ذكرياااات .. لاتنسى .. قصتي مع نادي المنال

[مهاااا]

السلام عليكم ورحمة الله وبركاته ..

غالياتي المنولات


موضووعي هذا فريد من نوعه


لانه يحوي ذكرياتي .. مع نادي المنال

في البداية .. قبل لا اعرف نادي المنال ..



كانت اختي تتصفح في الانترنت



وتدور خطوات للمكياج .. في عمو جوجل ..



ضغطت Enter




طلع لها عنوان من نادي المنال النسائي



دخلت



عجبتها الالوان والأقسام .. سجلت باسم (( مهاااا)) ولكنها ما شاركت .. فقط قعدت تتصفح



وفي يوم من الايااااااام



جيت عند اختي لقيتها قاعده على نادي المنال




قلت لها اللللله شنو هذا ؟؟



قالت هذا موقع حلووووووووو وهو نسائي ومتدين جداً >>> علشان كذا اشتركت ..




قلت : صج ؟؟ عادي اشارك باسم مهاااا ؟؟



قالت اكييييد .. تراه حلوووو ومواضيعه اسلامية ومافيها شي مخل بالآداب ..




دخلت النادي ... تصفحت قبل لا اسووي الترحيب ..



وشفت قسم للترحيب قلت حق شنو هذا ؟؟ ههههههه .. المهم .. دخلت ولا احصل ناااس جدد مثلي




فرحت وسويت موضووع جديد .. وهذا كان الرابط :



شاركت وشاركت وتعلقت بالنادي وبالبنات .. كانت اول وحده اتعرف عليها هي : شوق القصيم ..



واول من ارسل لي رسالة كانت بالرسائل المستعجلة ..



طلع لي بوكس تخرعت منه .. ههههههههه .. ولا لقيته من (( بنت السعودية اللي هي الحين مها الجزيرة ))



قالت لي فيها : انا اسمي مهااا وانتي مثل اسمي .. وش رايك نصير صديقات ؟؟



عاد رديت عليها : ترا انا اسمي الحقيقي مو مهاااا ههههههههه .. وقلت انا اتشرف بصداقتج يالغالية



المووووووهم ..



تعلقت في النااااااااادي موووووت .. وصرت ابذل قصارى جهدي بس عشان اقدم مافي بوسعي ..



وجاءت الصاااااااااعقة ... جاتني دعوة ادارية من ام عزوزي .. تقول فيها :

بسم الله الرحمن الرحيم
السلام عليكم ورحمة الله وبركاته



غاليتي مهاوي ادعوك لتكوني مراقبه على أي قسم ترغبيه
وبعدها باذن الله اذا اثبتي تواجدك المستمر وعطائك
سيتم ترقيتك لمشرفه ومحرره في النادي

بانتظار قبولك للدعوه
لارسالها الى الاداره ويتم تنصيبك

وجزاك الله خيرا على جهودك الجباره

فرحت مووووت ورحت ابشر اختي اللي عرفتني على الناااادي .. استااانست وقالت ماشالله عليج .. ركضت عند امي واخووي ..




اخووي الكبير كنت دايماً اقول له عن نادي المنال .. كان يستانس ويقول الله يوفقج وياهم ..



علمته عن خبر اشراافي وفرح لي ..



المهم .. رديت على ام عزوووزي وانا طايرة من الفرحة ..



وسألتها بعض الاسئلة وكان جوابها :

هلا مهاوي
مبروك مقدما
اللحين ارسل طلبك للاداره ويتم تعيينك مراقبه
ومثل ماذكرت لك على حسب اجتهادك وتواجدك يتم ترقيتك لمشرفه

بالنسبه لسئلتك

لاطبعا مو لازم التواجد اربع وعشرين ساعه مستحيل
لكن تكون متابعه تماما لقسمك وكل موضوع ينكتب فيه هل هو مكرر او لا
مخالف او لا ..الخ
وتحاول طبعا تطوري القسم باي فكره تحبيها

يعني تكون متابعه فقط
اقترح عليك كل فترة من اليوم تدخلي تاخذي طله تشوفي في شئ جديد اولا

طبعا على حسب قدرتك

بس اللي ماتبيه الاداره انك تغيبي لايام ولاتعطيها خبر
او تهملي القسم ولاتابعي المواضيع ولا تردي عليها

طبعا بعد ماتصيري مراقبه
بتصيري تشوفي قسم تحت اخر النادي اسمه نادي المراقبات
بامكانك طرح اي سؤال او اي شئ ببالك واحنا بتشوفيها واقفين معاك واكيد ماراح نبخل عليكي بالمساعده
وفيه اذا جت امتحانات او غيرها من الظروف وبتغيبي فتره عن النادي
تكتبي هالشئ فيه

والله يوفقك

للحين محتفظة بالذكريات .. ولا يمكن انساها ..



المهم ..

قبل لا اصير مشرفة .. وقبل لا اصير مراقبة .. كنت اشارك وبنشااااط ..





وبدون لا ادري رديت على احد المواضيع القديمة .. ارسلت لي ام عزووزي ع الخاص .. تنبهني عن هالشي



ومن الخوووف تحلمت فيه وانا نايمة ... دزيت لام عزووزي اقول لها عن الحلم ..




وهذي رسالتي :

ام عزووزي

تصدقين اليوم شنو تحلمت فيه ؟؟

تحلمت ان نادي المنال الغوا عضويتي

ههههههههههههه

والله قمت متخررررعة .. وتوني اتذكر الحلم الحين..

