعبانين ويبون غدا
بس أبوي عساني فدوى لعمره
دخل علي الغرفه وأنا شارده عن أخواني وأمي تحت البطانيه وقالي عادي ما صار شيء المره مالحه المره الثانيه بتسوينها زين
عاد أنا حلفت ذيك الحين ما أدخل المطبخ بروحي مره ثانيه
وفعلا ما سويت شي مره ثانيه لين بعد ثلاث سنين قدام
وسمحولي كان طولت عليكم
هذه الرسالة تفيد بأنك غير مشتركه أو لم تسجلي دخولك بعد. للاشتراك الرجاء اضغطي هنــا 
العرض العادي
