موقــف دمرنـــي

[منـــــو]

هااااااااااااااااااي

كيفكم منولات؟؟؟؟ تمام؟؟
انا الحمد لله تمام؟؟؟>>>>>>>> مين سألك

انا جبت لكم موقف صار لي وما ينسي موقف دمرني وحطمني
ما اطول عليكم
المهم هذا الموقف صار لي ايام الثانويه العامه
بعد سهر اليالي وعدم النوم والكريف والمذاكره والتعب وعدم الشرب والاكل وعلشانها ثانويه كنت بايعه الدنيا والي يجيبه الله حياه الله ماكنت اراجع اجاباتي اصلا كان اخس شي عندي اني اراجع بعد الاختبار ما عاد ينفع خلاص انا حليت
اصلا كنت اتعقد زياده لما اراجع اقعد اتحسف واتنكد وما اعرف اذاكر زين في الاختبار الي بعده افكر في الاخطاء

المهم اكمل لكم بعد هذه الايام التي كانت تمشي ثقيله كالسلحفاه
اتت ايام النووووووووووووووم
ولكن باقي فيه خوف وحيد يجيب لي القلق والتوتر وعدم النوم مع انها زي ما قلت سابقا ايام نوووم
و كان هذا الخوف المعروف بــــ النسبه

المهم تمر ايام انتظار النسبه ابطأ من السلحفاه وكل يوم يزيد التوتر والقلق والكوابيس الله لا يوريكم
والمهم جا اليوم الموعود اليوم المنتظر وانا طبعا مواصله من امس ومرتزه عند التلفون وركبي تصاقع وساكته شفتوا كيف ساااكته وهذا شي نادر الحدوث

المهم ابوي ما دق وانا زاد خوفي وقاعده اسأل نفسي ليش ما دق؟؟
اكيد راسبه انا وجهي والا نسبتي خايسه
وبينما الافكار تاخذني وتوديني سمعت صوت البوابه انفتحت
هذا يعني ان ابوي جا

وبسرعه فزيت ورحت ركض للحوش علشان اخذ النتيجه قبل اخواني تعرفون نذالة الصغار
المهم واخذ الملف الازرق الي هو ملفي وكانت فوقه الشهاده
انا كان كل تفكيري النسبه النسبه وبس
طالعت في مكانها على طول و

انصدمت


معقوله

وكانت عيوني خارجه واطالع في الرقم مره مرتين ثلاث
ماني مصدقه انا توقعتها خايسه بس مو كذا
ودخلت البيت وانا مصدومه وعلى طول توجهت لغرفتي وانا حاضنه الملف>>> من زين النسبه عاد
واخواني يسألوني يبغون يتطمنون وانا ساكته واطلع الدرج درجه درجه
وكانت اختي الصغير تسبقني تبلغ امي لقافة صغار

رحت الغرفه لقيت امي تنتظرني وقالت:هاه بشري
اختي قالت: مارضيت توريني
وانا ساكته
قالت امي :بسرعه قولي وسكتت شكلهافهمت ملامح وجهي قالت :مو حلوه صح؟؟
وانا هزيت راسي بأسى وقهر تعب هالسنين يروح كذا
قالت امي: اعطيني اشوف

انا صديت عنها كنت ابغا اتأكد من الرقم مره ثانيه يمكن ما شفته زين من الشمس>>>>> امحق عذر
واطالع في الشهاده الا هو نفسه ما تغير طالعت في المكان الي يحطوا فيه الترتيب
وشفت الرقم وش ذا احنا ما نوصل لهالرقم بس قلت يمكن جمعوا معنا الادبي>>>>> ياعيني ع التفكير
ماهتمت لرقم الترتيب اهم شي رقم النسبه
معقوله انا اخذ 72

وين راحت شطارة كل هالسنين والتعب والمذاكره والسهر وحل الواجبات
انا الحين وش الي يقبلني بذي النسبه الي زي وجهي
اصلا كيف اقدر اقول لأي احد يسألني عن نسبتي انها 72
صعبه..اصلا كيف جت هالنسبه.. معقوله
ما كنت مصدقه وكنت منهاره
خلاص ما في شي بهالدنيا يريحني او يهون علي
احلامي الحين كلها بتروح في البيباي ومستقبلي الي ببنيه على هالنسبه طاااار

وامي تحاول فيني وتقول:وريني
وانا خلاص منهاره رميت الملف بالي فيه ...خلاص ما بيفيدني الحين
ودخلت الحمام وبدأت الامطار بالسقوط
كنت ابكي من قلب وما كنت اقدر اوقف بكي
وهذا غير الشهيق والنواح طبعا ماكنت اقدر ابكي بصمت ساعتها كنت ابغا اسمع العالم كله

