موسوعة ^ عالم الدلوخة^....

[مشتاقة لشوفة **روان**]

السلام عليكم ورحمة الله وبركاتة..
يا فتيات المنال عضوات ومشرفات وشموس وقمور..
تعلوا لنحمي عالم الدلاخه من الانهيار فلنثبت للعالم ان هنااك عقول مازالت مرجوجه...
وتعالو نجمع أكبر موسوعة للدلوخه ..
وي وحدة عندها قصة عن الدلوخة تكتبها ..
عشان اي وحدة تبي تضحك وتفرفش وتوسع صدرها وتحمد ربها وتشكره على نعمة العقل...
وعشان ما أطولللللللللللللللللل عليكم هذي قصة مني :
ورجاء القى منكم تفاعل وحماس واهتمام...
الزبدة:
هذا واحد طال عمركم حياته كلها مآسي من يوم انه صغيرون اخليكم تسمعون القصه على لسانه وفي هذه اللحظة افتحو علبة حمضيات بارده وانبطحو امامي لتسمعون القصه بكل روح رياضيه >> مسويه تشويق ....

انا كل العالم يقولون عني دلخ وخبل حتى صارت عندي عقدة نفسية من جد يعني قربت اصدقهم الا شوي

وفي يوم من الاسابيع قلت لازم اثبت للعالم العكس واني عبقري عاد خبركم انا فتيت كمبيوتر قلت لازم افتح محل كمبيوتر بس في البيت وطبعا هالهواية منذو نعومة اضافري وهي عندي ,, من يوم كان عندي اتاري كان الشريط اذا خرب انفخه وارجعه ويشتغل وكل شهر انزل تحديث لنفختي

المووهم راحت الايام والسنون والبراطم وقالت لي الوالده لازم نشوف لك بنت الحلال وكان مالي شرط في بنت الحلال الا انها تكون حلوه وبنت برستيجها عالي مثلي >> ايه هين

ولقت لي الوالدة ذيك البنية اللي تقول انها من عائلة محترمة وبنية حلوه واموره بس البنت كان لها شرط انها تشوفني عاد انا قلت عادي ( واثق من نفسي كلي ملح وقبلة)

وحدد الموعد يوم الاثنين بعد المغرب وانا اللي اكشخ ذيك الكشخه طقيت ثوب الدفه ولبست الكبكات الذهبية وشماغ والعقل بس عاد تبون الصراحه الفلوس ما كفت ولبست كنادر كوره اللي لها مسامير وحطيت قلم ابو نص في مخباتي وغطاه معضض والمسواك واصلن اذني عادي اهم شي الاخلاق

وقبل ما اطلع من البيت عشان اروح لبيت خطيبتي ناظرت وجهي في المرايه( صراحه فيه سؤال جاء في بالي يوم شفت وجهي وهو : بالله هذا شكل انسان؟ ناظرت خشمي اللي ماخذ راحته في وجهي وجيت امسكه ومادريت الا خفاشين طاروا من خشمي الظاهر انهم مضيعين العنوان .. ناظرت وجهي مره ثانيه وحبيت ارفع معنوياتي وقلت لنفسي الوجيه الشينه هي الموضه هالايام .. بس ماش الشين شين .. حسيت ان السوالف في وجهي راح تطول اطول من اللازم وقلت ابضبطها

ويوم تفلسفت خربت شعري وتوهقت أأجل الخطبه اليين ينبت شعري بس اخاف ان البنت تطير وتعرفوني ملكع كل مشكله وعندي لها حل .. وشخصت بشماغي مثل تشخيصة مدني رحيمي اللي كنها أذان فيل ووصلت بيتهم وانا اللي اخذ ذيك الحصاة من الارض واطق الباب بقوه عشان يسمعون ....

الموووهم فتح لي ابوه وسلمت عليه ودخلت الا وش اوصف ذاك البيت اللي كلة رخام واول ما حطيت رجلي بمشي الا واجيك على وجهي طاايح <<<خخخخخخخخخخخ (لاتظهر الشماتتة بأخيك فيعافية الله ويبتليك)...
وخربت الشخصيه وحقدت على ابوهم اللي كرها ضحكه وهو جاي يساعدن عشان اقوم وكل ما مشيت بجزمتي الاديداس زلقت ثانيه على الرخام الموهم قال لي ابوه الله يهديك لابس هالجزمه ؟ عاد انا على بالي ابصرفه قلت شف شرابي فرزاتشي ...

بعد ماقلطني ابوه في المجلس وجلس يرحب ويهلي بي .. اتصل على بنته وقال عطينا العصير وشوي الا يوم دخلت خطيبتي ومعها ذيك الصينية اللي فيها كاسين عصير اخذت انا واحد وابوها واحد وجلست هي قدامي وقام ابوها وقال عن اذنكم عندي مكالمة ضرورية <<<<<< ايه احسن فكة

المووهم اول ماطلع ابوه بيني وبينكم انا خفت اني اقعد معها بلحالي اخاف الهيئه تمسكني وانا الزم ماعلي سمعتي .. جلسنا دقيقه انا وياه ساكتين طالعت فيها وانا مرتبك وجمعت شجاعتي وقلت السلام عليكم .. قالت وعليكم السلام .. سكت شوي وقلت مره ثانيه السلام عليكم ( ضاعت العلوم كلها) المهم قلت لازم اتمالك نفسي واكلمها واشوف عقليته

قلت له : ترا طلع جهاز جديد من النوكيا
قالت : لاااااااااا
عاد انا حسيت اني فاهم وقوي قلت لازم اتفلسف بعد
قلت: ولو بس اريكسون القديم الكبير ازين منه >> الله من زين الفلسفة
قالت:صحيييييييح
عاد انا الحين صار عندي اقتناع اني رهيب وانها اعجبت بي
قالت:انت وشو جهازك؟ >> على بالها معي احدث جهاز يلعن ام الاحراج ..........
انا عاد قلت ليش الكذب لازم نكون صريحين عشان لو فيه نصيب نكون واضحين ...
قلت لها:معي بيجر......<<<<<<<<مخرث الأخ...
وقعدت عشر دقايق وهي تضحك علي انا وبيجري ( ياقدمي) المهم يوم خلصت الضحك كبت العصير بدون قصد منها
انا عاد قلت لازم اكسب رضاها واعجابها وانا اللي انقز عشان ارفع الكاس اللي طاح
تدرون وش صار ؟؟؟؟

وطيت على رجله بكنادر الكورة ام مسامير واناظر وجهه الا وهو احمر

النـــــــــهــــــــايه >> إقاله فلم مصري

ماغلطوا والله يوم قالوا عنك دلخ هعهعهعهعه ههههه هه ه....

وان شاء الله تعجبكم وتتربى بعزكم ومنكم المال والمكان ومني انا الحمضيات.....

عاد الله الله بالردود والقصص السنعععععععععععععععه....
تحياتي :
مشتاقة

[موزة]

اسفة اختي لا افهم ما معنى كلمة الدلخ ويا ريت تكبري الخط لاني اجد صعوبة في قرائته مشكوووووووووووووورة

[حنان الكون]

رورو ياليت تكبري الخط شوووووي شوي بس
هههههههه

بنتظارك