نعم ولهان لعيونك ونار الشوق تصلاني
نعم محتاج تاخذني تحت ظلك بستانك
نعم مجنون في حسن عطاك الله رباني
نعم هيمان في حبك نعم شفقان لاحضانك
نعم مهووس في صوتك هذاك الحسن خلاني
أهيم بعالم وردي مثل زهر أوجانك
نعم غرقان في موجك ولا احد منك نجاني
لاصرت بحور في زينك وكيف يعيش غرقانك
ولاصرت اليوم مفتونك وصوبك قلبي وداني
محال اعيش من دونك وواجه ليل هجرانك
أموت برمشك السارح ظلال من الهنى جاني
وأموت بشعرك الثاير حديث الناس بأزمانك
وأموت بثغرك الذايب هذاك الموت اعماني
أشوف انثى على ارضك تساوي ربع ميزانك
أحبك منبع الفتنه أحبك قلبي الثاني
أحبك لو تعذبني ولو آهاتي الحانك
أحبك يا هوى روحي هزت عرش وجداني
أبيك بلحظه تفهمها وتعايش ظيم هيمانك
أبيك تحس في عشق سرى بدمي وشرياني
وشوق الغى تفكيري ورخص كوني من شانك
وأبيك تصحي أحلامي وفرحي وضحكة أزماني
وأبيك تحطم اجمودك وأبيه يثور بركانك
وأبيك تقولها وتصرخ وتفضح قلبك الجاني
أبيك تقول أنا أحـبـك أبي ينطق بها السانك
وأبي أبشر الدنيا وقول اليوم عنواني
تراه الحين في قلبك سكن بأعماق وجدانك
منــقول
نور النادي بالعضوة الجديدة
العرض العادي
