الجمهره لحامد زيد

[منـــــو]

أثر المصايب ما تجيك الا من الناس القراب
وبهالزمن حتى الخوي اللي تثق فيه احذره

لا بارك الله في رفيق تزعله كلمة عتاب
ولا جمع الله الرجال اللي تفرقهم مرة


عودت نفسي كل ما شددت للقمة ركاب
ما أصد وجهي عن طريق الا لجبت خبره


الصاحب اللي ما يجي من صحبته غير العذاب
نذر علي ان ما هجرني أنا اللي بأهجره


من يفتح لفرقاي باب أفك له عشرين باب
واذا خويي ما يقدر خوتي ما أقدره


ان روحوا فأنا بريء منهم ليوم الحساب
وان جرحوا قولوا لهم ما حركوا فيني شعرة


شفهم لهم حول السنة ولا أخذوا مني جواب
أحسن دواء للي يحاول يستفزك تحقره


أنا جمعت أوراقهم بكتاب و أغلقت الكتاب
يا وقت لم اللي تلمه وانثر اللي تنثره


ما كنت أحاتيهم صغير عاد أحاتيهم شباب
ان ماذخرني صاحبي لليوم الأسود ما أذخره


عقب اكتئاب البارحة ماني بحمل اكتئاب
الطيب جرجرني وأنا ماني بناقص جرجرة


اللي يخاف من الظمأ يترك لنا طرد السراب
واللي ماهو قد الظلام ووحشته لا يسهره


أنا تجرعت الظمأ لين احترق وجهي وذاب
أنا كسرت بخاطري قبل الصداقة تكسرة


..أنا خسرت اللي غيابه غير عن كل الغياب..
..أنا غفرت لعالم ما تستحق المغفرة ..


أنا أكثر انسان تعلم من كثر ما أخطأ و صاب
أنا اخر انسان يتكلم في زمان الثرثرة


أنا القصيد اللي نزع من دفترة مليون ناب
..وأنا الوحيد اللي جمع مليون ناب بدفتره ..

جفني وجرحها السهر حيلي وهدتها الصعاب
دمعي هدر ضحكي ندر عمري وضيعت أكثره

شيبت بعقول العرب هيبت روس ما تهاب
..جمهرت ناس عمرهم ما يعرفون الجمهرة ..

ما صرت ذيب الا لأن اللي حواليني ذئاب
..ما كنت أغيب الا لأن العفو عند المقدرة ..


ترى حلاتك لحملت لصاحبك كلمة عتاب
ان ما نطقت بها بوجهه ما تهمه بظهره

في هالزمن مايملي عيون الحسود الا التراب
والا الحضيض الطلقة اللي ما تصيبه تذعره


ودك لا من جاتك الغلطة من الناس القراب
...الصاحب اللي ما كسبت محبته ما تخسره ...

[أم رند]

يعطيك ألف عافية على الأبيات المختارة منـــــــــــــو

[*كابتشينو*]

امووووووووووت بهالقصيده هذه كل ما اسمعها ولا اقراها اقعد ابكي
احس انها تقول قصة حياتي وخصوصا البيت هذا

جفني وجرحها السهر حيلي وهدتها الصعاب
دمعي هدر ضحكي ندر عمري وضيعت أكثره

صح لسااااان قايلها وسلمت يدااااااكي يا منو

[~ ريم ~]

اختيارك رائع منو

يسلموووو عيوني

[منـــــو]

مشكوره كابتشينو-ام رند-ريم على مروركم


والله يسلمكم يارب

[همس القلوب]

تسلمي حبيبتي وكل شي تجيبيه
عسل زيك
تقبلي مروري

[منـــــو]

مشكوره هموسه على مرورك يا عسل

[حنان الكون]

ودك لا من جاتك الغلطة من الناس القراب
...الصاحب اللي ما كسبت محبته ما تخسره ...


اكيد روووعه دامه لحامد زيد
وهلقصيده بلذات


مشكوره منو

[منـــــو]

العفو حنونه

مشكوره على مرورك غلاتي

[نداوى]

احسنتي يا منووووووووووووووو

باختيار ك لهذا الموضوع الجميل ،،،،،، بارك الله فيك