قصة سالم الورع الشجاع الدلخ هههههههههههههههههههههههههههههههههههههههههه

[سهوره]

مثل ماتشوفون فقد انتشرت ظاهرة الزواج هالايام ,, تحس إن هالناس فاضين ,, كل يوم تسمع عن ناس

بيتزوجون ,, طيب أنا اللي أبي أفهمه ,, إذا تزوجوا الناس كلهم من اللي بيروح المغرب وسوريا ,, يعني العلماء

يتعبون ويسهرون أيام وليالي إلين اخترعوا المغرب وسوريا ,, وآخرتها نسحب عليهم ,, وللمعلوميه فالعالم أديسون

هو اللي اخترع المغرب ,, وقصة اختراعه للمغرب إنه بعد ما اخترع المصباح الكهربائي توهق فيه مايدري متى يشغله ,,

عشان كذا اخترع المغرب عشان إذا جا المغرب يشغل المصباح الكهربائي ,, نعن ابوه أديسون مابقى شي إلا

واخترعه ,,



الورع سالم ,, واحد من الشباب اللي قرروا يتزوجون ,, كان بيطير من الفرحه ,, أخيراً لقى اللي تقبل فيه لأن وجهه

ماحد يقدر يتحمل يطالع فيه أكثر من خمس ثواني ,, تصدقون إنه حتى إذا طالع في المرايه يشوف نفسه خمس ثواني بس

بعدين تروح صورته وتخليه ,, ومره كان توه صاحي من النوم ويوم وقف قدام المرايه (مخالفه) صورته عليه من شين

وجهه ,, حتى سمعت إنه هالايام صار إذا طالع في المرايه تطلع له صورته متلطمه بشماغ ,, مع إنه موب لابس شماغ بس

من الشين (مخالف) اللي فيه تطلع صورته متلطمه ,,

وكان سالم كل ماعلم واحد من أخوياه إنه بيتزوج يبدون الشباب يقدمون له النصايح كعادة الشباب في مجتمعنا مسوين

نفسهم فاهمين في كل شي ,, وهم مايدرون وين الله قاطهم من الدلاخه اللي فيهم ,, يعني لو تسأل واحد منهم وش اسمك بيقول لك 25 سنه ,,


وكانت أغلب نصائح الشباب أخويا سالم تتركز على الشدّه مع الزوجه ,, يعني مثل لازم تكون شديد معاها ,,

وماتعطيها وجه عشان ماتآخذ عليك ,, ولازم تخالفها في كل شي عشان مايقولون إنك خروف ,, ولازم تبين لها إنك

قوي وشخصيتك قويه ,, ولازم توريها العين الحمرا ,, والمشكله إن سالم دجاجه وماله شخصيه ,, فكيف يوري زوجته

العين الحمرا وهو حتى العين السحريه مايقدر يوريها ,,


قرر سالم إنه يسوي مثل ماقالوله أخوياه ويصير شديد مع زوجته عشان تخاف منه وتعمل له ألف حساب ,, ومرت الأيام وتزوج سالم ,,


وفي يوم الزواج كانت العروس تركب في السياره الفاخره اللي استاجرها سالم لأن سيارته الصدقيه كرسيدا 89 مركب

لها وجهية هايلوكس ومركب لها درايش بيت من اللي تنفتح على جنب من الفقر ,, وللمعلوميه حتى بيبان سيارته شايلها

ومركب لها أبواب حديد مثل حقت البقالات وحاط فيها أقفال ,, يعني إذا جا يركب سيارته كنه يفتح بقاله ,, يعني إنه

إذا كان يمشي بسيارته وأذن للصلاة يوقف على جنب وينزل من السياره ويقفل الباب الحديد ,, (مخالف)

قالت العروس لسالم وهي راكبه في السياره بينما أخوها يسوق السياره ,, تعال ياسالم إركب جنبي ,, تذكر سالم

كلام أخوياه وانه لازم يكون شديد ومايطاوع الحرمه ,, التفت سالم لعروسته وقال لها ,, لالالا أنا باروح مشي بيتنا

قريب ,, استغربت العروس من رد سالم بينما سالم كان بيطير من الفرحه لأنه كسر كلام زوجته وذهب لبيتهم مشي وهو

