إلي عنها أكله صحية تدخل ضروري

[ريماني]

السلام عليكم ورحمة الله وبركاته

بنات محتاجه للمساعده بصراحه

أنا حامل الحين في الشهر الثالث وتعرفون أنه كنت أحاول أنزل وزني قبل الحمل

الحين أنا حامل والحمد الله الوحام بادي يخف عني

ونفسي مفتوحه للأكل بشكل مو طبيعي وبكميات يعني مب شويه

أحاول أخلي السلطات والفواكه أساس في كل وجباتي وأكل أربع وجبات يوميا

بنات وزني الحين ستين ما أبيه يوصل السبعين في هل الحمله

للي تعرف أكلات صحيه وزينه للحامل بحيث إذا أكلها ما يزيد وزني وتكون في نفس الوقت حلوه وتشبع ومغذية

إلي عنها أفكار أو مرت في نفس ضروفي من قبل تدخل وتساعد بلي تقدر عليه

ملاحظه
أنا ما أريد أنزل وزن بس ما أبى أزيده بعد >>>> متعوده بعد كل حمله ثلاث كيلوات تزيد وتنزيلها يكون صعب

جزاكم الله خير

[سها الاحمد]

حبيبتي اعتمدي على كل شي مشوي او مسلوق وسدي النقص بالفواكه والخضروات وابتعدي من الحلويات والمعجنات والمشروبات الغازيه وان شالله تنهي حملك بخير وسلامه

[ريماني]

سها

مشكوره الغالية على المرور

بس أنا مثل ما تقولين مليت من المشوي وما أحب المسلوق وايد

والفتره مب بسيطه يوم أو يومين هذي ست شهور باقيه لي

قلت ممكن الأخوات لي في المنتدى كل وحده تفيدني بأطباق رئيسية تكون تشبع وما تسمن

أنا ما أكل حلويات وعادي أقدر أمنع نفسي منها

مشكلتي أني أحب المكبوس والمقلي وما أشبع إذا ما أكل خبز أو بطاطا

يعني خبرتي في الأكل الصحي معدومه

يا ليت تساعدوني بأي شيء عندكم