عادات أهل المنطقه الشرقيه ((الدمام)) في رمضان

[بنت بيوت]

طبعا بما أني من أهلها

حبيت أقدم لكم أشهر طبقين عندنا

المشتهره به المنطقه الشرقيه

في رمضان كله

شي أساسي

والمايسويه يعني أنه مافطر فطور عدل

طبعا مع الفطور القهوه والشوربه

طبق حلو طبعا


((البلاليط))

المقادير:-

كيس بلاليط (شعيريه)
5 فنجان سكر
4 كأس ماء
زيت
ربع كوب ماء ورد منقوع به هيل وزعفران

للوجه:-
بيض
ملح
فلفل اسود
قليل من منقوع ماء الورد
زيت
الطريقه :-
يحمر نصف كيس البلاليط في الزيت حتى يشقر ثم يوضع الماء الحار والسكر وباقي البلاليط ويحرك ويترك لمدة 5 دقائق تقريبا حتى ينضج ثم يصفى ويوضع مرة اخرى في القدر ويرش عليه ماء الورد ويترك قليلا ثم يعمل البيض بان يخلط مع الملح وماء الود والفلفل ثم يسخن الزيت ويعمل على شكل الاومليت

ويوضع فوق البلاليط

أو يحرك حتى يتفتت ويخلط مع البلاليط .....حسب الرغبه




ويقدم بالعافيه





ومع العشاء كمان شي أساسي

طبق مالح طبعا

قبل رمضان تحصلي أهل الشرقيه مسكرين على روحهم يسون خبز رقاق.حق التشريبه طبعا


خبز الرقاق

دقيق بر
ماء للعجن
شوي ملح

نعجن لحد ما يتكون عندنا عجينة زي اللقيمات ونتركه يرتاح من 2 - 4 ساعة

نحمي التاوة ( الصاج) -- وناخذ جزء من العجين ونحطه على التاوة ونحرك بسرعة وخفة ( باليد للخبيرات) ممكن نستخدم غلاف الكاسيت أو غطاء مقبس الكهرباء – ونركه شوي ونبدأ نكشط العجين الزائد بواسطة الملعقة الكبيرة حق البيتزا أو البيض
ولما تبدأ الأطراف تتحمر نرفعها مع تحريك الملعقة من تحتها علشان ترتفع – ونحفظه في قدر كبير أو كرتون نظيف ( يستخدم للثريد ( التشريبة

طبعا التشريبه تكون مثل مرق القرصان ....

طبعا تعبت على ماجبت لك صور له










طبعا لو تدورين إي بيت بالمنطقه الشرقيه مراح تلقينه خالي من البلاليط والتشريبه

في رمضان الله يشرفه نصير متشوقين بالمره للبلاليط والتشريبه أمممممممممم

[القنوعة]

ماشاء الله

صاادقه

التشريبه ((الثريد ))مهمه جداا على السفرره والشعيريه


تسلم الاياادي

[موزة]

مشكووورة بنت بيوت على الوصفات شكلها لذيذة لكن عندي سؤال لم افهم مع ماذا يؤكل هذا الخبز مشكوووووورة

[بنت بيوت]

مشكورين على مروركم

وبنسبه لسؤالك موزه الخبز هذا مثل القرصان


يعمل مرق طبعا مبهره بلحم أو دجاج على حسب الرغبه


وتشرب به الخبز الرقاق وتقدم <<<<<عشان كذا احنا سمينه تشريبه

[موزة]

مشكوووورة غاليتي على التوضيح دمت بود

[ام عزوزي]

روعه ماشاء الله

[دلوعتي]

تسلم ايدك يا بنوته
ويعتبر هذا الطبق الحلو عندكم صح
الف شكر

[نبع الحنان]

سلمت يداك على الطبخات ..

[شوق القصيم]

تسلمين بنت بيوت

اشتقت لايام رمضان في الشرقيه وايام القريعان

[حنان الكون]

تسلم ايدك يا بنوته

روووعه ماشاالله