بنات محتاجه للمساعده في المكياج

[ريماني]

السلا عليكم ورحمة الله وبركاته

بنات أنا عندي مشكله في مكياجي بسيطه بس فعلا متعبتني

مشكلتي ويا المكياج هو الأساس

ما يدوم فتره طويله يذوب بعد ساعه أو ساعتين على حسب المشي والمكان لي يالسه فيه

يعني أمس كان عندنا عرس ومشيت شوي يعني عشر دقايق بس حسيت الأساس ساح >>>>>>>>>>>>>>>>بس الحمد الله ما فضحني ساح شوي بس


بنات أنا شاريه الأساس من make up for ever شريت كريم أساس ومات وكونسيلر للعيون وبورده مضغوطه

مع ذالك ما أحس أنه تحمل حرارة الخليج

للي عندها فكره بنات ممكن تساعدني فيها تتفضل

مع العلم بشرتي جافه أكثر من أنها دهنيه شوي بس منطقه الأنف والذقن

[الحب اسمى عاطفة]

عندي نفس المشكله >>>>>>>>>>>>سبحان الله خوات ونتشابه

>>>>>>>>>>>>>>>>>مكياجي حسيته ساح في عرس امس

ياليت المنولات يفيدونا

[ام عزوزي]

هلا فيك حبيبتي

من خبرتي البسيطه تحطي قبل كريم الاساس كريم مرطب مناسب لبشرتك

وبعد كريم الاساس بورده مظغوطه علشان تنشف الكريم الافضل تكون من نفس الماركه

وحتى بنفس المناسبه اذا حسيتي انه بيسيح مممكن تظيفي البودره

وان شاء الله مايسيح اذا حطيتي الببورده بعد الكريم مثل ماذكرت

وممكن برضوا تحطي سبري طبعا خاص بالمكياج لما تخلصي الميك اب يثبت لك المكياج

وان شاء الله افدتك

[ريماني]

أم عزوزي

تسلمين الغاليه على المرور والرد

أنا أسوي بالضبط مثل ما قلتي وما نفع

ما حبيت أحط سبريه قلت في خاطري بجرب بدونه

بس شكلي برجع أشتري سبريه لأنه المكياج ما يتحمل أكثر من ساعه وحده بس

الغاليه إنتي جربتي السبري يعني نفع وياج وإلا بعد ما يتحمل

تسلمين الغاليه على الإفاده