سالفه اربعتي اليازية

[الحب اسمى عاطفة]

السلام عليكم ورحمه الله وبركاته

اولا اسفه ع اللخبطه يلي صارت

الكل في النادي يتحسب انه اسمي اليازيه

اليازيه هذي اربيعتي

السالفه من طق طق لسلام عليكم::

استاذ اللغه العربيه طلب منا نسوي بحث عن أي موقع نختاره في النت وكنت انا و هالبنت مشتركين في الموضوع نفسه ...

وخلال رحلة البحث عن موقع يستاهل نكتب فيه لقيت نادي المنال النسائي وعجبني
وكان لازم اسجل فيه ..فسجلت فيه بايميلي ...عسب هي ما عندهاا غير ايميل الجامعه

واعطيتهاا النك نيم و الباسورد عشان تحدر وتشوفه لان لازم نتفق ع موقع معين ..

((بس بالاخير قررنا نكتب عن موقع ادبي عسب يناسب المساق يلي هو اللغه العربيه))

هي دشت واحفظة النك نيم والباسورد ..وعجبهاا النادي وقامت تدش بالنك نيم الخاص بي ..

انا كنت اعرف بس قلت عادي هب مشكله ...هي عندهاا قرايب في الامارات الشماليه

ودلت وحده من قريباتهاا ع النادي (رياح الشوق) تقرب لهاا من صوب امهاا مدري شو بالضبط
بهدف اصلاحهاا لانهاا قريبتهاا الله يهداهاا شوي خربانه

المهم::

صارت سالفه بيني وبين رياح الشوق وبلغلت الاداره عنهاا وبعد بلغت اليازيه عنهاا .. بس الهدف كان اليازيه وعلى حظي جات فيني

صار خلاف بيني وبين اليازيه واحلفت انهاا ما بترجع تحدر بالنك نيم مالي ..

اساسا هي تزوجت و الحين عندهاا ولد وبنت ..وماعندهاا وقت للنت

اكثر المشاركات كنت انا اشاركهااا ....

و تفاجأت فيهاا انهاا كانت كاتبه اسمهاا في وحده من الالعاب ..

فصار صعب اني انكر ان اليازيه اسمي ..

و لزق اسم اليازيه فيني .... وخلاص صار اسمي في المنتدي اليازيه

والحين اقولكم:::

اولا :السموحه منكم واسفه ع هاللخبطه.
ثانيا :: شوق القصيم انا ام (فلان) تعريف طبعا ام منو ..
وانا هذي الحرمه يلي تتشكالج دوم وما عارفه كيف تتصرف
ثالثا:: الاسطورة حبيبه قلبي الوحيده يلي تعرف اسمي الصجي (سوسو لا تعلمين حد )

واعتقد الحينه عرفتوا سالفه اليازيه

يعني الحب اسمي عاطفه
كان نك نيم لبنتين

ولو كنتوا تلاحظوان كان الحب اسمي عاطفه متواجد تقريبا 24 ساعه

حشى من وين لي هالوقت بس السبب كان ان اربيعتي كانت تحدر بالنك نفسه

واخيارا ::

السموحه من ادارة النادي يميع
السموحه من العضوات و المشرفات و المراقبات يميع


اختكم::

عطوفه

^_^

 

 

[الحب اسمى عاطفة]

نسيت اقولكم ابي ترحيب لاني ما حطيت موضوع عسب ترحبون فيني اول ما اشتركت

الحين ابا ترحيب من العضوات الحلوت

ههههههههههههههههههههههههههههههههههههههه

 

 

[شوق القصيم]

هلا والله باليازيه>>>>>>>>>>>>ههههههههههههههههههه

امزح

المهم بالموضوع كله انك عطوووووووفه الحبوبه الي هرفناها

وترا ردي في اللعبه حق طلب تغير الاسم كان مجرد مزحه

لاني انا متاكده انك عطووووووفه الاصليه ماهي التقليد

هههههههههههههههه

 

 

[الحب اسمى عاطفة]

المشاركة الأصلية كتبت بواسطة شوق القصيم

هلا والله باليازيه>>>>>>>>>>>>ههههههههههههههههههه

امزح

المهم بالموضوع كله انك عطوووووووفه الحبوبه الي هرفناها

وترا ردي في اللعبه حق طلب تغير الاسم كان مجرد مزحه

لاني انا متاكده انك عطووووووفه الاصليه ماهي التقليد

هههههههههههههههه

هلا شوشو اتمني ان الصورة تكون وضحة

وانا عطوفه الحبوبه يلي

هرفناها

الحين بوديهاا ع صادووه

واي انا اصليه مهب تقليد

والف شكر لج

بس ترا ابي ترحيب وما رحبتي فيني

 

 

[شوق القصيم]

وانت خليتي فيها ترحيب

خلاص انتظري ترحيبي في صااااااااااااادووه

ترحيب من نوع خاص



ياهلا فيك نورتينا ياعطوفه الاصليه 100% الخاليه من الشوائب

هههههههههههههههه

 

 

[الحب اسمى عاطفة]

ههههههههههههههههههههههههههههههههههههههه

الف شكر لج شوشو ع الترحيب

واتمني اني اكون عضوه فعاله في النادي الرائع .>>>>>> عاد تسوي نفسهاا غريبه وكانهاا ضيفه خخخخ

ههههههههههههههههههههههههه

 

 

[*عروب*]

هلا واللهـ, وغلااا ,,


داااااااااااخلهـ, عـــــــــــــــــــــــرض ,, <<< ماتدري وش السالفهـ, خخخخ

هلا بكـ, اليازيهـ, منورهـ, يالغلا <<<< شكلكـ, بتسطريهااا ,,,, ههههههه

مع اني ماعرف وش السالفهـ, ولاعرف وش سااير بالدنياا ,, والحين عرفت السالفهـ, واااااو <<<<< صحيح بشري اهلكـ,

المهـــــــــــــم تبغيين ترحييييب ,, مافي ترحييب انتي قديمهـ, المفرووض اناااا <<<< وش دخلكـ,


اليازيهـ, اوو اقصد عطووفهـ, العذر والسمووحهـ,

 

 

[صدى الوجدان]

ويا مرحبا بك ترحيبة بها العين تحتار

ترحيبة الأرواح لين اغدفت باهي النور

مرحبا بعيوني عدد ما خطته الأقلام من حروف

وبعدد ما أزهر بالأرض زهور

مرحبا ممزوجة .. بعطر الورد .. ورائحة البخور

مرحبا بك بين أخواتك ..

فعندما يصمت اللسان .. ويطلق للقلم العنان

ليُعبّر عن خفايا النفس و مكنوناتها ..

نرى إبداع الخالق فينا

وعندما ينساب القلم ويريح في مرفأه

نرى قطرات الشهد تتساقط من بين الأنامل

عندما تكتبون ..

نرى الإبداع الحق والمواهب

المصقولة

نرى الفنون .. والجمال الذي تخطه أياديكم

هنا في مرفأ قلم نرى كل ذلك

بساحات نادي المنال

كلنا أمل أن تجد الفائدة والمعرفة ..

وأن نرتشف من ينابيعك .. قطرات تروي

عطشانا للمعرفة

فمرحبا مليون .. وبكل لون