تروحين لعر س ابوك الا الا ؟؟(دمج موضوعين)

[شوق القصيم]

(أبوك يتزوج على أمك )وش موقفك تحضرين زواجــــه والا ..لا ؟!


بحكم أنه حلال بالشرع التعدد للرجل .. وله أن يعدد ويأخذ 4 زوجات .. طبعا دون الجمع بين الأختين أو البنت وخالتها .. أو البنت وعمتها . .كما هو معروف .
لكن في حال كنت أنت أو أنتي .. نشأتوا وترعرعتوا في بيت يسوده الود والرومنسيه بين والديك .. صح يكون فيه أحيانا مشاحنات .. بس هذي سحابة صيف واتعدي ..

ولكن فجأه .. يتغير الوضع .. وتحس التوتر و الغموض يكتنف أسرتك.. .. وحسيت إن ( الأمر أمر ) و أبوك مخبي شي ...

ومع التنبيش اكتشفت ان ابوك عقد قرانه على عروس جديده .. وفي عالم ثاني ..

وأمك المسكينه .. حاسه إن الموضوع فيه إنّ .. لكن مهيب قادره تجزم ...

وجا موعد الليله الكبيره ...

إيش راح يكون موقفك:

====================

1- بتصارحين أمك وتقنعيها إن الوالد معاه حق ..بس ما تحضري !

2- بتتناقشين مع أبوك.. وتقفين في صف الوالده.. وتثنينه عن عزمه ..

3- أو بتباركين لأبوك .. وتحضرين معاه العرس .. وإنت مرتاحة الضمير !

4- والا بتخافي على شعورأمك .. وماتحضرين العرس .. وتزعلين منه مع الوالده !

5- ... سجلي موقف آخر لو فيه ؟؟؟ !


ما ابي ردود كالعاده ابي الكل يبدي رأيه بوضوح


شاكره لكم مقدما .........الموضوع منقوول من احد المنتديات

[ام عزوزي]

يسلموا حبيبتي على الموضوع

الله يغفر لابوي ويرحمه ماتزوج على امي ولا فكر

لكن لو فرض راح اختار

2- بتتناقشين مع أبوك.. وتقفين في صف الوالده.. وتثنينه عن عزمه ..

[شوق القصيم]

الف شكر ام عزوزي....الله يرحمه ويغفر له









اما انا فقد مريت بهذي التجربه وتزوج ابوي قبل سنتين...بصراحه كانت ردة فعلي قويه...بما اني متزوجه حسيت بمعاناة الوالده اكثر من باقي اخوا ني واخواتي الي ما تزوجوا وقفت في وجه الوالد في نقاش وعتاب ولكن لللاسف كل ما حدث كان بعد ان تم الزواج لانه لم يعلمنا الا بعد ان تم زواجه وهو في الخارج......بصراحه لحد الان وانا مصدومه مما فعله الوالد ...واخذت منه موقف لحد الان ..وكل ما اتمناه الان ان الله يصبر الوالده ويعوضه في الدنيا والاخره...........مع ان امي توها صغيره ولم تتجاوزا46سنه..بس ااااخ من الرجل اذا غلب عليه حب النفس واالانانيه.وهانت عليه العشره في لحظة طيش

[بشرى]

انشاءالله مابصير ولكن لو فرضنا انه صار


4- والا بتخافي على شعورأمك .. وماتحضرين العرس .. وتزعلين منه مع الوالده !

بس ما ازعل من الوالد يضل هو ابوي


يعطيكي العافية اختي على الطرح المفيد

[~ ريم ~]

شواق انا ابوي في ذمة الله الله يغفرله ويرحمه وموتى المسلمين اجمعين يا رب
بس موضوعك احس انه نتق عروقي من القهر ولا قدرت اميز شعوري وقتها وش بيكون ولا قدر اختار
شي>>>ياربيه والله من جد عصبت خخخخخخ
يسلمووو شوااقة القصيم
ودمتي بخير....

[شوق القصيم]

مشكورات حبيباتي على المرور والله يرحم الي ماتوا ويحفظ لكم الي موجودين ولا يفرق بينكم

[قمرهم كلهم]

والله لو صاااار وان شاااء الله ماراح يصير

اكيد بوقف في صف امي

وماراح احضر زواااج ابوي

[aaaaa]

انشاالله مايصير
وان صار اكييييييييد برفض واوقف بصف امي
وان تم الزواج ماراح احضر
احسسسسسسسن خلي زواجهم يطلع بارد

يعطيك العافيه

تـ ح ـيتيـ

[بنت بيوت]

يشوق تجين على الجروح وتقلبينها


الموقف هاذا صاااااار فعلا

الله يرحم أبوي

أخذ الثانيه وزعلنا منه كلنا<<<<<<<<<مسوين حزب

مع ذاللك الظلم الجانا منه مقابل زعلتنا

وسبحان الله

أمي دعت دعوه وهم مسافرين (دعوه المظلوم مستجابه)

صار حادث عليهم بالطريق
أبوي سليم لم يصاااااااااااب بشي

وزوجته حادثها شنيع بقوه

كف يدها مقطوع ومالقيناه في الحادث

وهاذا الحادث وع أبوي ورجعه لنا وحلف مدام أمي حيه ماياخذ ثانيه



بس وشو بعده


الله يرحمه ويغمد روحه الجنه

[شوق القصيم]

بنت بيوت الله يرحم الوالد ريغفره




اسفه حبيبتي ..لكن المووضوع فيه اشياء لازم نناقشها مع بعض






ومثل مافيه احزان لازم تكون معها افراح





والله يجعلها اخر الاحزان