اذكر وانا في المتوسط سوينا بلوه بس قبل ما اقولكم عن بلوتي راح اوصف لكم المدرسه
لانني باحتاج الوصف في مرات لاحقه
المدرسه كانت تضم المرحلتين الابتدائيه اللزقه >>>>>كنت اكرهم كره احسهم اغبياء
والمرحله المتوسطه >>>>>كنت احبهم حب لاني منهم خخخخخخ
والمبنى كان عماره وحالتها حاله مكسره من كل مكان
والبويه حقتها رايحه والادهى والامر والشر المستطر انو كان قدامها مقبره يمممممممه
بس الحمد لله كنا عايشين اصلا انا الحين افكر كيف كنت ادرس هوناك؟
اكمل المبنى كان مكون من ثلاث طوابق الاول للابتدائي العله
والثاني للمديره وشلتها
والثالث لنا حنا المتوسط بس بعدين دحشو معنا المعلمات علشان ما نزعج على قولتهم
لاننا كنا مزعجين درجه اولى والدور يصير هيصه ولعب وجنان وشغب ...الخ
وكان يربط بين الفصول بطابقنا بلكونه وياحلوها من بلكونه تحسونها تلم الشمل بعد الشتات
مع ان باب البلكونه الي بفصلنا كان مقفل وما فتحوه الا في ثالث بس الله يحفظ الشبابيك و عندنا كرسي دايم في مكانه في البلكونه
كانت الزيارات مستمره بيننا حتى نجيب معنا قهوة وحلا ونقعد سماري بالبلكونه ونشاهد المحاق بتأمل (المحاق هو القمر عندما يكون في نهاية الشهر يعني مظلم)
ونتسامر بقول النكت والحكاوي فقالت هند: يا ابي عندي طرفه
>>>>>> داخله عرض ذي القراءه
وانا كنت بثاني متوسط ب وكان ترتيب الفصول كما يلي
غرفة المعلمات >فصلنا المحترم >اول متوسط (وكانو حاكرينهم مع بعض وزحمه وحاله)>ثاني متوسط أ>ثالث متوسط الكبار (ماكنا نحتك فيهم لاننا نحسهم نكديات)
والان بعد ما وضحت لكم وصف ماي سكوول اقولكم وش صار فيها
3
2
1
اكشن
يوم من الايام الغثيثه على قلوبنا كانت معلمه احد المواد ما اذكر الحين مين هي غايــبــه
وهذا ماهون علينا ذلك اليوم وكان علينا بعدها عنقليزي
وبينما نحن في حالة فرح وبسطه وشكشكه جات وحده من صديقاتي الفاضلات الي مدري وين ودتها الدنيا اليوم كملت الفرحه
وقالت لنا : بنات تدرون وش جايبه انا اليوم؟؟
وتطالع فينا نظرات بعدها مصيبه واحنا بحكم العاده والغريزه المتوسطيه
اعجبتنا النظرات وقلنا :وش جبتي؟
قالت وبكل فخر:طراطيع نجوووووووم >>> عرفتوها ؟
المهم وتمتلىء قلوبنا فرحه وبهجه ونشوه مصطفى وتمتلى وجيهنا بالابتسامات الماكره
وبعد التخطيط لما سنفعله قامت وحده من البنات نزلت للتدبير وهو في مبنى ثاني وجابت ولاااااااااعه
وقمنا طفينا الانوار وقفلنا الباب والشبابيك
وبدأت الحفله الهادئه >>>>>> لاتنسون ان غرفة المعلمات بجنبنا
ونلعب ونضحك بس ضحك هادي ونسوي نذاله في بعض ونحن في خضم هذه الحفله والفرحه العارمه
خلصت الالعاب الناريه>>>>> تبغا تعيش الجو
والفصل صار مظلم زياده من الدخان المتصاعد من الطرطوعات
ووقت الحصه قرب يخلص فقمنا بفتح الشبابيك والمراوح >>>>> هي بس مروحه واحده
وما قدرنا نفتح الباب لان الرائحه الكريهه مالت الطريطعات بتوصل لهم
وكانت حالة البنات حاله الي تصاقع من البرد لاننا فتحنا المراوح على اعلى درجه
والي تتهوا بتحريك الدفتر امام وجهها تقولون قاعده بصحراء
والي واقفه عند الشبابيك وتحرك يدينها يمنه ويسره كنها تهش ذباب
وهذا كله عشان ذي الريحه
ونحن في خضم العمل >>>> عاجبتها هالخضم
سمعنا صوت قادم من البعيد المجهول
صوت قد طربت واعتادت اذاننا لسماعه
صوت كعب معلمه العنقليزي المعروف
وبسرررررررررررررعه
وكل وحده خلت شغلها ورجعت مكانها بعد ان لبسنا اقنعة البرائه
ودخلت وهي مستعده لقول كلمتها المعتاده مع اننا في وسط الظهر: good mor
وقطعتها وتغيرت ملامح وجهها وقالت:وش ذي الريحه؟؟؟
قالنا. ما ندري الريحه طلعت ماندري من وين وخفنا بعدين طفينا النور والمروحه >>> وكان انذاك الي قريبه من زر
تشغيل المروحه قفلته
>>>>>>> استغفر الله يالكذب طالع غلط
قالت وقد انتابها الشك :طيب اطلعو الحين من الفصل
وطلعنا وما زالت اقنعة البرائه تعترينا
والمعلمه قاعده تحوس بالفصل على بالها مسويين شوي بالفصل >>>>> تصدقون فكره ليش ما سويناها ..تتعوض
شوي وتطلع وتبدأ التحقيق لانها بصراحه جريمه يعاقب عليها القانون المدرسي وفيها تعهد وفصل
تجيبين مواد محضوره ومشبوهه للمدرسه >>>> لااا تسوون مثلنا
