تشك بحبي

[كنـدرية]

الســـــلام عليـــــكم

======================

تشك بحبي لك وانا اللي حبي لك بلا مقياس.....افــــا

..............................تشك فيني وانا اللي حالف بدنياي ما اخونك
غريبه حالة الدنيا..غريبه لعبة الاحساس

..............................كثر ما تصون لهم عهدك كثر ما هم يخونونك
انا يالغاليه شارب من احساسك و عطفك كاس

..............................انا اذكرك دايم يوم كل الناس ينسونك
انا كلي محبه من طرف رجلي اليـــــــن الراس

..............................انا وان كنت ما تدرين يقولون عني مجنونك
انا ما عندي مانع بس علشانك اخاوي الياس

.............................انا اللي لو تناديني باعلى صوت اقول عونك
خلاص اصحي من اوهامك وانسي الهم والهوجاس

..............................وغيري كل نظراتك وكذبي اغلب ظنونك
بقولك شي سمعي زين وخلي عنك الوسواس

..............................يا اطهر من مشى على الارض انا ما اعيش ابد دونك
وحق الله احبك موت واشوفك في عيون الناس

..............................وحتى في بعض الاوقات اشوف الناس بعيونك

منقـول