ساعدوني تكفون زواجي قرب وانا..............

[احلامي امل]

بسم الله الرحمن الرحيم

السلام عليكم ورحمه الله وبركاته..


احلى صباح لحبايبي..

ابقولكم قصتي ويمكن تكون غريبه..


انا خطبني واحد من كم شهر..وافقت عليه غصب عني..ومع ذالك تندمت اني اخذته يمكن تكون خيره بس ماادري يمكن نصيبي فيه..المهم كنت احب ولد خالي من وانا وصغيره تربينا سوى وكبرنا سوى..بس النصيب والحظ فرقنا,, حتى كل الناس تدري بحبنا حب شريف والله.. المشكله انه خطبني واهلي رفض بسبب انه الى الان يدرس ولاعنده وظيفه ومشكلته اصله مختلف عن اصلي قصدي القبيله..ويدخن..وكل هذا قلب علي حوبتي استاهل...

المهم تملكت.. والان زوجي..

وبعدكذا قالي ترى انا احب بنت خالتي ونفس سالفتي وسبب رفض اهلها مثلي بالضبط..قصه القبيله..

والان.. هو مفصول من عمله له6 شهور... حاولت اساعده بكل الطرق ماقدرت خصوصا اهلي مايعرفون انه مفصول..

ويبغون زواجنا قريب وانا رافضه فكره الزواج الحين... علشان امن مستقبلي ومستقبله حتى انا الى الان مو موظفه

ومشكلتي الثانيه.. استحي منه كثير..ولا اكلمه الا بالشهر مره بس رسائل..مدري حاسه انه مايحبني ولا يدري عني..
يتذكر حبه الاول. يعني كلنا في الهواء سواء

مع انه انا نفس الحكايه قلبي مع ولد خالي..حتى ولد خالي يحبني الى الان... ولا نقدر نبعد عن بعض احس زواجي كذبه
او وهم او خيال..


وتجيني دايم هواجيس وشكوك.. اني ماراح اتزوج بهاذا الشخص ..



مدري هل هذا مشكله فيني ولا وشلون؟؟ ارجوكم ساعدوني...



اختكم.. احلامي الم....

[دلوعتي]

احلامي امل


الله ييسر امرك يارب

وعليكم السلام ورحمه الله وبركاته


يسعد صباحك



ياغاليه المشكله فيك انت


انت مازال حب ولد خالك في قلبك مو مخليك تشوفين الامور تمام



انت تقولي ان ولد خالك تقدملك واهلك رفضوا

وعارفه ومتاكدة ان اهلك ماراح يوافقوا اذا تقدم
مرة ثانية


ليش تعلقي نفسك في شي ماراح توصليله


وبعدين

شوفي انت وش كاتبه



ماعنده وظيفة


يدخن


من غير قبيلتك


يعني مافي شي يخليك تتمسكين فيه الا حبك له بس


خطيبك


ليش قالك كذا من اولها


وبعدين انتوا ماسالتوا عنه


كيف مفصول واهلك مايدرون


واش سبب فصله من العمل


ياغاليه ادري انك في حيرة وقلبك معلق


لكن هذا مصير عمر وعشرة سنين


مو يوم وليلة وانتهينا


طيب شوفي

انت قلتي حاولت اساعده

معناته انك تحبيه وتبغيه

ولا ليش تبغي تساعديه وماتبغين اهلك يدرون عنه


اجلسي معاه وافهمي منه ليش انفصل

وخليه اذا يبغاك يدورله شغل

وخليه يوضح لاهلك ان الزواج مو الان لظروف


والمسائل اللي زي كذا ياغاليه ماتتخبى عن الاهل


المفروض يعرفوا

لو احد من اخوانك يروح يسال وش السبب


ومساله الحياء

طبيعي

رجال غريب عنك

وفجاة اصبح قريب منك

وشوي شوي تتعودي عليه

واحساسك هذا انت صنعتيه لنفسك

انه مايحبك


ومو شرط كثرة الاتصالات تعني المحبة

يمكن هو مهموم بسبب العمل

والمفروض تكونين قريبه منه الان لانه يحتاجك اكثر

بس كل شي بحدود


وش اللي يدريك انه يفكر في حبه الاول

ياغاليه هذا عشان انت تفكرين كذا على بالك هو مثلك


اذا الرجال طيب ومايعيبه شي توكلي على الله

بعد ماتعرفي سالفه الفصل من العمل ولا من وين بتعيشون


واكثري من الاستخارة

وانسي ولد خالك رغم انه صعب لكن حاولي تتناسيه

افضل لك


وفكري بعقلك وزني الامور




استخيري الله

ولا تربطي حياتك بحياة ولد خالك

الله يسخرله ويسخرلك يارب


ونسمع عنك كل خير يارب

طمنينا وش يصير معاك

[شوق القصيم]

هلا غاليتي ...........

