~*¤ô§ô¤*~*¤ô§ô¤*~ملتقـــى الداعيــات~*¤ô§ô¤*~*¤ô§ô¤*~

[مذهلة اليمن]

بارك الله فيكن اخواتي
وبنكون اكيد من المتابعات لكن باذن الله لنستفيد من هذه الدروس
جعلها الله في موازين اعمالكن اخواتي

[مهاااا]

وبارك فيك ياغالية .. تفاعلك معي في الموضووع يسعدني يا مذهلة .. تابعي بقية الفقرات

[الحب اسمى عاطفة]

مممممممممممممممم
مهاااو بالنسبه لسؤالج

تذكرة موقف صار معااي يتعلق بالموضوع ::::

انا اخر مره حاولت انبه بنت لخطاهاااا

تدرين اش كان ردد فعلهااا اصرخت في ويهي وعقت الكتب من الطاوله للارض

السالفه:::

في بنت كانت حاطه مكياج قوي قوي والمشكله موب حلووو والبنات يضحكون عليهااا

ويقولون من وراهاا مهرج ...

المهم رحت عندهاا في البريك بعد class الاول كان عندي braek 10 دقايق فقمت وقعدت عدالهااا

عطوفه::اشحالج اليوم عسى ابخير وسهاله اسمحيلي ما شفتج الصبح عسب جي ما سلمت عليج

(م)::هلا ابخير وسهاله لا عادي ما عندي مشكله >>>> البنت كانت متنرفزه

عطوفه:: حبيبتي بقولج شي بس لا تزعلين ...مكياجج موب كنه شوي سايح ..حبليت اقول......>>> وما خلتني اكمل كلامي

(م):: كيفي مالج خص ماحد طلب رايج ...كيفي خليني روحي

وبعدين ظربت بيدهاا عالطاوله وعقت الكتب ع الارض شي طاح على وشي طاح عند اريولي وطبعا الكل كان يطالع صوبنا وما يعرفون السالفه ..البنت اطلعت من الclass راحن واهاا اربايعهاا وردنهااا ...وبنات الصف كلهن ماخذت فكره عني اني احب الضحك والمزح والسوالف وفكروني اتطنزت عليهاا

بنات الClass كان يطالعوني طول ساعه الدرس بنضرات اصتصغار وكاني غلطانه ...وحده تقولي كله من ايدج ...والثانيه تقولي احرجتي البنت ...وهجذا

في ذاك اليوم والله ما قدرت ارفع راسي من ع الارض مع اني ما سويت شي غلط او يغضب رب العالمين ...بس نضرت اربيعاتي وكانيانا الغلطانه

بالباجر ::

رحت عند البنت ولا كان شي صار وسلمت عليهاا وسولفت وياهاا عادي بس عشان اتاكد انهاا ما زعلانه

المهم:: مره السنوات يمكن سنتين ع هالسالفه ومن اسبوع كنت قاعده ارتب اوراقي ودفاتري طاحت ورقه مكتوب فيهاا بالانجليزي وبمعنااه انا اسفه كنت مضايجه البارحه وما اعرف كيف صرخت بويهج كذا اسمحيلي ..>>>>>> نفس البنت كاتبتهاا لي وما شفتهاا غير من اسبوع

الخلاصه من الموضوع :::

انا من بعد هالسالفه ما افكر انصح حد لان بصراحه كل بنات الصف خذو عني فكره غلط وبسبب بنت كنت ابي انصحهاا واوجهاا للصواب

وكانهاا تقولي يافعال الخير لا يزاك الله خير ):

يعني يا بنات لو وحده انحطت في هالموقف وهي كان قصدهاا خير والله العالم انيه قصدي كان انصحهاا وما استهزي بهاا

لو انا كنت مكانهاا وسويت فيهاا يلي سوته فيني ما اعتقد كانت تفكر مجرد التفكير انهاا تيي بالباجر وتسلم على ....

ابي رايكم فهالموقف ...

وليش المنصوح في بعض الاحيان يرفض مجرد السماع لنصيحه الناصح ؟؟؟؟؟

[مهاااا]

عطوووفة

انتي ما سويتي شي غلـط .. بس انتي جيتيها بوقت غلــط .. انتي قلتي من البداية يوم سلمتي عليها كانت متنرفزة .. وردة فعلها اكيد بتكوون سلبية ..

ومن خلال موقفج .. عطيتينا المفتاح الثاني للدعووة .. اللي هوو : اختيار الاوقات والاماكن المناسبة للنصيحة ...

يعني انتي كان بامكاااانج تقووولين لها النصيحة في وقت ثاني .. وبأسلووب افضل شلون يعني .. انا اقولج : مثلا تقولين لها : الله انتي مسوية مكياجج ؟؟ والله انج فنانة ماشالله .. بس تدرين لوو خففتيه بيكوون احلى واحلى

فهمتي ؟؟ ... انا هذا اللي اقصده.. وتذكري .. موو بأي وقت تنصحيييييييين ..