المهم وانا في وسط دوامة التفكير والبكاء سمعت ابوي داخل غرفتي وهو يقول مبروووووك مبروووووك
وانا اقول على ايش يا حظي ومستغربه من ابوي كيف يقولها يعني يبغا يهون علي هه ما في امل
واكمل مناحه وشوي اسمعهم يضحكون امي وابوي واخواتي
وانا مدري وش السالفه وقرب ابوي من الباب وهو يضحك قالي:منــو اطلعي اطلعي
وانا ساكته وما اتكلم بس ابكي
قال :اطلعي هذي مو شهادتك هذي شهادة اخوك

ووقفت بكاء فجأه معقوله واسمعه يعيد الجمله مره ثانيه وانا مو مصدقه
بعدها قال:نسبتك 92 الف الف مبرووووووووووك يالله اطلعي
وهو مسكين على باله بيخفف علي الا زادت المطار وحتى كان فيه رعود وعواصف
بدأت رحلة بكاء جديده
ابكي على خوفي وعلى الحزن الي كنت فيه وابكي من الفرحه مبسوطه بالنسبه وابكي ضحك على نفسي من هذا الموقف >>>>>> اول مره اسمعها ابكي ضحك كيف تجي ذي

المهم لما هديت وارتحت ما كنت قادره اطلع فشيله
وهم شكلهم مو ناوين يخلوني بحالي
المهم تشجعت وطلعت
ولما طلعت بدأ الضحك من كل مكان وانا متفشله ومنزله رأسي ما اتكلم

دخلت الغرفه وانا امسح دموعي واهلي الي يعلق والي ويبارك
وبسرعه قلت لهم :وينها؟؟
يحق لي ابغا اتأكد بعد الفجيعه المهم اعطوني الشهاده واطالع بالنسبه الا هي صدق 92 الحمد لله
ماكنت اتوقعها حلوه كذا تعرفون اسئلة الرئاسه توقعت اقل من 90حتى

الله يهديه اخوي وش ذا الكسل لازم يعني يخوفني
الاولاد دايم كسلانين وما يهتمون>>>>> اطمنت على نفسها

بس صراحه موقف عمري ما راح انساه طول عمري
اتمنى ما اكون طولت عليكم واعجبكم الموقف
يالله تشااااااااااااااااو

(ملاحظه: كم مره تتوقعون قلت كلمة "المهم"؟؟)

[حنان الكون]

هههههههههههههههههههههههههههههههههههههههههههههههههه هه
الله يسعدك زي ما ضحكتيني بنص الليل قومت امي من صوتي وقلبت علي وغير قفلت الكمبيوتر وسويت نفسي نايمه اشووووفها تناظر هونا وهوناك وتسمي يعني من الي يضحك <<<<<<<<مشكلتي معرف اضحك بصوت واطي
اما ابوك بصراحه زودها معليش يعني طيب هو قاصد المقلب ولا جات بلصدفه؟<<<<<<<<<سؤال يسدح نفسه
ههههههههههههههههههههههههههههههههههههههههه
والله موقف صعب بقووووووووه معك حق ماتنسيه بس الحمد لله طلعت مو شهادتك
والف مبرووووووك<<<<<تقلد ابوك
يسلموووووووووووووو قلبو

[الحب اسمى عاطفة]

ههههههههههههههههههههههههههههههههههههههههههههه

اجل منووو لو جبتي نسبتي اعتقد بتتمين تصيحين طول عمرج

هههههههههههههههههههههههههههههههههههه

موقف يجننن هههههههههههههههههههه

والف مبروووووك على النسبه .>>>>>>>>> جايه اخر الناس تباركلج هههههه

[مهاااا]

ههههههههههههههههههههههههههههه

اما هالموووقف جونااااااااااااااان

ههههههههههههههههههههههههههههه

ضحكتيني بجد

منــوو يوم قريت الموقف كأني انا اللي عايشته

مت ضححححححححححححك

الله يسعدك مثل ما اسعدتيني
هههههههههههههههههههههههههههههههههههه

[همس القلوب]

والله موقفك يضحك ولو كنت مكانك كنت الحين
اسمي النكتة ----------؟؟؟؟؟؟؟(اسمي )
تحياتي لك

[منـــــو]

دوووووووووووم الضحكه يا رب

وبصراحه ياحنوونه ابوي ما كان يقصد هو حطاها فوق بعض بس انا الفالحه مانتبهت للاسم

والله يبارك فيكم إن شاء الله

مشكورين ع المرور

[ام عزوزي]

ماشاء الله تبارك الله

الف مبروووك حبيبتي

وبالعكس يعطي للنتيجه طعم احلى بعد الفاجعه

بالتوفيق قلبي

[منـــــو]

الله يبارك فيك ام عزوزي

وعلى قولتك صدق لها طعم

حتى بعدها من الفرحه قاعده اتأمل الشهاده واقعد احسب كم اخذت في كل اختبار >>>> تطمنت ماراح تتغير

تسلمين على مرورك

[موزة]

ههههههههه موقف فعلا يقطع القلب الحمدلله الي نولك اللي بنفسك وما راح تعبك واحلى دموع هي دموع الفرح بعد الحزن مشكووووورة منو على الموقف الطريف

[منـــــو]

شوكرن موزه على مرورك

ودوووووووم الضحكه يا رب