مرحبا شوق
أول تجربة ما أقدر أقول أول طبخة لأنها كانت مشتركة
المهم ياحبي للهذرة
كانت أمي الله يرحمها مسيرة على ناس
وأنا كنت بالصف الرابع ابتدائي ...وهي قبل لاتروح محضرة للغدا وكان مطازيز (أكلةشعبية)
يعني عاجنة العجينة ومقطعة الخضار
طبعاً البيت كان حافل بالضيوف من الرجال
لاحظت إن أمي تأخرت وكل شوي أشوف الساعة
آخر شيء قررت أجازف وأكمل باقي الطبخة للمعلومية عمري مادخلت المطبخ وقتها إلا لغسل المواعين
وفسرت عن ذرعاني وحطيت الموية على الخضار وأشعلت الغاز تحتهن وبعد ماغلى حطيت البهارات والملح وبديت أسوي المطازيز
بصراحة كنت خايفة من رد فعل أمي الله يرحمها لكنها بالعكس كانت مبسوطة وحست إنه ينشد فيني الظهر وقت الزنقات
أما أبوي كان متشقق من الفرح ويمدح فيها
الحمدلله عدت على خير
تعالي أنتي ما قلت وش كانت قصة أول طبخة معك؟!
هذه الرسالة تفيد بأنك غير مشتركه أو لم تسجلي دخولك بعد. للاشتراك الرجاء اضغطي هنــا 
ما هي قصة اول طبخة لك؟ 
العرض العادي