لابس بشت ,, طالع شكله وهو لابس البشت ويمشي في الشارع آخر الليل كنه شيخ قبيله ضايع ,,




وصل سالم لشقته وهو يفح من التعب ,, ولقى زوجته تنتظره في البيت ,, وجلس يسولف معاها وهو يهلوس من التعب

,, وجلس سالم يحكي بطولاته لحرمته وكيف إنه كان في المدرسه قوي ويخافون منه وكيف إنه ذبح عشره ,, وانه مات

ثلاث مرات ولا صار له شي ,, وانه وانه وانه من النصب اللي ما يدخل العقل ,, والصدق إنه رخمه حتى في أحلامه

ينطق ,, وماعمره حلم إنه يطق أحد ,, حتى إنه مره كان نايم مع شباب في شقه وتحلم بالغلط إنه يطق خمسه ,, وفي

وسط الحلم قام خويه اللي جنبه ورفس سالم على وجهه ,, وقام سالم وهو مفزوع ,, وقال له خويه ,, هالحين تسرق

حلمي وتعطيني حلمك (مخالف),, انحرج سالم ورجع الحلم لخويه وأخذ حلمه اللي دايم ينطق فيه ,, وأول مانام مسكوه

اللي في الحلم وقالوله ,, بغيت توهقنا مع الرجال وتخلينا نطقه ,, ابتسم سالم بخجل وانبطح على ظهره عشان يطقونه اللي في حلمه ,,



في اليوم الثاني كان سالم معزوم هو وزوجته عند أهل الزوجه للعشا ,, توجه سالم وزوجته بسيارتهم ,, وكان سالم

كاشخ ومشخص ,, وكان طول الطريق مسوي نفسه شديد قدام زوجته وكل مامرت من جنبه سياره قام يسب ويصارخ

مسوي نفسه عصبي ,, وكان يتمنى يشوف هندي ولا بنغالي عشان يتلقف عليه ويطقه ويثبت لزوجته إنه قوي ,,

وكانت زوجته تقول له ,, تعوذ من الشيطان يابن الحلال ,, ويرد سالم ,, وش أسوي في نفسي الله خلقني عصبي

وقوي في نفس الوقت ,, غصب عني صرت قوي ,,


وبينما سالم يقود السيارة ومتقمص دور القوي ,, مرت من جنبه سياره فيها واحد نحيف وقصير ,, لمحه سالم وبغى

يطير من الفرحه لأنه لقى له واحد ضعيف يقدر يثبت رجولته عليه ,, أسرع سالم بسيارته ولحق راعي السياره الضعيف ,,

وقام يضرب له بواري وفتح دريشته وقام يصايح عليه ويسبه و(مخالف) ويطلب منه إنه يوقف على جنب ,,


دخل راعي السياره الضعيف في شارع فرعي ووقف سيارته ,, بينما سالم الذكي وقف وراه وفتح دريشة سيارته

عشان زوجته تشوف وتسمع المشهد وتشوف كيف إنه قوي ,, نزل راعي السياره الضعيف من سيارته ونزل سالم من

سيارته وهو معصب ويصايح ,, اقترب سالم من راعي السياره الأخرى ومسكه مع حلقه وقال له بصوت مرتفع عشان

تسمعه زوجته ,, ليش تحدني يالقوطي يالسوس,,,,,,,,, استغرب راعي السياره وحلف إنه ماحده ,,,,,,,,, سكت

سالم قليلاً وهو ماسك راعي السياره مع حلقه ويحاول أن يجد عذر مقنع عشان يضرب راعي السياره الأخرى ,,,, قال

سالم بعد فترة سكوت ,, طيب ليش تقطع الإشاره ,,,,,,,,,, رد راعي السياره إن الشارع اللي كانوا

فيه سريع ومافيه إشارات من الأساس ,,,, رجع سالم يفكر وهو ماسك الرجال مع حلقه ,,,,,,, حاول الرجال إنه يفك

يد سالم من حلقه وقال له ,, ياخوي إنت ماسك حلقي وتفكر ,, تراه حلق موب كتاب رياضيات عشان تمسكه وتفكر ,,

فكني يابن الحلال ,,,,,,,,,,, قال سالم ,, يابن الحلال اصبر خلني أدور سبب أطقك عشانه ,,, استغرب الرجال من

