كله تحش كله تحش ... شسووي ؟؟

[مهاااا]

السلام عليكم ورحمة الله وبركاته

والله احترت وين احط هالموضووع

..

عزيزاتي المنولات

معانا وحده بالصف كله تحش

( *تحش:كلمة خليجية تعني الكلام في الناس بما يكرهون من غير علمهم )

المهم ..

كله تجي عندي وتقعد تحش .. وانا استغفر قدامها واقول حرام مو زين .. وماكو فايدة

ترجع تحشششش .. والمشكلة انها ما ترتاح الا وياي فلذلك تجي تحش عندي ..

انا خايفة من عقاب ربي .. شنو تنصحوني اقول لها ؟؟؟؟؟؟؟؟

لاني محتااااااارة موت ..

بانتظااااااااركم حبيباتي

[مهاااا]

للعلم فقط :

ترا هي من النوع اللي ما يتقبل النصيحة أبداً

[ورقة نعناع]

احسن شي تبعدي عنهااا

واذا صارت بتحششش تقولي اصصصصصصص اتقي الله في نفسك

وطنشيهااا وتشوفين لما تسكت

يمكن انتي تعطينهاا وجه بزياده علشان كذا تجلس تحشش

الله يهدي الجميع

[_basbosa]

[size="6"][b]
قولي لها من زين وجهك انت و وجهك اول شي شوفي نفسك بعدين تعالي حشي بالناس (الحمدلله والشكر))

لايجوز هذا المثل بارك الله فيك

[د.الاسطورة]

مشكلتي متلك يا مهاا
والمصيبة اللي عندي اقولها لا تحشي ياخدون حسناتك
تقولي ما عندهم حسنات يعطوها..ههههههههههههه
في احلى من هالرد
وانا مقدر ابتعد عنها لانها من الاقارب
بس احاوب اتجنبها ولا اكلمها
وانتي اعمل هيك
ربي يكون بعونك

[*كابتشينو*]

السلاام عليكم
هلا مهاوي اولا الله يهديها ويهدي الجميع
وانتي صارحيها وقولي لها عيييييييب عليك وبيني لها عاقبة الي بتسوية
واذا جت تحش قومي عنها واتركيها لحالها واذا لزقت فيك
سوي لها تصميم وانتي شاطرة فية ماشاء الله عليك
يبين انو الي تسوية غلط ومايجوز
مثل >>>>>> تفكر
مثل جثة وحولها اوادم ياكلون لحمها >>>>>> خليها فيلم رعببب
وتقبلي مروري
سلاام

[محبوبة من الكل]

اذا جات تحش لاتسمعين لها قولي لها ايحب احدكم ان ياكل لحم اخيه ميتا فكرهتموه ذ كريها ان الذكرى تنفع المومنين واذا مااحد سمع لها مارح تتكلم واتمنى لها الهدايه وللمسلمين

[قربوعة الكمبروتر]

ياقلبي
الي مثل كذا اذا جت تحش
لاتعطينها مجال
وصكري السالفه ازين لك

الله يعينك
بس اذا ماكانت غاليه عندك
تقدرين تبعدين عنها شوي
اهم شي ماتكسبين اثم

تقبلي خشتي القميله

[مهاااا]

ورقة نعناع

لالا هي ترتاح لي اكثر شي .. لاني انا انصت لها اذا تكلمت واتقبل الآراء كلها..

فلذلك ترتاح لي اكثر شي .. الله يعيني

تسلمين على ردج حبيبتي



بسبوسة

لالا حرام اسبها واقول لها هالكلام ... النصيحة الطيبة هي اللي تفيد ..



د.الأسطورة

هههههههههه يعني انا وياج في الهوا سوا

خخخخخخخخخخخ

.. المشكلة ان هذي البنت زميلتي في الصف واسمها دايماً تحت اسمي في القائمة فلذلك هي معاي في القروب والمشاريع وكل شي !

هههههههههههههههههههه ..



*كابتشينو*

والله فكرتج روووعه..بحاول اطبقها وكله في ميزان حسناتج انتي يالغالية ..


محبوبة من الكل

حاولت اقول لها هالكلام .. تقول : انا ما احش .. انا قاعده اقول الصج !!!!!!!!!!!!!!!

استغفرالله العظيم .. الله يهديها ويهدينا

الف شكر لمروِوِرج


قربوعة الكمبروتر

ههههههههههههههه يازين خشتج القميلة ... والله مروِوِرج يسعدني

نصائحج في عين الاعتبار

بإذن الله جاري التطبيق .............