نظفي بيتك وانت تلعبين

[دلوعتي]

السلام عليكم
اكيد في كثيرات منكن مثلي شغل البيت عندهن هم ما يخلص

واحس ما فيه يوم من الايام راح ينتهي

وكنت احاول ادور لي حال وكل مرة القاء طريقة بس ما استمر عليها

فقلت اسهل حل اني اجيب شغالة وافك عمري وعلى هالاساس بردت واهملت بيتي

وانا انتظر هالشغالة

حتي جاء ذاك اليوم السعيد الي جاءوليدي من المدرسة ومعه ورقة فيها

يتكلمون عن الخدم ومشاكلهم

وجتني صدمة وكاني صحيت من حلم

الا قولوا كابوس


وش كنت ناويه اسوي في عمري

ومع اني اكرهم كره العمى ولا احب احد غريب يدخل بيتي بس العجز الله يكفيكم شره


وفوق هذا الجلوس من دون شغل راح يسبب لي زيادة في وزني وحالة خمول وكسل


قلت وش حادني اجيب المرض لبيتي


قلت لازم ادبر عمري

والحمد لله قدرت اخترع لي ثلاث طرق اغير من وحد ةالي الثانية اذا مليت

1 الطريقة الاول (التنظيف اسبوع من كل شهر)

يعني احدد اسبوع من كل شهر

اشيل البيت شيل من الى

واكتب كل يوم وش القسم الي راح انظفه اليوم وهكذا

يعني سبعة ايام بس في الشهر مشغولة

وواحد وعشرون يوم فاضية


اكون باقي الشهر فاضية بس تنظيف على خفيف مع التنظيف اليومي مثل الحمامات الله يكرمكم والصحون يعني الا متعودة انظفهم او محتاجة انظفهم بشكل يومي
وافضل وقت لهذي الطريقة فصل الشتاء لان الجو يكون تقريبا خالي من الغبار

[دلوعتي]

2الطريقة الثانية

(اختيار ثلاث ايام في الاسبوع للتنظيف )

يعني احدد ثلاث ايام فمن كل اسبوع للتنظيف

وتكون متتالية اقسم عليها اعمالي كلها المهم فالاهم

يعني مثلا السبت والاحد والاثنين

واركز نشاطي في الايام الثلاث

واكون الايام الاربعة الباقية فاضية ومرتاحة من الشغل وهمه

وتكون اسبوع ايه واسبوع لا وكل وحدة علي حسب كبر بيتها

[دلوعتي]

3 الطريقة الثالثة
(تحديد وقت لكل عمل والالتزم بهذا الوقت )


يعني امسك ورقة وقلم واحدد كل غرفة او عمل واقدر لها وقت مثلا

انا الصالة تاخذ مني 20 دقيقة

الحمامات تاخذ مني 30 دقية

والمطبخ ياخذ من ساعة ونصف

غرف النوم عدد2تاخذ من 25 دقيقة المقلط ياخذ مني 30 دقيقة

تنظيف السيرميك كل جزء ياخذ مني 15 دقية

واكتب كل جزء من بيتي

واحدد له وقت واجمع الاعدد واشوفك كم وقت ياخذ من تنظيف البيت كله
يعني مثلا انا تنظيف بيتي ياخذا مني خمس ساعات ونص يعني 18 ساعة ونص فاضية

اذا حسبت ساعات النوم ومذكرة وليدي وتصليح الغذا
اامممممممممممممم
اكون فاضية تقريبا 9ساعات لي اسوي فيها الي ابغى


وذا اكثر من خمس ساعات اقسمه على يومين يعني

كل وحدة وش عندها وترتب امورها على هالاساس

ثم ابد في كل عمل واطالع الورقة واشوف كم انا محدده له من وقت ويكون عندي منبه واحدد الوقت

وابد شغلي واحاول اخلص قبل المنبه ما يدق

واذا انتهيت في نفس الوقت اكتب صح علي الورق واذا ما انتهيت احاول ازيد

حتي اعرف بالضبط كم احتاج واعدل في الوقت

بس اول مرة ومن ثم التزم باللي حددت وميزة هذا الطريقة انها تكون مثل التحدي لي

يعني اكون مرة مستمتعة وان اشتغل واحاول اسرع واسبق المنبة يعني اتسابق معه
وتكون هذا الطريقة يوم وراء يوم




واتمنى تكون فهمت قصدي وشرحي واضح لكم وكل واحدة تشوف اي طريقة تناسبها وتجربة او تسوي مثلي تغير من طريقة الي ثانية




منقوووووووول

[meme44]

نصائح رووووعه دلوعتي ان شاء الله اذا تزوجت اتبع نصائحك مع ان في بعض النصائح افادتني لاني انا المسؤله عن البيت
وفيه حكمه تقول((((العمر يخلص والشغل مايخلص)))))

[ورد مديني]

موضوع حلو يسلموووو

[ريماني]

موضوع حلو ومميز

وبجربه إن شاء الله بعد ما تروح عني شغالتي

لأني ما ناويه أكفل شغاله ثانيه

فعلا القعده بلا شغل بروحها مرض

يعطيج العافيه على الموضوع الحلو

[ريحة الجنة]

مشكوووووووووووووووووره دلوعه افكار تجنن ماننحرم من افكارك عسولتي الدلوعه

[دلوعتي]

ياهلا فييييكم
والله يقويكم يارب على شغل البيت

[نداوى]

[حنان الكون]

رووووووووووعه

مشكوره دلوعتي

تسلميـ