رد سالم وقطع سالم استغرابه بقوله ,, اييييييييه لقيت سبب ,, هالحين ليش ماربطت حزام الأمان ؟؟,,,, قال الرجال الضعيف ,, وانت وش دخلك أربطه ولا ما أربطه ؟؟ ,,,,, قال سالم ,, أنا أفهمك وش دخلني يادجاجة الحاره ,,

هالحين حزام الأمان فرضته الحكومه والحكومه مسؤوله عن الشعب وانا واحد من الشعب ,, وانت ماربطت حزام الأمان

يعني كنك تقول للحكومه كلوا تبن,, ومثل ماقلت لك إن الحكومه مسؤوله عن الشعب وانا من الشعب ,, يعني انا آكل

هواء !!! ,,,,,,, وسدد سالم لكمه خطافيه لوجه الرجال الضعيف وقام يطقه ويبقسّه ويرفسّه وهو ينظر لزوجته بطرف

عينه ليتأكد أنها تشوف قوته ,, والرجال كان يصيح بصوت عالي ويقول ,, صاااااااااالح صااااااااااااالح ,,, وسالم

يواصل الضرب ويقول ,, على بالك تبي تخوفني ,,


وبينما سالم يضرب الرجل وخاش جو ,, انفتح باب الراكب السيارة الرجل الضعيف ونزل منه رجل كبييييييير وضخم

وطويل ,, كان الرجال هذا سادح المرتبه ونايم جنب السواق وما انتبه له سالم ,, وكان هذا الرجال هو صالح اللي يناديه

خويه الضعيف ,, انصدم سالم يوم شاف الرجال الكبير وتشنج مكانه وهو ماسك الرجال الضعيف مع حلقه ,, حاول سالم

يوخر يده من حلق الرجال لكنه ماقدر لأنه جسمه مهنق ,, وأعضاء جسمه ماعاد تقبل أي أوامر من الخوف ,, اقترب

صالح الضخم من سالم ,, وسالم يحاول يصرف الموضوع ويقول للرجال الضعيف وهو ماسك حلقه ,, خلاص ياخي لا

تضرب ,, والله ماسويت لك شي وانت لك ساعه تضرب فيني وانا مقلت لك شي ,,, صرخ الرجال الضعيف في خويه

صالح وقال له ,, والله انه نصاب هو اللي طقني شف وجهي كله دم ,,, قال سالم ,, لا تصدقه ياصالح هذا الدم اللي فيه

دمّي ,,,, قال صالح لسالم ,, طيب ليش ماسك حلقه ؟؟,,,, رد سالم بدلاخه في محاوله للتصريف ,, انا جالس أقيس

حرارته بس !! ,,,, تنرفز صالح وزعل وقال ,, تقيس حرارته من حلقه والله لو انه خروف ,,, حاول سالم إنه يثبت لصالح

إنه مظلوم وقال له ,, هو اللي ضربني حتى أوريك بعد ,,,,,, فك سالم حلق الرجال الضعيف وجلس سالم على الأرض

يدور أي جرح قديم في جسمه عشان يوريه صالح ويثبت له إنه صادق ,, رفع سالم الكم حق سرواله ولقى جرح قديم

في ركبته ووراه صالح وقال له ,, شف وش سوى فيني خويك ,, يرضيك كذا ,,,,,, عرف صالح إن سالم كذاب وضربه

لكمه على عينه وصار سالم مايشوف زين وصار يشوف ضباب من قوة اللكمه ,, وكمل صالح ضرب سالم قدام زوجته ,,

وكف رايح وبقس جاي ورفسه جايه وكوع رايح ,, وسالم طول الوقت يترجى صالح إنه يتركه ,, ويقول له ,, تكفى

خلني أروح قبل ماتمطر ,,,,,, لأن سالم صار يشوف ضباب يحسبها بتمطر من الدوخه ,,,,, أما صالح فكان مواصل

الضرب في سالم باستمتاع ,, وسالم يحاول يصرفه ويقول له ,, تكفى خلاص تأخرت على العشا حتى شف الساعه بعد ,,,,,

يرجى اختيار الالفاظ اللائقه

[سهوره]

