تسلموا حبايبي على الرد....
أم عزوز حبيبتي أنا علاقتي مع زوجي جدا ممتازة بس علاقتي مع عمتي المتوترة تلقي ظلالها علي وعليه لأنه أكيد بيتضايق وعندي ولد وزي مافهمتي حبيبتي فعلا أنا ساكنه مع أهله في نفس البيت بيني وبينهم فاصل أما عن علاقة حماتي بعمتي قوية لأنها بنت أختها وكمان ساكنه معاهم في نفس البيت أنا مالي علاقة قرابة بعمتي
نبض قلبي آمين ياقلبي وأنا بانتظارك
دلوعتي أبدا والله زوجي ما تغير أبدا معاها بالعكس أنا دايم أحاول أنبهه لأي عمل أو قول ممكن عمتي تزعل منه وزي ما قلتي فعلا ذا الشيء هو فعلا اللي أسويه أعزمها عندي وأحاول أقدم لها هدايا في كل عيد أو مناسبة وأحاول زي ماقلت اني ما أجادلها بس للأسف والله تعبت لأني فعلا كل اللي أسويه ما ألقى له أي جدوى وزي ماقلتي أنا أحاول اني أحسن المعاملة ولكن للأسف تفسر بسوء ظن
وكلمة تجيبها وكلمة توديها يعني أحاول أطيب خاطرها بس أخرج من عندها تقلب علي
حماتي أنا ماني عارفة ايش أسوي معاها لأنها في وجهي ساكته وتضحك معاي بس أغيب أسمعها وهي تتكلم علي أشكال وألوان وذا الشيء يخلي عمتي تقلب علي لأنها بتسمع لها أنا مستغربه منها المفروض انها ماتسمح لها تتكلم عني بغيابي بسوء أو حتى طيب كلنا حريم عيالها حاولت مرة أفهما انها لو عندها شيء ضدي في قلبها تصارحني وبلاش الحساسيات الصغيرة اللي مالها داعي بالذات اني مستحيل أكون قاصدة أسيئ التعامل لأن الحساسيات تتراكم وتسبب مشاكل بس مافي فايدة كأنك يابو زيد ماغزيت
صعبه تقولولي طنشي سوي اللي يرضي الله وماعليك نفسي أعيش بسلام في بيتي بس كيف ما أعرف رغم اني من النوع اللي ما أبالي بللمز والغمز وأحقد في قلبي وأسبب مشاكل بس لما يصير اللي في البيت موراضي عنك وشايلين عليك ويقاطعوك لأسباب والله ماتسوى يعني مثلا احنا في كل عيد أهلي بيجوا يعيدوا علي وعلى عمتي في العيد اللي راح ما قدروا لأنهم جوا من سفر وتعبانين فقلت أروح أعيد أنا عليهم وعمتي كانت زعلانه ليه ما عيدوا علينا رغم انه والله كل عيد هم يعيدوا
علينا فقلت لها تعالوا معاي رفضت رحت أنا بعد شوي لقيتها جت مع حماتي ربع ساعة وراحوا وثاني عيد سافروا رغم ان أهلي كانوا بيزوروها رجعوا لأنها سافرت وما كلمت أحد حتى أنا ومن يومها وعمتي زعلانه علي وعلى أهلي ولما رجعت من السفر رفضت تستقبل أهلي في بيتي ولا حتى انهم يزوروها تخيلوا والله رافضة تجي بيتي حتى تعبت معاها ايش أسوي يعني حتى لو انت زعلان من أحد تتعاتب انت وهو بهدوء وخلاص انتهى الموضوع تنسى السالفة هي وحماتي لا يفضلوا فاكرين حتى لو بعد 10 سنوات اللي سويتيه ...
أنا جتني والله حاله نفسية صرت لما أشوف وحدة من صاحباتي مع عمتها خارجين سوى ومبسوطين أجلس أبكي والله عمتي رافضة انها تخرج حتى معاي من أول زواجي تخيلوا بالعافيه خرجاتها معاي تنعد على الأصابع وغصب عنها والله ...
وآسفة والله على الاطالة
هذه الرسالة تفيد بأنك غير مشتركه أو لم تسجلي دخولك بعد. للاشتراك الرجاء اضغطي هنــا 
العرض العادي
