كيف تقضين يومك في رمضان؟

[شوق القصيم]

عزيزاتي واخواتي العضوات والمشرفات .............

لقد ودعنا اول يوم في رمضان وها نحن نستقبل ثاني ايااامه

ماذا فعلتي في هذا اليوم وكيف قضيتي ساعاته ............


اتمنى من كل زائرة لموضوعي ان تشاركنا باعطاء نبذه مفصله عن كيقية قضائها ليومها في شهر رمضان ........

وارجوا الصراحه وعدم المبالغه في الوصف .........


لكي نستفيد من تجارب بعضنا البعض في كيفية تنظيم الوقت في رمضان .....

فمن كانت لا تجد الوقت الكافي فهي تستطيع من خلال هذا الموضوع الاستفاده ولو بعض الشيء من الاخوات
و الكثيرات يستطعن تغير طريقة قضاء يومهن في رمضان من خلال هذا الموضووووع

..

فلاتبخلي علينا بمشاركتك معنا...............

[مهاااا]

يسلمووووو ع الفكرة الاكثر من رائعه يا اغلى اخت

بالنسبة ليومياتي في رمضان فهي كالتالي//

لما اقوم من النووم اروح اصلي صلاة الظهر واقعد اقرأ قرآن لين الساعه 3 ونص ..اصلي العصر وادخل المطبخ اساعدهم واطبخ معاهم..تقريبا على الساعه

اربع ونص أو اربع وربع اكون تمللت من المطبخ فـ اطلع واروح اكمل قراءة للقرآن..بعدين نحط على الراي على برنامج الشيخ نبيل العوضي..وبعدها نتفطر

ونصلي ...ناخذ استراحة نجتمع فيها مع الاهل...بعدها نروح لصلاة التراويح ...ولله الحمد وبعد صلاة التراويح نستقبل الزوار اللي يتوافدون الينا...وبعدها

ادخل نادي المنال العزيز على قلبي...^_^ واتسحـر وانام عشان اقوم لصلاة الفجر...وهذا ملخص اليوم................

وسامحوني ع الاطالة

طبعا هذا الجدول في العطلة يعني هالايام..اما ايام الدرااسة راح يتغير بس ماراح يتغير وايد

[شوق القصيم]

ياهلا فيك مهاااااوي

جدولك اليومي حلووووووووووو

وانا بانتظاار باقي البنات



بالنسبه لي


اقوم الساعه 1 ظهرا اصلي ......وادخل المطبخ اجهز للفطور

واقضي فترة الظهريه بين المطبخ وبرامج الطبخ بالتلفاز

وبعدين ياذن العصر اصلي .وارجع للمطبخ وما اطلع منه الا اذان المغرب

ونجتمع على الفطووور وبعدين اريح شوي بعد صلاة المغرب ......

وبعدها اصلي العشاء والتراويح

وبعدها ارجع لحوسة مطبخي

وما اطلع منه الا الساعه 11 تقريبا بعدها اخلص شغل البيت الثاني>>>>>>مسكينه ما عندي شغاله


وبعدين ادرس عيالي الى الساعه 1 الليل وينامون

واقعد على النت ساعه تقريبا

والساعه 2 ونصف ادخل المطبخ واجهز للسحووور

وبعد السحور....زاقراء قراءن حتى صلاة الفجر

وبعدها اناااام للساعه 1 الظهر

وهذا جدولي اليومي

[مهاااا]

رااااااائع...بس المطبخ مشكلة الله يعينج

الا تعالي..بالنسبة لعيالج ما يصير انتي كل يوم تدرسينهم ؟

خليهم يعتمدون على انفسهم بالدرااسة..المفروض تعودينهم من يوم كانوا صغااار

انا يوم كنت صغيرة كانت امي تقول لي اعتمدي على نفسج بالدراسة...وسبحان الله عملت بنصيحتها ومالي الا اقول لها جزاج الله خير يا يمه

لان مشكلة اذا قعدتي كل يوم تدرسينهم...فرضا انشغلتي في شي شبتسوين ذيك الساعه ؟!!!!!!!!!!!!!!!!