وبعد مده انتهى صالح من ضرب سالم ,, وركب صالح وخويه سيارتهم ومشوا ,, أما سالم كان منبطح على الأرض من

كثر الطق اللي جاه ,, وزوجته في السياره تراقب الموقف بخوف ,, تحامل سالم على نفسه ووقف وتوجه لسيارته ,,

ومن الدوخه فتح الباب اللي ورى وركب ,, وجلس يدور الدركسون وهو معصب ويقول لزوجته ,, وين وديتي الدركسون ؟

,,,,,,, قالت زوجته وهي ترتجف من الخوف ,, انت راكب ورى ,, تعال اركب قدام ,,,,,, انتبه سالم إنه مضيع

وحاول يصرف زوجته وقال ,, أدري أدري إني راكب ورى بس كنت أبي أشيّك على زيت الفرامل !!!! ,,,,,, ركب سالم

قدام وهو دايخ ومايشوف ومتفشل من زوجته ومايدري وش يقول لها ,, وساق سالم السياره وهو مايشوف إلا ضباب

وحاول إنه يمسك الطريق ,,,, وقال سالم ,, أهم شي إني عرفت بيته ,, والله ما اتركه والله ما أخليه ,,

أهم شي إني عرفت بيته ,,,,,, ردت زوجته باستغراب ,, كيف عرفت بيته ؟؟؟,,,,,, رد سالم بغضب ,, وش دخلك انتي ؟ ,,,,, سكتت زوجة سالم لأنها حست إن زوجها متفشل منها ويحاول يصرف الموضوع ,,,,



وبعد فترة سكوت قال سالم لزوجته ,, البلشه هالحين كيف بنروح للعشا عند أهلك ودم هالمبزره على ثوبي

ووجهي من كثر ماضربتهم ,, طالعت زجته فيه وقالت ,, دم المبزره هاه ,, ايييييه مو مشكله بس لازم نروح للعشا لأنه لنا وابوي عازم


ناس واجد ولو مارحنا بتفشله وتفشلنا ,,,, قال سالم وهو مازال دايخ ,,, مو مشكله بنحضر العشا أهم شي إني عرفت بيته !!!!!!!!!!!



وصل سالم لبيت أهل زوجته وطلب منها إنها ماتعلم أحد باللي صار ,, وانه بيصرف أهلها ويقول لهم إنه طاح من

الدرج ,,, وافقت زوجته ودخلت من باب الحريم ,, أما سالم فدخل من باب الرجال وهو مايشوف زين من الطق اللي جاه

ووجه مبقع كنه برنامج قوقل إيرث ,,,,,,,, دخل سالم المجلس وماشاف أحد في المجلس ,, وجلس سالم في أول مكان

جنب باب المجلس وهو يقول في نفسه ,, هالحين عيال الكلب ذولي مزعجيني تعال بسرعه وآخر شي أجي ما أحصل

احد ,,,, وبينما سالم يكلم نفسه انتبه إن فيه أصوات حوله وسمع صوت ناس يرحبون فيه ,,, ويوم دقق في الوضع لقى

المجلس مليان رجاجيل واقفين يحترونه يسلم عليهم وهو زلبهم وسحب عليهم وجلس على طول ,,,, تدارك سالم الموقف

وقام وهو يقول ,, ماعليش يالربع أهم شي إني عرفت بيته ,,,,,, وقام سالم يسلم على الحاظرين وعمه أبو زوجته

وراه يعرفه عليهم ,,, وبينما سالم يسلم وصل عند واحد وسلم عليه ,, وحس سالم إن يد اللي سلم عليه قاسيه ,, وكان

عمه يسحبه لكنه ما اهتم وقام يحببه ويبوسه ويسأله عن أخبار عياله واهله والتفت سالم على عمه وقال له ,, ماعرفتنا

على الحبيب ,,,, وسحب العم سالم بقوه وقال له ,, ياثور هذا باب المجلس فشلتنا ,,,,,, انحرج سالم من الحاظرين

وحاول يصرف الموضوع وقال ,,, ماشاالله هذا باب المجلس ,, والله كبر بسرعه قسم بالله إني اذكره من يوم كان باب

دولاب ,, شفتوا كيف الأيام تمشي بسرعه وكبر وصار باب مجلس ,,, بس والله اني متحسف إني مالحقت عليه أيام