حب ولد خالك هو حب في سن المراهقه واكثر البناااات في هذا السن يوقعون فيه الا من رحم ربي...........

وترا هذا يالغاليه ماهو الحب الحقيقي

الحب الحقيقي الي ياتي بعد الزواج والعشره ..........



ويمكن يكون خطيبك الحالي ابتدع فكرة انه يحب بنت خاله لانه سمع بحبك لابن خالك وحاب انه يعاندك

لانه لوهو يحبها او متمسك بحبها ما كان تقدم لك وفضل ينتظرها .حتى لو كان مر بقصة حب بنت خاله فعلا
فخطوبته لك معناه انه يحااااول ينساها ساعديه انت واتركي مشاعرك نحوووووه حاولي تشغلين عقلك وقلبك فيه بالمسجااااااااات والاتصلات والهدايا والكلام الحلو

بادري انت يمكن خطيبك عارف بقصة حبك لولد خالك وهو بعد ماثره فيه وهي الي مسوية بينكم حاجز في المشاعر .........خلي البداية تكون من طرفك انت

اما بالنسبه لشغله ........لاتشيلين هم الله راح يكتب لك الي فيه الخير

اهم شيء تتقربين لخطيبك اكثر وتشيلين شبح الحب المزيف من فكرك واذا تقربتي منه ساعته تقدرين تناقشينه في موضوع شغله وتقدرون تاجلون الزواج حتى يتمكن من ايجاد عمل اخر

بالتوفيق

[الحب اسمى عاطفة]

الله ييسر عليج امورج

ما عندي اضافه على جلام الخوات

[احلامي امل]

مشكورات حبيباتي.. دلوعتي..
شوق القصيم

الحب اسمي عاطفه...


الله يجزاكم خير ماقصرتوا.. معي اني سويت كل هذا مافاد معي,,, الله يسر اموري...

[ام عزوزي]

يالغاليه ماازيد على كلام اخواتي

لكن يالغاليه شئ مهم

مثل هالشئ وهو انه زوجك مفصول من العمل ولسى مادخل عليك

ماتتخبى عن اهلك ابدا

خليك واضحه معاهم وصارحيهم واتفقوا على تحديد مواعد ثاني للزواج

وبالنسبه لولد خالك

مثل ماقالت دلوعتي بصراحه مافيه شئ يخليك تتعلقي فيه

هذا حب مراهق يالغاليه

وشيلي من بالك ان زوجك او خطيبك يحب وحده يمكن بس يختبرك فقط

شيلي يالغاليه هذي الوساوس من راسك وعيشي حياتك

او اذا مانتي مرتاحه لسى انتي على البر فكي الخطبه واستخيري قبل ماتقرري ولاتنسي التشاور مع اهلك لانهم اعرف ناس بمصلحتك وبالمناسب لك

الله يوفقك

[احلامي امل]

مشكوره حبيبتي.. ام عزوز..

جزاك الله الف خير

[بحر المرح]

ياحبيبتي ليش تضيعين حياتك عشان شيء انتهى خلاص انسى أمس وحاولي تتقربني من زوجك وانظري له من الجانب الحسن وشوفي صفاته الحسنة ومع الأيام بتحبينه وانسي ولد خالك .........جربي تكلمين زوجك وتشوفين تفكيره ومشاعره راح تزيد تجاهك إذا حس إنك مهتمة فيه..........وموفقة إنشاء الله.....

[ذبذبااات]

ماشاء الله الاخوات كفو ووفو

اتمنى لك التوفيق بحياتك حبيبتي

[احلامي امل]

مشكوورين حبيباتي,,,

بحر المرح


ذبذبات