علاقتي مع جدتي ..

[المشتاقة الى الجنة]

عزيزاتي

عندي مشكلة بسيطة وهي ان علاقتي مع جدتي غير قوية بالمره..وانا خاطري ابني علاقة قوية معاها ومو عارفة شلون

هي طبيعتها انها عصبية ومزاجية مررره

ياليت تساعدوني يا بنات والله اني تعبت وانا احاول ارضيها

بس مو عارفة شلون .. ممكن تعلموني ؟؟

خاطري اني اكون بالنسبة لها شي كبير يعني اكون صديقتها أو قريبة واجد منها ..

ارجوكم يا بنات حاطة املي فيكم

[مهاااا]

حبيبتي حاولي انج تقعدين معاها واايد وتسولفين وياها ..

لان هالشي هو العامل الاساسي لبناء العلاقة القوية ..


واذا ما افاد خبريني ..

[المشتاقة الى الجنة]

ياهلا عزيزتي مها

جدتي من النووع اللي اذا سولفتي وياها تقعد تتذكر اشياء صارت معاها ومشاكل وتقعد تهاوش..

انا مدرس شسووي يعني...

ودي اسوي شي يخليها تغير اسلوبها أو تغير من طبيعة شخصيتها ..

[دلوعتي]

هلا

شوفي الجدات والله مايتعوضون

اذا جلستي معاها

لاتتكلمي في شي يعجبك انت

كلميها عن حياتها

متى تزوجت

ومتى جابت اولادها
ووووو


وحاولي انك تسمعيلها

حتى لو هاوشت

لانها كذا تفضفض

ونحن جيل مانحب هذا الشي
اذا احد هاوش او شي نزعل ونقوم

طيب انت خليك في مكانه


حرمه كبيرة

يمكن تعبانه

يمكن تعاني من شي

محد يسولف معاها

ووووو امور انت ادرى فيها

وماعندها احد في سنها


تخيلي نفسك

لو رحتى مكان كلهم صغار عنك او اكبر منك

راح تطفشي وتتضايقي


ونحن نقدر نسلي نفسنا

يا قرانا

يادخلنا نت يا سوينا اي شي

لكن هم لا


دايم حطي نفسك مكانه

وصدقيني راح تعرفين وتقدرين وضعها

جدتي الله يرحمها كانت تعيد لنا السالفه عشرات المرات


وكنا نقولها حكينا ولا لعبينا العابكم

وكنا نلعب معاها كوتشينه لانها كانت تحبها


نشركها في تنظيف الخضار بحكم انها مقعده

ونعطيها مجلات تتفرج عليها على الاقل تشوف الصور


يعني حاولي تتقربي منها واعذريها

سوي الاشياء اللي هي تحبها

سووا قهوة وتقهوي انت وياها وخاصة وقت الصبح يموتون عليها

اطلبي من وصفة اكله وسويها


المهم تفنني وانت ادري بجدتك وش تحب وش تكره



ودي اسوي شي يخليها تغير اسلوبها أو تغير من طبيعة شخصيتها

هذي الكلمه هي اللي راح توقفك

الكبير ياغاليه خلاص مايتغير

لازم تسايريها

وانت تغيري للي تبغاه بس بحدود


الله يسهلك امرك

وعلمينا وش سويتي

[شوق القصيم]

حبيبتي

يقولون مافيه اعز من الولد الا ولد الولد


ومكانتك عند جدتك عزيزه وغاليه اكيد

وسحان الله انا كنت الاحظ ان جدتي تميل لاحد اخواني اكثر من الثاني


وهذا لحد الحين ماعرفت سببه

وانت ماعليك تسوين الا زي ماقالن لك مهااا ودلوعتي

الحريم الكبار يحبن السواليف عن الماضي خاصة ماضيهن

[المشتاقة الى الجنة]

دلوعتي ترى جدتي غير عن الجدات كلهم هي اذا قلتي لها سولفي عن الماضي تقعد تعيد الذكريات المؤلمة

وما تنسى أبد

كل الاهل يقولون انه صعبه ترضينها

بس انا عارفة اني اقدر اكسبها

حاولت اقعد معاها بس مزاجية مررره

حاولت اسولف لكن مثل ما قلت لج تهاوش

جربت معها طرق واجدة مانفعت .

مدري وش اسوي

شوق القصيم

صدقتي في قولج انها تعز واحد اكثر من الثاني صدق هالكلام والله

تسلمين عزيزتي


ارجوكم ما عندكم حل ثاني؟

[ام عزوزي]

ماشاء الله شئ حلو منك انك تحاولي تتقربي لجدتك

الله يخليها لكم

طيب يالغاليه اكيد مافي انسان الا وشئ يحبه

هي قويه وتمشي ؟؟

اذا ايوه مارسي انتي واياه هوايه تحبها وتنبسط معها

مثل في بعضهم يحبون الزراعه ازرعي انتي وايها اي شئ ولو بسيط في حديقتة بيتكم

او اي شئ مثل كذا

او فيه شئ حلو اذا هي تحبه وهو انك تعلميها القرآن او تقراين لها كتاب ديني وتشرحين لها على قدها وبشرح بسيط

متابعين معاك وان شاء الله نحاول نتوصل لشئ تحبه

[المشتاقة الى الجنة]

عزيزتي ام عزوزي >>>>>>>>>>>> الله يخلي لك عزوزي يارب

هي قوية وتمشي بس ما عندها هواية تحب تمارسها يعني تحب كله تقعد في البيت وتطالع التلفزيون

بجرب الحل الثاني وبرد لك خبر ..

مشكورة عزيزتي

[شقاوي]

لو وش تسووين مافيه شئ احسن من الدعاء

[الحب اسمى عاطفة]

اختي

جربي تتقربين منهاا بالهداياا >> عطر وقطع و بخور و شيل صلاه و سجاده صلاه وكريمات وسوالف العجايز بلي تقدرين عليه

وبعدين جربي تجيبين مصحف وتسمعين لهاا السور يلي حافضتهاا هي ،،، حاولي تحفضينهاا سور ما حافضتهاا

وجربي تشترين كتب اذكار و ادعيه واقريهاا عندهاا وخليهاا تسمع وتدعي معااج خاصه ليله الجمعه

وبعد هاتي لهاا مسجلة واشرطه قران بصوت قاري مميز مثل العجمي او السديس او الشريم او اي قارئ عي تحب تسمعله

وبكذا تكون تشتاقلج وتشتاقين لهاا

>>> جربي معاهاا وصدقيني راااح تحبج و تحبينهاا وتصير علاقتج فيهاا غير