أبي رايكم ضروري الله يخليكم.....(محتارة في شخصين )

[طيبتي هي غلطتي]

السلام عليكم ورحمة الله وبركاته..
كيفكم انشاء الله بخير انا توني جديده بالمنتدى وهذي أول مشاركه لي ..أتمنى تعطوني رايكم
أنا تقدم لي واحد ثلاث مرات وهذي رابع مره يرجع ..وأنا محتاره مع أن الولد الكل يمدحه والكل يتكلم عن بره بوالديه وأخلاقه وراعي صلاة مايفوت الصلاة أبد..وهو (صديق أخوي).
وحده من صديقاتي ولد عمه بيتقدم هي وخواته قالو لي بنجي وجو..وسال اخوي عنه الحمد لله الوالد ماعليه..بس كلام اخوي هو الي حيرني يقول خوذي الي أنا أعرفه وأعرف أطباعه وقالي مستحيل اعطي اختي لواحد ماعرفه مو عشانه صديقي بس عشاني عارف أطباعه ..
وأنا محتاره من جد أبي رايكم. (وأسفه على اذا طولت )..

[دلوعتي]

وعليكم السلام ورحمه ورحمه الله وبركاته

هلا بك معانا


ياغاليه

دام الاول اخلاقة زينه

ليش رافضته


طيب الثاني اش فيه

انت قلتي مافيه شي
انت ممكن تميلي للثاني لانه من طرف صديقتك


ياغاليه
هذي مساله حياة وعشرة عمر مافي مجال فيها للصداقه او الصحبه

صديقتي ليوة على عين وعلى راسي


وكمان اخوك ليش مو موافق

نفس الكلام ينطبق عليه

يمكن اخوك عرف شي وماوده يعلمك

او انه عشانه صديقه وهو ادرى



انت استخيري اكثر من مرة

وجنبي قلبك شوي ولا تفكري في كلام اخوك


والخيرة فيما اختاره الله


اسال الله ان يبين لك حقائق الامور


وبييسر اللي فيه الصالح والطيب ياكريم

وطمنينا عليك

[ريحة الجنة]

وعليكم السلام ورحمة الله وبركاته
حبيبتي المساله مساله عشرررررررره طويله مو يوم او يومين
لايهمك اخوك ولاتهمك صديقتك استخيرررري واللي ترتاحين له وافقي عليه
ويبدووو لي الرجال يعرفوون بعضهم خلي راي اخوك في المقدمه واستخيري

[دلوعة مجودي]

هلا وغلا حبيبتي
مثل هذي ألامور ما يبيلها أستعجال
فكري زين
وأستخيري
لأن الزواج مو لعبه
ولا تفكرين في رأي أحد
لأن هذي حياتك وأنتي اللي بتعشينها
تحيتي

[الحب اسمى عاطفة]

اختي

نحن صعب نحكم

الافضل كثري من الاستخارة والدعاء

وربج يكتب يلي فيه الخير

[شوق القصيم]

غاليتي

ليه صديق اخوك رفضتووووه ثلاث مرات ...........

اكيد فيه سبب للرفض .....انت قلتي هذي رابع مرة يتقدم

اكيد فيه اسباب للرفضه ياليت توضحينه

بالنسبه لولد عمة صديقتك ...........لازم تتركين المجال لاخوك يسال عنه

نصيحتي لا تستعجليت بالرد

خذي وقتك واستخيري ...........

وان شاء الله راح تلاقين الحل

[ام عزوزي]

غاليتي اهلا فيك

ياليت يالغاليه تقولي لنا ايش سبب رفض صديق اخوك اكثر من مره

علشان باذن الله نحاول نساعدك

لكن تذكري انه مجرد راي والراي الاخير لك

ولاتنسي الاستخاره

بانتظارك

[طيبتي هي غلطتي]

السلام كيفكم وأسفه على الطاله لان كنت مسافره ..
رفضت صديق أخوي عشان أخته الكبيره تبي بنت خالته للأخوها وهذا الي مضيق صدري مابي تكون حياتي مشاكل من أولها
وعلى أن أخوي قال أن الولد يقول مالها خص بختي وهذي المره يم أستخرت أحس كني أميله ..

ومشكووووورين خواتي على الرد بموضوعي الله يعطي كل وحده العافيه ويحقق الي بالها
ويخلي كل وحده لعيون ترجيها..

(أشتقتلكم من جد)

[ام عزوزي]

خلاص يالغاليه يمكن اخته متسلطه شوي

واكيد مايبيها ول كان يبيها كان راح وخطبها مافيه شئ بيرده

ولو انه مو متعلق فيك ويبيك انتي من دون كل البنات كان ماخطبك اكثر من مره


يالغاليه انتبهي تندمين وتضيعينه من يدك

اذا اخوك صديقه اكيد اخوك ماراح يزوج اخته الا وهو عارفه كويس

والرجال مو عاطفيين مثل البنات يزوج علشانه صديق بس

وبما انك استخترتي وفيه ميلان له خلاص توكلي على الله ولاتضيعيه من ديك لاتندمين

الله يوفقك ومبروك مقدما

[طيبتي هي غلطتي]

مشكوره أم عزوزى على ردك والله يبارك فيك وانشاء الله بوافق..

عريسه>>>>هههههه