هذا مو يعني انج غلطانة .. لا ابدا .. بس الوقت اللي جيتيه فييها غلط ...

اعطيج مثال صارت حق وحده من ربيعاتنا .. كان في المدرسة وحده بووية .. يعني مسترجلة .. وكااان فيها خير بس ماعندها حد ينصحها .. ذاآاك اليوووم كانت تتكحل في الحمام .. راحت لها ربيعتي قالت يااااي شكلج حلوو بالكحل .. وااايد بنووتة ماشالله عليج تيننييييين ليش ما تسوين جذي دايما !.. وتعرفون انتوا ان البويات يبوون يكونون محط الانظاااار .. فـ من يومها هذا وهي صايرة بنوووتة والسبب ان احنا نصحناها بأسلووب رائع ..

اتمنى تكونين فهمتيني عطووف .. ولا تزعلين ترا احنا قاعدين نتناااااقش .. ونتعلم من اخطائنا ... والعلم نوور

تحياتي

[الحب اسمى عاطفة]

اهااااااااااااااا

مهاااااااااو انا يمكن ايتهاا في وقت غلط

بس ما يحق لهااا تصرخ في ويهي وهي بنت جامعيه موب بنت مدارس

فشلتني جدام الاستاذ ...وفشلتني جدام اربيعاتي وخذوا فكره غلط عني

مع اني كنت ارمسهااا بهداوه وبصوت واطي ...

ومثل ما قلتي اختيار الوقت مهم

[مهاااا]

عطوفة سامحيها يمكن كان عندها مشاكل بالبيت او مع ربيعاتها بالمدرسة .. ما تدرين كل انسان له عذره

والرسول قال : التمس لأخيك ولو سبعين عذرا

ولا تخلين هالموقف يأثر فيج .. بالعكس انصحي وما عليج من الفشيلة .. واهم شي مثل ما قلت لج اختاري الوقت المناسب

[الحب اسمى عاطفة]

مهااااو

بسالج وجاوبيني ابصراحه

تعتقدين ان النصيحه في زمن اكثر الناس ما يعطونهاا اي اهتمام تفيد ؟؟؟

ماهو بسهل تغيرين تفكير تغيرين الناس بهالسهوله!!!!

مهااااو ياليت اذا الصورة بهالسهوله انا يا ما نصحت ناس واصرخوا في ويهي ....

ياما اغلطوا على ناس وبالاخير انا يلي اعتذر منهم وابوسهم ع الراس .....

وانا دامي اشوف ان النصيحه راح تسويلي هالبلاوي كلهااا

وش يلي حادني انصح ناس راكبهاا الغرور ...
وش يلي حادني انزل دمع عيني عسب ناس ما تستاهل ...
وش يلي حادني ان الكل ياخذ عني فكره غلط ...
اذا اعرف هالشخص ما يعطي نصيحتي اي اهتمام عمره وش يلي حاني انصحه واحرج نفس معاااه...


برايي موب كل شخص يستحق النصيحه
النصيحه للي يستحقهااا وبس ....

وهذا من رايي

اختج

عطوفه

^_^

[دلوعتي]

متابعتكم
لي عودة
للرد عليك ياعطوفه ياعسل

[مذهلة اليمن]

مواقف كثيرة تمر بالنسان بس علينا نتعلم من هالمواقف
وصح اهم شي اختيار الوقت المناسب للنصيحه
عطوفه فعلا لاتخلي هالموقف ياثر
دامج تجراتي ونويتي تنصحينها فهي بادرة طيبه منك انك ماكنتي راضيه على الغلط ويكفي انك
حاولتي..........بس لو احنا نتذكر الرسول ومواقفه مع المشركين صدقيني بيهون علينا كل شي
بس احنا نبي دعم وتشجيع وباذن الله اننا ننجح
مشكورات مهااا وعطوفه الله يجزاكم خير يارب

[مهاااا]

عطووووفة

لا مانع من تكرار المحاولات ..

.. مستحيــل كل الناس ما تتقبل النصائـح ..

اكيـد فيه ناس فيهم ذرة خيـر نابعة بس مو راضية تنبت

لازم احنا نزرعها

صدقيني .. اذا احنا ما تحركنا .. منوو اللي بيتحرك ؟؟؟

اذا احنا ما بدينا .. منوو اللي بيبدا ؟؟

خلينا نغير انفسنا ونغير العالم من حوالينا ..

صدقيني عطووف .. فيه ناس تحتاج النصيحة وما عندها حد يعلمها ..

اتمنى تكونين فاهمتني عدل .. بانتظار ردج يالغلاآا