المراهقه يوم كان باب حمـّام ,, بس ولا يهمكم يالربع أهم شي إني عرفت بيته ,,,,,, قال عم سالم لسالم ,, بيت مين اللي عرفته وازعجتنا فيه ,,,, ارتبك سالم وقال ,, بيت الباب !!!,,,


وبعد مرور فتره قصيره قلط عم سالم الرجاجيل على العشا ,,, دخل سالم وهو مايشوف من الدوخه وجلس في أقرب

مكان ,,,, وحاول عم سالم والرجاجيل إنهم يقومون سالم لكن سالم قال ,, والله ما أجلس إلا هنا عادي كلها نعمه ,,

وعم سالم يسحب سالم ويقول له ,, قوم لاتفشلنا ,,,,,,, وسالم يقول ,, ياعم كلها نعمه خلاص باجلس هنا ,, رد عمه

بغضب وقال ,, ياحمار إنت جالس قدام الجدار وصحون العشا وراك ,,,,,,,, وكان سالم يحسب إنه جالس على صحن

عادي وعمه يبيه يقوم ويجلس على صحن المفطح مادرى إنه مقابل الجدار ,,, وقال سالم في محاوله لتصريف عمه ,,, ترى حتى الجدار نعمه من الله ,, واهم شي إني عرفت بيته !!!!,,,,




انتهى العشا وأخذ سالم زوجته وتوجهوا لبيتهم ,, وفي الطريق لفت على سالم سياره وحدته ,,, حاول سالم إنه يركز

في السياره ولمح واحد نحيف وقصير ,, لحقه سالم وقام يكبس له وزوجته تقول له اتركه وماله داعي المشاكل ,, وسالم

ماعبرها ,,, وقف راعي السياره الثانيه ونزل ,, وقف سالم المره هذي قدام راعي السياره لأنه مايضمن الوضع ومايبي

يتفشل مع زوجته مره ثانيه ,,, ونزل سالم بأدب وابتسامه وتوجه لراعي السياره وسلم عليه ,, وقام سالم يفتش سيارة

الرجال وفتح البيبان والشنطه ويسأله وين مخبي صالح ,, وراعي السياره مستغرب ويقول ,, من صالح ؟؟؟,,,,,,

وبعد ماخلص سالم من تفتيش سيارة الرجال وتأكد إن مامعاه صالح قال له ,,, عن إذنك شوي بس لاتروح ,,,, انطلق

سالم وركب سيارته ورجعها إلين وقفها ورى سيارة الرجال وفتح الدريشه عشان زوجته تشوف وتسمع اللي

بيصير ,,,, ونزل سالم وهو يبتسم ومسك الرجال وقال له ,, متأكد إن مامعاك صالح ؟؟ ,,,, قال الرجال بتعجب ,,

ما معي شي يابن الحلال وش تبي انت هاللحين ؟؟,,, تنفس سالم الصعداء وتغيرت ملامح الأدب واختفت الابتسامه وقال

بغضب وعصبيه وهو يوجه لكمه قويه لوجه الرجال ,, أنا جبان يادجاااجة الحارة ,,,,,,,,,,,,,,,,,,,



هههههههههههههههههههههههههههههههههههههههههههههههههه









ونشوفكم على خير ,,

[ح ـلم وردي]

ههههههههههههههههههههههههههههههههههههههههههههه


اما هااذي (( أنا جبان يادجاااجة الحارة ))

تو النـــــــــااااااس .. خ خ خ ..

شوكريااات حبوبه ..

[rania123]

هههههههههههههههههههههههههههههههه


حلوي الف شكر ئلك حبيتي

بس في كم كلمة ما فهمت معناها ( متلطمه ) (من الشين والخياس )

مشكورة حياتي

[شوق القصيم]

خخخخخخخخخخخخخخخخخخ

ونعم الدلاااااااااااخه والهستره

[حنان الكون]

وبعد مده انتهى صالح من ضرب سالم

هههههههههههههههههههههه
اخيرا مابغيت ياصالح وبعد مده كمان
هههههههههههههههههههههههههههه
ونعم الدلاخه والهستره على قول البت شوشو
يسلموو

[*كابتشينو*]

ههههههههههههههههههه حلوه
وتسلمين سهوره