~*¤ô§ô¤*~*¤ô§ô¤*~ملتقـــى الداعيــات~*¤ô§ô¤*~*¤ô§ô¤*~

[الحب اسمى عاطفة]

مهاااااااااو جدي الله يرحمه ما قدرت اسلم عليه بسبب مشكله صارت بين ابوي وعمي ابوي ما كان يسمحلى ارووح بيت عمي ويوم سمحلى فات الاوان

قصه جديده

خوالي :::

واحد من خوالي اكتشفت وجدوده يوم كان عمري 12 سنه مع اني كنت اروح بيته مع امي بس ما اعرف شو يقرب لي


عمي اخوي ابوي ::::

اسلم عليه في السنه كلهاا مره او مرتين بس


اخوي العود:::

اخر مره شايفته فيهااا من عشر شهور تقريبا
بس لله الحمد بينا اتصال

امي وابوي :::

في سنه من السنوات كانت تمر على ايام ما اشوفهم بسبب ظرووووف مره يهاا عايلتنا

يعني يمكن كانت اجوفهم في الليل اذا كنت صاحيه !!!!!!!

امي العوده (جدتي )::::

اسلم عليهاا في السنه يمكن خمس مرات بس

ــــــــــــــــــــــــــــــــــ

مع العلم والمصيبه نحن يميع ساكنين في نفس المنطقه

ما بين ابويتنا غير شوارع ونقدر نروووح ابيوت بعض مشي ما يحتاج سياره


وكل هذا صار غصب عني ...................


لي عوده لذكر الاسباب الرئيسه لقطع صله الرحم في بعض الاسر

لي عوده للموضوع

[مهاااا]

بانتظار عودتك.. لمعرفة أصل المشكلة ..و ايجاد حل لها ..

[الحب اسمى عاطفة]

يا اختي المشكله وبما اني مرت فيهاا وجربتهاا شخصيا
لهاا عده اسباب ::

السبب الاول::

الاهل ومشاكلهم بالدرجه الاولي

يعني الاهل واجبهم انهم يعلمون عيالهم عن خوالهم وعمامهم وعليهم ما يطروونهم بالشيبن جدام العيال عسب ما يكرهون العمام والخوال....واذا صارت اي مشكله بينهم عليهم ما يدخلون عيالهم فيهااا

وانا سبب عدم معرفتي لعمتي مثل ما ذكرت في القصه الاولي يلي كتبتهااا كان ان هلى ما علموني عنهاا وكانت كا ما تي عندنا يقولون سلموا ع الحرمه (ونحن ما كنا نعرف ان هالحرمه عمتنا يعني نتحسبهاا وحده من معارف هلي)

وسبب عدم سلامي على جدي الله يرحمه وعلى عمي مثل ما ذكرة في القصتين السابقتين هو مشاكل الاهل يلي دخلونا نحن العيال فيهاا مع انه ما لنا ذنب

ولي عوده للمناقشه في الموضوع
""ابي ابرد جبدي وافش خلقي عدل """

[مهاااا]

عطوووفة

فشي خلقك على رآآحتك حبيبتي .. كلنآآ خوآآآت ونساعد بعضنآآآآ ..

انتي صآآآجة يوم قلتي ان السبب هم الأهل ..

لانهم هم العآآآمل الأكبـر في هالشي ..

لكـن يا عطووفة

انتي لازم تبدين صفحــة جديده مع معارفج .. ( عماتج وخالاتج ..الخ )

حآآآولي تبينين لهم انج تغيرتي للأفضـل .. وانج تحبينهم .. وتبادلينهم الاحترآآآم والمودة

مثلاآ اذا كنتي فآآضية في يووم من الأيآآآم .. ليش ما تسووين فوالة ( يعني اكلة او قهوة وشاي )

وتودينها لعماتج .. صدقيني بيترك أثر في نفووسهم ورآآآح يحبوونج ..

ورآآآح تتقوى العلاقة بينكم ..