ومن الاسئله: متى شميتو الريحه؟؟
مين اول وحده شمتها؟>>>> مدري وش الفايده من ذا السؤال؟؟
ما شفتوا من وين طلعت؟
تتوقعون من برا والا من داخل؟
واحنا ياعيني على البرائه ممثلات بصدق
وجت وحد من البنات الله يهديها كانت بتخرب علينا لولا لطف الله وتهورت وقالت:يمكن ذي المبه احترقت وطلعت منها الريحه
الحمد لله والشكر على العقل الحين لو شغلوها بتطيح على روسنا وهي اختارت هاللمبه لانها نيون والبلاستيك الي عليها مفقود منذو مبطي
وهذا شي طبيعي بهالمدرسه
المهم المعلمه سالفة ان اللمبه احترقت ما مشت عليها
واحنا تداركنا الوضع وقمنا نوقف مع صديقتنا ونقول: ايه صح ممكن
ونحاول نلفق الوضع وهدت المعلمه شوي عدا نظرات الشك والحذر
بعدها قالت: انا باروح الحين وجايه لا تدخلون الفصل
وراحت ومن بعدها انقسم الفصل الى حزبين
حزب الشطار الي يخافون من المشاكل والبساس(هذا لقب يطلق على الي تعلم على سر من اسرار الفصل) وسميناه حزب "علم" >> فاضيين نسمي
وحزب آخر وهو حزب الرجه والي يحبون المشاكل والي يدعون القوه وسميناه حزب "لا تعلم"
وطبعا علشاننا متوسط فأن حزب"لاتعلم" هم الاغلبيه
فحاصرنا حزب "علم" واحطنا بهم من كل الجوانب >>>> لاحظو اني من حزب"لاتعلم" خخخخخ
وحكرناهم بالزاويه ولبسنا الواقيه من الرصاص واشهرنا اسلحتنا ورفعنا عصينا وسوينا حاجز بلاستيكي ضد الشغب
واخيرا عندما الحال ما مشي معهم اطلقنا الغاز المسيل للدموع >>>>> لا تفكرون غلط
وركدنا جميعا عندما اتانا المنادي ينادي : جت جت جت جت (المنادي وحده من البنات خليناها عند الدرج علشان تنذرنا)
وقررنا نحن الاغلبيه السكوت وحفظ هذا السر وعدم الافشاء به لاحد الاعداء ولوعلى قطع رقابنا>>>> شفتوا كيف الولاء
وبعد عدة ثواني من انتهاء الاجتماع جتنا المعلمه بس مو لحالها جت بالمديييييييييييرره
هاها احنا شفنا المديره خلاص رحنا فيها يعني تهمتين جلب مواد مشبوهه للمدرسه والكذب العمد
ساعتها صار الكل خايف بس نكابر ومانوضح علشان ما ننفضح بين العربان
مع ان عظامنا تصاقع في بعض وتحتك كثيرا وبسرعه حتى صرنا بنات مسحب (على وزن دجاج مسحب الا وهو الدجاج الخالي من العظم)
وجت المديره وقالت :وش صار؟
فانطلقت السنه البنات بحكايه القصه الملفقه
وسكتت ودخلت الفصل رغم ان نظراتها تتبعنا حتى في احلامنا
وجلست تتهامس هي والمدرسه وكل شوي يطالعون فينا بتلك النظرات البريئه التي تحمل في طياتها كل معاني الحب نظرات كنظرات الام الحنون الى صغيرها الي كسر المواعين
وشوي وتخرج المعلمه وتنزل الدرج >>>> سمعناها من الكعب
وكلها ثواني الا تنطفي انوار المدرسه كلها
يالله يعني معقوله حتى العدادات احترقت >>>> كذب الكذبه وصدقها
وتقول المديره :قولولها تشغل
اييييييييه الحين فهمنا يعني المعلمه راحت تطفي الانوار على المدرسه كلها علشاننا احنا بس
يالله يعني لها القد يحبوننا >>>> ايه هين
وراحوا البنات بجميع الاصوات يصارخون :شغلي شغلي شغلي
وكل وحده من مكان كانهم صاحب ورشه يصارخ على عماله
وتشغل وتطلع وتدخل الفصل ويكملون مساسر
معقوله السالفه تحتاج كل هالكلام الظاهر يتكلمون على حفل تخرج ثالث >>>> داخل عرض
وبعدين يقربون من الباب لان ازرار التشغيل مالت الانوار عند الباب يقولون:بسم الله بسم الله
كانهم بيذبحون الاضحيه والا شايفين لهم جني (بسم الله علينا )
ويشغلون الانوار وتشتغل
واحنا اقنعة البرائه لسا على وجيهنا مع انه كان حر بس يالله نتحمل في سبيل الوطن
وجت صديقتي الحبيبه الي افتت في المره الاولى وهي ناويه تخربها مع انها من حزب"لا تعلم" بس الغباء وفعايله
وقالت: يمكن من اللمبه هذيك >>>>> شكلها صدقت
المشكله انها تأشر على لمبه محروقه منذ زمن الفراعنه وعمرها ما اشتغلت
بس الحمد لله البنات تداركوا الوضع مع انهم ساعتها صغروها بس لازم تبغى تفضحنا قالوا : لا لا لا لا لا هذي محروقه من زمان يمكن الريحه من برا احد يحرق او شي
هذه الرسالة تفيد بأنك غير مشتركه أو لم تسجلي دخولك بعد. للاشتراك الرجاء اضغطي هنــا 
جات وحده من صديقاتي الفاضلات الي مدري وين ودتها الدنيا اليوم كملت الفرحه 
ورفعنا عصينا وسوينا حاجز بلاستيكي ضد الشغب 
العرض العادي
