شاب له مخ شايب

[جواهر عبدالعزيز]

مساء الخير للجميع
كيف حالكم :
الصراحة المشكلة مو عندي عند أختي ومشكلتها مع زوجها الي ما ملَـك عليها إلا من أسبوعين وطبعا يكلمها وتعرفت عليه أكثر خلال هذي الفترة .
المشكلة في الرجال انه جاي من قرية ويرفض أي تطور وتفكيره غييييير تفكير الشباب يعني بالعربي عنده مخ شايب عمره 100سنة

يرفض التصوير يوم الزفاف والزفة ويرفض النقاب والعباية الي لها كم حتى لو كان واسع والعباية على الرأس، ويرفض طبخ المطاعم والتنزه ويرفض دخول الأسواق ويرفض التحاور والنقاش ومتشائم وفوق كذا تفكيره عكس تفكير اختي يختلف عنها مرررره وإذا ضحكت قال ليش تضحكين ماله داعي الضحك !!! وإذا سكتت قال ليش ما تضحكين !!!!!!!!!!!!!!!! وكل سالفة والثانية يقول أنا أغار عليك لا تسوين كذا حتى لو الأمر ماله دخل في الغيرة !!!

وما حفظ من القران إلا أية (الرجال قوامون على النساء) استغفر الله ،،،ودايم يكررها ومستخدمها سلاح يسكتها فيه ،

وش الحل معه كيف ترضيه وبنفس الوقت تسوي الي تبغى

لاتبخلون علينا بردودكم وأفكاركم الله يجزاكم خير
ننتظركم
دعواتكم لنا

 

 

[نداوى]

عزيزتي الغاليه

نرحب بك بالنادي واهلا وسهلا بك ،

حبيت ارحب بك قبل ابداء الكلام ياريت

تشرحين اكثر لان هذه الصوره غير واضحه

ننتظر الرد

 

 

[ام عزوزي]

اختي الغاليه

بما ان اختك على البر لازم تتخذ الحل المناسب لها

يعني يأما تنفصل عنه

يأما ماتتكلم عليه هالكلام الحياة الزوجية تفاهم وموده ورحمه
اذا وهي على البر قالت انه تفكيره شايب
كيف بعد العشرة الطويله والاولاد

فيأما تتحمل وتحاول تأقلم نفسها على الفروق اللي بينهم وترضى تعيش معاها على الحلوه والمره وتطيعه لانه طاعته واجبه
او تنفصل من الان

واذا اهي بترضى بالعيش معاه لاتتكلم عليه كل ماجلست معاكم وتقول لكم هالكلام مو حلو بحقها اولا وبحقه ثانيا
يالغاليه هذا زوج وحق زوج كبير
فهي بكذا تنزل مقامه عندكم وتكرهكم فيه وهذا وهو مابعد تزوجوا
وبكره بعدين بتكروهون عيالها وتتذكرون انه ابن القروي

خليها هي اللي تقرا هالكلام وتقول لنا مشكلتها

خليها تاخذ قراراها من الان

عفوا على الكلام السابق لكن والله خوف على اخت لي في الله

الله يكتب لها اللي فيه الخير

 

 

[نداوى]

عزيزتي

انا اتفق مع قالته ام عزوزي بهذا الرأي

اختك هي التي تقرر بذلك ، وجزاها الف خير

ام عزوزي بقولها عدم الجواز بنقل اخبار الرجل

بين الالسن حفاظا على التجريح وفقكم الله

 

 

[جواهر عبدالعزيز]

السلام عليكم
جزاكم الله خير

ونعم الرأي رأيك يا أم عبدالعزيز ، بس نبغى نسألكم كيف تتعامل معه عشان تقدر تتفاهم معه وتوصل لحل يرضيه ويرضيها

الله يوفقكم ويسخر لكم أزواجكم

 

 

[مهاااا]

عزيزتي ..

اولا : مرحبا بك في نادينا .. منوورتنا يالغالية ..

ثانيا : بالنسبة لأختك .. مالها غير الدعـاء .. وبعد الدعاء اليقيييين .. وفيه امل انه يتغير .. ليش لأ ؟؟ .. تقدر تصارحه بالموضووع ..وتفهمه ان الدنيا تغيرت ومو مثل ايام اوول ..

وصدقيني اذا دعيتي بيفرجها ربي .. واحنا بعد بندعيلكم .. عسى الله يفرجها عليكم ..

 

 

[شوق القصيم]

الدين هو ماقال الله وقال الرسول
لان الله وضح لنا في كتابه العزيز وفي سنة نبينا الحبيب
كل امور حياتنا من ابسط الامور الى اعظمها
كيف يعامل الرجل زوجته وكيف تعامل المرأة زوجها
القرأن لايوجد فيه اي خطأ او تحيز
لكن الفهم الخاطئ للدين هو سبب كل المصائب التي تحيط فينا
هناك اشخاص لايلتزمون بدينهم لكن معاملتهم جيدة لانستطيع ان نقول انهم على حق
الاشخاص المتزمتين الذين يغالون في الالتزام في الدين ايضا يعطون نظرة خاطئة عن الدين
بس اهم شي اسألي نفسك هذا السؤال - ( اذا تزوجتة هل اسلوبة بيخف ولا يزيد ؟؟؟؟)
( هل قهري من تصرفاته بيروح بعد الزواج ولا بيزيد ؟؟؟؟)
اتمنى انك تجاوبين على الأسئلة هذي بكلللللل صرااااااااحة
الله يوفقك يا اختي ويسعدك دنيا واخره ^_^

 

 

[ام عزوزي]

هلا فيك اختي

الحل سهل جدا وبيدينهم

المصارحه والكلام مابينهم والوصول لحل يرضيها ويرضيه

واهم حاااجه انها مايجي ببالها (شاب له عقل شايب)

ولا يجي ببالها انه قروي وتكون من امامه مطيعه له وموافقه لارائه وفي نفسها غير كذا

اهم شئ المصارحه

بالهدوء والتفاهم بيتغير اكيد بعد الزواج

لكن لازم يكون فيه تضحيات من طرفها وتطيعه

والله يوفقها يارب