لي عودة

[دلوعتي]

عطوفه المني ماقرات


الان

اتركي مامضى

والاهل الله يسامحهم


الان انت مسؤله من نفسك

طالما زوجك مايمنع انك تواصليهم

انت ابدئي وخيرهما الذي يبدا بالسلام


اول شي اتصلي عليهم


مرة ثانيه روحي زيارة رسميه

ولا تتكلمي في الامور الماضيه

لاتكرري غلطة اهلك


روحي زيارة سولفي كانهم اول مرة

ولا حظي لاتتوقعي الطريق مفروش بالورد

راح يستغربوا

ويرموا كلام ووووووو

كله هذا حطيه في بالك

لكن اهم شي انك ماتقطعي


والله يهدي الامور بينكم يارب

[مهاااا]

صح كلام دودو ..

وانا معآآآآهآآآآ في الرآآي ..

[مذهلة اليمن]

كلام عطوفه صحيح
الاهل لهم الدور الاكبر في توجيه ابنائهم
وتقوية صلة الرحم وتشجيعهم على هالشيء
يعني فيه بعض الاهل ماياخذون عيالهم لاقربائهم الا في المناسبات فقط
وهذا يقللل من التواصل والترابط
لازم نحاول نسوي جدول للزيارات بالذات الاقارب حيل مثل الاخوال والاعمام
ونحاول ماندخل المشاكل بين صلة الرحم ابد

[الحب اسمى عاطفة]

ههههههههههههههههههههههههههههههه

..>>>>>>>> اضحك وخاطري مكسور خخخخخخخخ


طيب العوائل يلي تمنع خروووج البنت منعا مطلقا>>>> ولله الحمد هذا ما ممجود في عايلتنا

هذووول البنات كيف يتواصلون مع اهلهم

السبب الثاني لقطع صله الرحم


الكبار لازم يكونون قدوه للصغار

يعني العمام والخوال لازم يحددون يوم في الاسبوع يسلمون علة عيال خوانهم وخواتهم عشان يكونون قدوه صالحه لهم

ونحن ما نتكلم عن يلي مضى علينا ما نكرر اخطاء غيرنا على عيالنا لازم نعود عيالنا على التسامح والتحاب ونخلي الكبير قدوه للصغير وهذا دورنا نحن سواء من اخوات او امهااات (عاد امهااات برائه الطفوله تشع من عيونهن مثلي خخخخخخخخ )..>>>>>> عقوله اختي اخبال الدنيا كله متيمع فيني ههههه

[مهاااا]

.. هههههههههه ..

يحليلج عطووفة

هذا دليــل انج تعلمتـي من خطأ اهلج ..

وباذن الله عيآآآآلج بتعودينهم على صلـة الرحم ..

والمودة والتآآآلف بين افرآآد العايلة ..

اتمنــى هالكـــلآآآم اللي تناقشنا فيه يكووون افآآدكم ..

وعطووفة اذا عندج اي شي تفضلي .. قبل ما نبدأ بالدرس الجديد ..

دمتــ بود ــم

[مهاااا]

قبل ما ننتهي يا اخواتي



قال الرسول صلى الله عليه وسلم :
{ لا يدخل الجنة قاطع رحم }



( القطيعــــة )



هذا الخطر الكبير ، الذي يهدد بنيان العلاقات بشتى أنواعها ،،، من قرابة في الرحم أو زمالة

وصداقة للأسف أخذ يضخم ويتفشى فترة بعد فترة بدأ يأخذ مكانة في كثيراً من المجتمعات

ويخرق جدار الروابط المتينة


اتمنى تجاوبون على هذي الأسئلة

ماهي القطيعة في نظرك ؟

هل أنت قاطع لرحمك ؟

الأسباب التي جعلت هذا الشر في مجتمعاتنا؟

هل القطيعة تعتبر حل من الحلول التي تأتي لحل المشكلات بين الأسر؟

هل أنت محافظ على صلة رحمك ؟

هل الهاتف يسد عن صلة الرحم والزيارة؟

هل مشاغل الدنيا لسبب مقنع لحدوث القطيعة ؟