لاحظت تباين أساليب التعامل مع الخدامه في مواضيع كثيره في المنتدى بعضهم تضربها ولاحول ولاقوة الا بالله وبعضهم معطينها الحريه بزياده فحبيت افيدكم بها الموضوع بدون افراط او تفريط
هل احتاج للخادمه
السؤال اللي لازم تسألينه نفسك قبل التقديم على الخادمه هل انتي فعلا بحاجه لها ؟؟
لاتقارني نفسك بالغير لان فلانه عندها خدامه ليش انا مااجيبها الخدامه شر لابد منه عند المحتاجات لها فعلا اللي بيتها كبير او موظفه او مريضه
فالمساله مو تباهي بالعكس الخدامه تقيدك في كثير من حرياتك خاصه مع زوجك فلابد انك تفكرين مليون مره قبل ماتدخلينها بيتك
واذا قررتي تستقدمينها
الافضل لك ماتاخذين شغاله احد متنازل عنها لانها يمكن تكون سببت مشاكل لكفيلها وتنازل عنها بدون مايبلغك
والخدامه اللي تكون مشتغله بدولتك قبل افضل من اللي مااشتغلت والمتزوجه افضل من العازبه
اول ماتوصل الخدامه
طبعا لازم تكونين مجهزه لها ملابس اللي تبغينها تلبسها بالبيت وخارج البيت وكل المستضرات اللي تحتاجها شامبو وكريم ......الخ
وافتحي شنطتها اللي جايبتها معها واسمحي لها تاخذ ملابسها الداخليه وادويتها واوراق الرسائل والاشياء اللي تشوفينها تحتاج لها فعلا وبعدين سكري الشنطه وقفليها وخزنيها في مكان ماتوصل له وبلغيها انك بتعطينها شنطتها اذا جاء موعد سفرها
التعامل مع الخدامه
ابدأي تعاملك معها بلطف وقولي لها اذا صرتي كويسه في الشغل راح تصيرين مثل اختي >>لاتقولون تراها خدامه مابقى وماادري وشو هي ادميه ولافضل بينها وبينك الا بالتقوى ومااحد يدري يمكن الزمن ينقلب لاسمح الله ونكون في مكانها
استخدمي نظام العلاوات
قولي لها اذا اشتغلتي الشهر هذا كويس راح ازيدك فلوس لاتحددين كم بتعطينها لانه يعتمد على ميزانيتك وعلى شغلها
واذا كان عندك مناسبه وكان شغلها ممتاز اعطيها فلوس المبلغ اللي تقدرين عليه علشان تحس ان فيه احد قدر شغلها يعني 10 ريال او اكثر ماراح تضرك غير انها صدقه والاجر عند رب العالمين
عامليها كإنسان
اشتري لها ملابس بالعيد علشان تفرح والمحلات الرخيصه كثيره واللي بنظرك رخيص عندهم غالي
اشتري لها الاكل اللي تحبه لو مره بالسنه اندومي عاد وش رخصها
عامليها بجد
الجد مايعني صراخ وسب لا قولي اللي تبين بهدوء والفاظ محترمه
المحظورات
لاتدخل غرفتك ابدااااا حتى لو كان فيها شغل كثير انتي بتلقين وقت تشتغلينه
لاتغسل ملابسك الداخليه واللانجري
لاتلبسين عندها ملابس مشخلعه لانه حرام
تعامل زوجك معها رسمي فقط
يعني الراتب والعلاوات انتي تعطينها والشغل انتي تأمرينها علشان ماتزود الموانه مع زوجك حتى لو كان يبي منها شغل روحي انتي وبلغيها
علمي أطفالك احترامها
الاحظ كثير من الاطفال في المناسبات يتلفظون على الخدامه واذا قلنا لامهم تقول عااادي هذي شغاله !!
هذي الانسانه ماتركت بلدها واطفالها الا علشان تكسب رزقها فليه نعسر عليها ونسمح للاطفال بهذا التصرف غير انه سوء ادب راح يتمادون ويتلفظون على اي شخص ادنى منهم
لاتهددينها بعقاب قوي
واهم شي لاتقولين لها ماراح تاخذين راتبك كامل لانها مغتربه علشانه والااوديك الشرطه وغيره لان الاسلوب هذا لو نفع مع خادمه ماراح ينفع مع الثانيه وانتي او اطفالك لاقدر الله راح تدفعون الثمن
وكثيرما نسمع مأسي كلها بسبب تعامل الكفيل السيء مع الخادمه
ولالالالالالالالالالالا تضربينها لانك راح تكسبين عداوتها غير الذنب العظيم اللي تحصدينه
اسلوب العقاب
اذا اخطأت اول مره سامحيها واضغطي على نفسك وقولي هالمره راح اسامحك بس ماتعيدينها مره ثانيه هي راح تفرح واذا عادت الغلطه قولي اذا ماتبغين تشغلين اوكيه تجلسين في المكتب الين تصير لك سنتين لانه مو مسموح انك تسافرين قبل السنتين وراح تتنازل وترجع لشغلها
او خلي التعامل معها على المكتب لان الخدامه اذا عصبت وكرهت الشغل راح تسوي اي شي علشان تسافر
علشان كذا اذا مانفع معها اي حل خليها تسافر افضل لك
عند سفرها
طبعا تكونين جمعتي لها ملابس زائده عن حاجتك انتي واطفالك بس تكونين غاسلتها قبل وحلويات لأطفالها واحتسبي الاجر
بس لا تفتشينها تفتيش شخصي احترام لكرامتها ارسليها في شغل طويل او عند بيت اهلك او جيرانك وادخلي غرفتها وفتشيها زييين بعدين اذا رجعت طلعي لها الشنطه اللي اخذتيها منها وخليها تحط اغراضها فيها وانتي تشوفين بس سووي نفسك انك بتساعدينها وخلي عينك عليها حتى تطلع للمطار
ان شاء الله تستفيدون من الموضوع واللي عندها اضافه ياليت تضيفها ونستفيد
يتبع
التوقيع
الفراق
مأقساها من كلمة
زخات من المطر انعشت قلبي الحزين
مايحتاج اقول من مين الاهداء واضح ربي يسلمك على احلى مفاجاة
هذه الرسالة تفيد بأنك غير مشتركه أو لم تسجلي دخولك بعد. للاشتراك الرجاء اضغطي هنــا 
أصول التعامل مع الخادمه 
