بسم الله الرحمن الرحيم
وهذا هو الشعر
سعودي وافتخر بارضي ولا ني بالفخر مغرور
الى من قيل لي وش ديرتك قلـت السعوديّـه
رفيع الراس بافعالٍ حقيقه ما تعـرف الـزور
تسطرها تواريـخ الفخـر صفحـات ورديّـه
كتبنا المجد بعد المجد سنينٍ ماضيه ودهـور
على صدر الزمن مكتوبـةٍ بحـروف ماسيّـه
لنا الماضي لنا الحاضر لنا مستقبلٍ من نـور
لنا التأثير فـي الدنيـا ببصمـاتٍ حضاريـه
من الإسلام منبعها فمنهاجـه لنـا دستـور
على درب الموحّد صـادق الأفعـال والنيّـه
ابو تركي سليل المجد نور الكون في الديجور
ومن بعده رجـال ارواحهـم للـدار مرهيّـه
توحدنا بعد كنـا ضحيـة جهلنـا والجـور
وصرنـا كلنـا اخـوه نعيـش بكـل حبيّـه
من الآمر إلى المأمور منهجنا الإخاء والشور
على درب التساوي والعدل باوضاع مرضيّـه
وقدوتنا رجالٍ لاجلنا لـو داسـوا المخطـور
يبون الدار مثل الشمس في الأكـوان مرئيـه
والى من بانوا الحسّاد واللي بفعلته مأجور
يبان الجـد وقـت الجـد بافعـال النداويـه
لتبقى ديرتي رمز الرخاء تحيا امـن وحبـور
بفضل الله وفضل اللي رعاهـا بكـل حنيّـه
ابو متعب ابو كل الشعب في برّهـا وبحـور
اذا ناموا بقى ساهر لتبقـى الـدار محميّـه
عزيز النفس متواضع ولا يرضى بحني ظهور
ولا تقبيل يدّينـه مـن اللـي جـاه لتحيّـه
حماك الله يابلادي لتبقي حصننـا المعمـور
تعيشي لـو فنينـا كلنـا نفـدي السعوديـه
مع تحيّـاتي : همس القلوب
آخر 10 مشاركات
نور النادي بالعضوة الجديدة
شعر من اختياري عن السعودية بلاد الفخر والشيييييييييييييييييييييييييييمة تحيا السعودية 
