فقدت صديقتي بسبب مشكله مالي دخل فيها ساعدوني

[الدلع شرقاوي]

السلام عليكم

اتمنى كل وحده تقرا المشكله ترد بليــــــــــــز
مشكلتي اني فقدت صديقتي بسبب مشكله انا مالي دخل فيها

والمشكله تبدا يوم كنا انا وصديقاتي جالسين ناكل بالبريك

وكنا نسولف زي كل يوم وفتحنا موضوع اهميه الانجليزي تعرفون انتوا اهميتها

وكانت وحده من المجموعه شاطره بالانجليزي وكل كلمه وثانيه قطت كلمه بالانجليزي

وكانت تتفاخر بان مستواها احسن من مستوانا تقول انا كل عايلتنا تعرف انجليزي

صديقتي2 (ماتعرف انجليزي) ردعليها وقالت انا ماما ماتعرف تتكلم انجليزي

فردت وقالت وانا اشوف من وين جايبه هالغباء هذا كله اثر من امك والعايله كلها

صديقتي سكتت ماعرفت وشو تقول
ورن الجرس وصعدنا الفصل

انا وصديقتي 2 بنفس الفصل
وراحت الثانيه تبكي تقول ليش تغلط وتتفاخر علينا كلنا ناس
وقالت لي ماراح امشي معاكم خلاص
انا حاولت اصلح بينهم بس مافي فايده

صارت ماتكلمني ولاشي حتى السلام ماترده مع انه كنا قريبين من بعض وانا ماغلطت عليها ولا تكلمت بكلمه

انا ايش ذنبي؟؟؟؟؟؟؟؟؟؟
بليز ردوووووووووووووا

[مهاااا]

الدلع شرقاوي

مشكلتج بسييييطة يالغالية

ياما صارت لي مع صديقاتي >>>> مجربة وااايد ههههههههههه


يمكن اهي ما قامت تكلمج لانها شافتج تدافعين عنها (( قصدي يوم كنتي تصلحين بينهم كانت تفكر انج معاها ))

فـ انتي حاولي تروحين وتصارحينها بالموضووع او تكلمينها بالرسايل اذا كنتي منحررجة ... تراها طريقة عصرية وحديثة ههههههههههههههه

حاولي تخشين في درجها رسالة تعتذرين وما تجرحينها بالكلام .... وامدحيها برسالتج وقولي انتي عزيزة وغالية علي وانا مابي اخسر صداقتج الغالية و ....الخ

صدقيني مع الوقت بتنحل المشكلة

وهي احتمال ما تلاقي حد تمشي معاه فـ بترجع لكم ... وممكن اذا ما رجعت تجيبين لها هدية بسيطة أو تذكار عليه اعتذار او شي مثل جذي

واذا ما نفعت معاج هذي الطرق باذن الله الحلوول وايد وبندور لج حل... بس انتي لا تفكرين

اذا عندج رقمها اتصلي فيها ... وما اعتقد بتسكر التليفون في ويهج -_-

ارجوا اني اكون افدتج يالغالية ... واي شي تبينه انا في الخدمة داايما ... تقبلي رأيي

[الدلع شرقاوي]

الا جربت اللي قلتيه كلمتها وجه لوجه
ودقيت دايم تصرفني اوتحقر

[الدلع كله]

حبيبتي دلع انا رايي من راي مهاا

قد فكرتي تعطينها هديه؟؟؟



أعطيها وجربي ....

واستغليها دامنا بالعيد...








ويادلع أكيد صديقتك كرهت صديقتكم اللي سبتها فاتوقع

أنها ماخذه فبالها انها لو ارجعتلك راح ترجع لصديقتكم اللي سبتها

عشان كذا اتوقع ان ما ودها ترجعلك



وبصراحه اتمنى اتمنى ومن أعماق قلبي انكم ترجعون مثل أول وأحسن

[دلوعتي]

الدلع شرقاوي

اول شي احب اهنيك على حبك لصديقتك وحرصك على ارجاع العلاقه بينكم

شوفي ياغاليه

صديقتك زعلت يمكن لانك مادافعتي عنها في الوقت اللي تكلمت فيه صديقتك الاولى

حاولي اذا جات الفرصه انك توضحيلها ان هذا مو سبب انها تتركك

وانكم اغلى من اي شي يفرق بينكم

ثاني شي وضحي لصديقتك الاولى انها غلطت واذا ممكن انها تعتذر خير وبركه


صديقتك الثانيه كلميها واشرحيلها الوضع انها اغلى من كل شي
وانك حريصه على العلاقه بدلاله انك تكلميها رغم انها جافيه
اذا سمعتلك كان بها واذا مالم
قولي اللي عندك واتركيها تفكر في كلامك فترة من الزمن تراجع نفسها
وصدقيني راح تراجع نفسها وترجع واذا رجعت حاولى انك ماتفتحي الموضوع معاها مرة ثانيه
وعلميها

مو عيب ان الواحد ماعنده لغه اغلبنا ماعندنا وبالعكس المفروض ان هذا اللي صار يحمسها انها تتعلم وتتقوى علاقتكم في بعض

[حمرة الورد]

هلا أختي الدلع شرقاوي

ماشاء الله البنات عطوك كل الحلول .

وإنتي حاولي كم مره مع صديقتك اللي عندها لغة إنها تعتذر وفهميها إن ماحد يولد متعلم

وهي غلطت في حق صديقتك اللي زعلت منك من دون سبب .

أنتي تشوفي انها زعلت بدون سبب بس هي شايفة أسباااب كثيرة تخليها تزعل منك

وهي ...

إنك مادافعتي عنها لحظة ماصار النقاش أو الزعل

وإنك مثلا ماجيتي بصفها وزعلتي معها من الصديقة اللي عندها اللغة .

الحل ...

إنك تروحي لهم الثنتين وتحاولي إنك تخليهم يعتذروا . من بعضهم

وإنك صداقتكم أكبر من هذا الزعل

ومستحيل شي يفك رابط هذي الصداقة ...

وإن شاء الله ترجعوا مثل اول وأحسن .

وإللي فيه الخير راح يصير ...

ولاتنسي طمنينا عنك ...

[الدلع شرقاوي]

شكرا ع الحلول انشاء الله اجربها كلها مع اني جربتها بس مافي فايده

الكلام اللي قالته تقصد فيه احنا الثنتين
يوم كلمتها قالت زلت لسان

والثانيه مو مصدقه تقول متعمده وصل الموضوع الاهالي كبرت السالفه
خــــــــــــــــــــــــــــــــــــــــــــــلاص

انا اتوقع انها ماراح ترجع لان امها قالت لا تمشين مع وحده تسب امك
خـــــــــــــــــــــــــلاص
انتهت الصداقه بينا
ايش رايكم؟؟؟؟؟

[كوين الحجاز]

انتي سنة كم لاني اشوف المشكلة هذي عند اولى إبتدائي