والله لحد الحين شكل الحلم في بالي .. صارت الصفحة بيضة وفيها بوكس بالنص

مكتووب فيه : لقد تم الغاء عضويتك

وشوووي صار لون اسمي اسود .. تخررررررررررعت

ههههههههههههههههههههههههههههههه

فديتها ام عزووزي الله يذكرها بالخير .. وربي لها وحشششة ..



وهذي قصتي مع نادي المنال النسائي ..


اتمنى تعجبكم .. تحياتي

مهاااااوي

[دلوعتي]

هههههههههههههههههههههههه


رهيبه مهاوي


والله النادي له ذكريات



وفعلا اثبتي وجودك

والله يوفقج في حياتج يارب


بس انتبهي



لاتتحلمين احلام مو شي مرة ثانية
وربي ضحكت عليك



ننتظر باقي الذكريات

[د.الاسطورة]

ذكريات روووعه
ربي يسعدك يا رب

فعلا ذكريات لا تنسى

[مهاااا]

دلوعتي

ههههههههههههههههههههههههههه .. على خشمي من اليوم ورايح ماراح اتحلم بشي مو شي >> هههههههههههههه

اسعدتيني بمروورج دودو .. دمتـــ متألقة ـــي


د.الأسطورة

اااي والله مستحيل انساها .. تسلميييييين حبيبتي الاسطورة على مرورج اللي عطر صفحتي بماي الورد والمسك والعنبر ..

[جنة القلوب]

ههههههههههههههههههه

رووووووووووعة بصراحة

لا اما أنا بصراحة كنت متزاعله مع البنات اللي بالمنتدى اللي انا فيه

وماخذه بخاطري منهم وقاعده اتفلى عليهم عشان ابين لهم انه خلاص مو راجعة لهم

ولا يحاااااااااااولون ... فزززززززززهقت ورحت ادور منتدى كبير زي المنتدى اللي انا فيه ويكون نسائي

وايضا تكون اعداد البنات كبيرة مثل اللي تعودت عليه

وتقريبا مابقي منتدى مادورته وطبعا الأهم عندي انه يكون محافظ ونسائي

ويمكن خلال اليوم واحد سجلت بأكثر من عشر منتديات هههههه بس مااتحمس لأن عدد العضوات قليل

لأن متعودة اعداد توصل الألف والألفين

واخر حاجة بعد ثلاث ايام من البحث بالصدفه لقيت نادي المنال .. فتحت اول حاجة بهرني فيه كان حجمة كبير

ورحت بسررررررررررررعه على العضوات والا كان فيه بحدود السبعين وافرررررررررررح بقوة يعني في عضوات


راح يتواجدون ههههههه المهم وقلت مالي الا هو اسجل فيه ... سجلت والحمدلله بس كان مضايقني عدم وجود المصلى

لأن انا تواجدي بأي منتدى يكون بالمصلى احبه واحب مواضيعه

والحمدلله تم افتتاحة وجزاهم الله كل خير ..


بس الي يمنعني من الدخول الآن بكثرررررررة اني رجعت للمنتدى حقي ههههههه برضاوة

فأكون مسؤوووله بكذا حاجة وممنوع اتغيب عنهم وتوي معاااقبه بسبب غياب 5 ايام ههههه

وارتباطات بأول منتدى لي من صار عندي نت بالفرقة والمشاريع الدعوية ..

فيكون جل وقتي بالمشاريع لأنها مشاريعنا تنزل بشكل شهري

وانا نزلت لكم مشروع التواقيع وهذا احدى مشاريعنا

اما الشئ الثالث هو الدراسة قامت تصعب علي لأن ادرس بأكاديمية كندية

والكتب اللي ندرسها فوق نطاق مستوانا بالسعودية .. الكتب تجي من مصر والأردن

حتى قررت اني اتوقف ان شاء الله بعد هذه السنة لأنه الآن ذااااايقه الويل منه


بالنهااااايه لا تنسوني من دعواااااااتكم اجيب معدل عااااااااالي عشان اخذها دبلوم ولا احتاج اكمل بكالوريوس



بس هذا كل السالفه ومن هنا تعلقت بالمنتدى وصرت احب امر عليه يوميا لو متصفحة فقط


ويسلمووووووووو مهاااا

[جنة القلوب]

وااااااااااااااااااااااااااااااو افتشلت لما شفت كل هالكلام اللي كتبته

بجد ماحسيت يالله فشلللللللله ههههههههه

اعذريني مهاااوي ماحسيت اني طولت الا لما سويت ارسال وشفته هههههه

الله المستعان

[بشرى]

ذكريااات كتير حلوة

اختي مهااا

يعطيك العافية

ويسعدني ان تكتبي ذكرياتك الرائعة مع المنال

[مهاااا]

جنة القلوب

بالعكس يا قلبي والله اني فرحت جداً يوم شفت رسالتج .. لا تتفشلين كلنا خوااااات يالغالية ..

موضوعي كله لج ..

واذا ما شاركتي وتناقشتي من اللي بيشارك فيه ؟؟؟؟؟؟؟؟؟؟؟؟

بارك الله فيج جنة القلوب وياااااااااارب تجيبين معدل عااااااااالي وتطلعين الاولى وينكتب اسمج بالجرايد قولي آآآميييييييين ؟؟

الله يوفقج ان شالله .. ماراح انساج من دعواتي ..



بشرى

ياهلا فيج والله .. اسعدني مروورج يالغالية بشوورة

[موزة]

ذكريات جميلة جداااااا مهااااا

يسلموووو غاليتي على أحلى الذكريات

[مهاااا]

الله يسلمج حبيبتي موِوِزة

مروِوِرج اسعدني جداً

الف الف شكــــــــر